بسم الله الرحمن الرحيم
السلام عليكم ورحمة الله وبركاته
كتير مننا بنسمع من اخواتنا اهلنا اباءنا وامهاتنا وكمان من اصحابنا ومن جيرانا من ناس كتير يعني كلمة
انا مش طايق نفسي ومش طايق حد ومش عايز اسمع كلام من حد
تفتكروا ليه
في اعتقادي الشخصي ان دي ساعه من ساعات الشيطان اللي الشيطان فيها بيبقي في اوج نشاطه وعنده استعداد يخليك
تعمل اي حاجه دا حتي ممكن يخليك تنتحر يا راجل وكلنا عارفين مسلمين ومسيحين ان الانتحار يعد كفر بالله وحتي عندنا
في الاسلام محدش بيصلي علي المنتحر
ما علينا من نقطة الانتحار مع انها مهمه لكن مقصدي ليه نخلي نفسنا عرضه لوسوسة الشيطان هاتقولي ممكن يكون حاجه حصلت خليتني ابقي متضايق هو انت يعني مش بتحصل معاك ؟
هقولك لا بتحصل معايا اكيد طبعا لان انسان والانسان ممكن تحصل معاه حاجات اكتر من كدا
لكن دا بيكون ابتلاء من الله سبحانه وتعالي والمطلوب علشان انجح في الامتحان اني اصبر
برضه شوشو هايوسوسلك ويقولك تقولي انك صابر طول عمرك هقولك اللي يشوف بلاوي الناس تهون عليه بلوته ان كنت انت في ابتلاء صعب ف فيه ناس الابتلاء عليهم اشد منك واكتر منك يا بني ادم اسمع كلامي وخدها نصيحه خليك صبور ودايما حاول تكون هادي في الامور اللي فيها ابتلاء واذكر ربنا كتير خلي كلامك دايما فيه التعبيرات دي ( يارب _ يا هادي الحال يا رب _ يا مصلح الحال يا رب _ ويا ميسر الامور يا رب ) الكلام دا متقولهوش في وقت الابتلاء فقط لالالالالا لكن تقوله علي طول ( الا بذكر الله تطمئن القلوب ) دايما وانت شغال وتيجي تعمل حاجه قول يا رب ساعتها هاتلاقي الحاجه اللي بتعملها سهله وبسيطه وربنا هايسرهالك باذن الله وبرضه وانت بتعمل اي حاجه وانت ماشي وانت قاعد وانت رايح او جاي قول يا هادي الحال يا رب هاتلاقي الوقت لو صعب عليك هاتلاقيه بيهون والصعب بيلين
لو ليك مصلحه في شغل او ليك ورقه او بتخلص حاجه في اي حته والامور معقده ومطلوب حاجات كتير قول يا ميسر الامور يا رب
الحاجات دي سهله يا جماعه وبسيطه وان شاء الله تقربنا من ربنا ولو شبر بسيط صدقني/صدقيني احنا في عرض اننا نقرب شبر من ربنا
ربنا يهديني ويهديكم الي الطريق السليم
مديح جبر
للمزيد من مواضيعي
مش طايق حد
العرض العادي
