قضت محكمة استئناف طنطا برئاسة المستشار مصطفى الإمبابي- الأحد- حبس المحاميين إيهاب الساعي الدين ومصطفى فتوح سنتين وثلاثة أشهر، وقبول الاستئناف شكلا وتعديل الحكم السابق بحبس المتهمين لخمس سنوات بتهمة الاعتداء على مدير نيابة طنطا باسم أبو الروس.
وكان لافتا غياب أي محامي بارز عن حضور الجلسة، إضافة إلى عدم حضور أي من أعضاء مجلس نقابة المحاميين.
وأكدت محكمة جنح مستأنف أول طنطا في حيثيات حكمها في قضية تعدي محاميى طنطا على مدير نيابة قسم ثان طنطا على أنها تطمئن إلى ارتكاب المتهمين المحاميين لما هو منسوب إليهما.
وقد تأكد للمحكمة أن المحامين تعديا عمدا على موظف عام هو باسم أبو الروس مدير نيابة قسم ثان طنطا أثناء تأدية وظيفته وبسببها، وكان ذلك مصحوبا بضرب صادر عن سبق إصرار وترصد بأن تتبعاه إلى أن تمكنا منه وفاجأه صفعا على وجهه وركلا بالأقدام في أنحاء متفرقة من جسده فأحدثا به الإصابات الموصوفة بالتقرير الطبي والتي أعجزته عن أشغاله الشخصية مدة لا تجاوز 20 يوما على النحو المبين بالتحقيقات.
وأضافت المحكمة، في حيثيات حكمها، انه ثبت أيضا تعديهما على موظف عام هو عريف الشرطة سامي رشوان إبراهيم، أحد أفراد الحراسة المعينة على نيابة قسم ثان طنطا أثناء تأدية وظيفته وبسببها، وكان ذلك مصحوبا بضربه بأن جذباه عنوة من يده بداخل غرفة مدير نيابة قسم ثان طنطا صافعين إياه على وجهه فأحدثا به إصابات أعجزته عن العمل لمدة 20 يوما.
وأشارت المحكمة إلى انه ثبت لها قيام المحاميين بالإهانة بالإشارة والقول والتهديد لموظفين عموميين هم أربعة من أعضاء نيابة قسم ثان طنطا وأفراد قوة الشرطة المعينة لحراسة النيابة والمكونة من 5 أفراد وكان ذلك أثناء تأدية وظيفتهم وبسببها، إلى جانب قيامهما(المحاميين) بسب موظفين عموميين من أعضاء النيابة العامة وأفراد قوة الشرطة المشار إليهم بسبب أداء وظيفتهم، كما أتلفا عمدا أحد الأملاك المعدة للنفع العام وهي المنقولات المؤثث بها مكتب مدير نيابة قسم ثان طنطا والمقدر قيمتها بما يربو على 300 جنيه
تعليقا على ذلك
اسمحولي أقول الحكاية من منظور الحكم الأبله:
الاثنين المحامين هجموا على باسم أبو الروس و قاموا ضاربينه بالقلم على وشه و بالشلاليت ، و كان حواليه خمس عساكر، قام إيه ، قام إيه، اسمعوا يا ولاد، كان ده في حضور 5 من أفراد قوة الشرطة( خمسة في عين العدو و إلي ما يصليش على النبي) و أربعة أعضاء النيابة و ( شوف إزاي يا أخي) و كل دول لم يجرأوا على حماية باسم المسكين لأن الاثنين المحامين رعبهوهم ( زغرولهم إنما إيه زغرة جامدة قوي) و لكن يا ولداه فيه عريف غلباه هو إلي قرر يتحدى "الزغرة الجبارة بتاعة المحامين الجبارين" و حاول يحمي باسم المسكين " زي متى المسكين كده" فما كان نصيبه يا ولداه إلا شوية أقلام على وشه إحتاجت علاج عشرين يوم " مش عشرين دقيقة واخد بالك إنت إزاي" " طبعا مش أقلام الجبارين و ربنا على المفتري".
ياسلام على المسخرة " الميم و السين دول عشان الرقابة بس"، ده طبعا مستوى قضاء ناس جايبة خمسين بالمائة بالعافية و متعينين بالواسطة، يعنى حتى لما يحبوا يحبكوا حاجة تطلغ مسخرة " دون الميم ول السين طبعا" زي زميلهم "....." إلى حكم في قضية العبارة درجة أولي و قال إيه " لم يثبت للمحكمة كيف مات الضحايا" شوف الهبل ، على رأي أحد الكتاب المحترمين " جايز كان فيه عربية معدية في البحر و طستهم .
البهوات وكلاء النيابة الاربعه دخل عليهم اتنين محامين قطعوهم من الضرب بالشلاليط والاقلام وقعدوهم مش قادرين يشتغلوا وخمسه من الشرطة اتنين محامين زغرولهم خوفوهم وواحد اللى اتحداهم ودخلوا قطعوا مكتب سعاده البيه وكيل النيابة وموتوهم من الضرب يا سلام والمحكمة الموقرة إطمئنت إلى هذا الكلام والله أحلى من المسلسل العربى دا لو واحد حاول يألف مسلسل زية مش هيعرف إنما والله عندنا مؤلفين زى العسل عملوا المسلسل صح وأخرجوة وأنتجوة طيب كنت إعطى مدير النيابة أى جزة إنما يتنقل لنيابة المنوفية هو ما اعتداش على اى حد هو المحترم والمؤدب والمحامين دول ........... عاوزين الحرق والضرب والشنق يستاهلوا كل اللى يحصل لهم
سيبونى مش عاوز اتكلم
اللى ضرب بوش بالجزمة يتحبس سنتين واللى اتخانق مع وكيل النيابة والبيه اللى ضربه الاول يترقى والمحامي يتحبس شوفتوا قانون البلد
النائب العام ينقل مدير النيابة ويترقى للمنوفية والمحامى يتحبس سنتين ليه حرام إتقوا الله اتقوا ربنا انتم بتحكم مسرحية ولا بتقولوا ايه مصدقين اللى بتقولوة
اتنين محامين ضربوا أربع وكلاء نيابة وخمس عساكر شرطة ايه فتوات ولا محامين دا لو مين هيضرب تسعه ليه والبوهات ولا واحد اتكلم ولا فتح فمه إنما المحامين اللى متربوش ضربوا تسعه لواحدهم لا وايه وكسروا المكتب فتوات يا ناس
رجاء من المشرفة العامة عدم نقل الموضوع
للمزيد من مواضيعي
نزاهه قضاء مصر وكرامته فى حكم محكمة
رد: نزاهه قضاء مصر وكرامته فى الطين
العرض العادي
