بسم الله الرحمن الرحيم
انا عارف اني غبت كتير عليكم بس معلش كان فيه ظروف
النهاردا انا جاي ومعايا سؤال عارف ان مفيش حد هايجيله الجراءه انه يجاوب عليه لكن انا عايز اساله لا ربما يكون فيه حد قادر يكون جريء ويجاوب عليه وقبل ما تسالوني ايه هو السؤال انا جربته علي نفسي والحمد لله قدرت ارد علي السؤال دا لكن يا تري هل انت / انتي هاتقدر ترد علي السؤال دا
ملحوظه ::: لازم تفكر كتير قبل ما تجاوب

السؤال :----- ايه هي اكبر غلطه في حياتك ندمت عليها ؟

يا تري هي معرفة شخص ؟
ياتري هي عمل شيء ؟
ياتري هو اختيار غلط ؟

ياتري يانري يا تري ؟؟؟؟؟
ياريت تجاوب بتوضيح دا امتحان ليك قبل ما يكون لحد تاني لان ردك عليه هايوصلك لطريق سليم وهايقوي شخصيتك

وروني الهمه يا شباب وردوا علي السؤال

للمزيد من مواضيعي

 

الموضوع الأصلي : اكبر غلطه     -||-     المصدر : مدينة المنصورة     -||-     الكاتب : madih

الغلطه انى عرفت ناس انا مكنتش عوزه اعرفهم وعرفت ناس تنين كنت اتمنا اشفهم من زمان لكن للاسف عرفتهم بعد فوات الاوان ياخساره
لكن الحمد الله على اى حال ده قدر وانا متعودتش العن قدرى بالعكس انا دائما بقول الحمد الله بس نصيحه منى اوعى تستعجل فى الارتباط باشخاص لان ممكن يكونوا سبب تعستك وممكن يجى بعدهم ناس احسن منهم كنت انتا بتحلم بيهم

شكرا ليكي يا كليوباترا علي مرورك وردك وبشكرك جدا علي النصيحه الجميله دي وانا فعلا بعمل بيها او علي الاقل بحاول وربنا يعين كل واحد علي نفسه وبتمنالك التوفيق في حياتك واتمنالك ان ربنا يوفقك دايما في اختياراتك ويوهبك الحكمه في تقدير الوقت والامور

اولا عودا احمد حمد الله علي السلامه

ويارب كان الغياب خير

انا كمان لسه راجعه من يومين حمد الله علي سلامتي برضو

سؤال قوي فعلا يا "مديح" اللي انت طارحه ده

اكبر غلطه بالنسبالي كانت اختيار خاطئ
ومعرفت اشخاص غلط اتخدعت فيهم

ممكن بقي بما انك طرحت السؤال ده تجاوب عليه انت كمان

ونورت المنتدي من تاني وياريت متكررش الغيبه

شكرا ليكي يا سحر علي مرورك دا واهتمامك بالرد ويارب تكوني عرفتي ازاي تتفادي الاخطاء دي لان حتي الانسان الواعي الذكي ممكن يقع في الاخطاء دي اكتر من مره
اما بالنسبه للغيبه في اني كنت مشغول في الشغل الفتره اللي فاتت ولازلت لكن الوضع بدا يستقر دلوقتي الحمد لله
وحمد لله علي سلامتك ويارب يكون مانع غيابك خير
اما بالنسبه ليا فا انا فعلا سالت نفسي السؤال دا وكانت غلطتي اختيار غلط في وقت غير مناسب بالمره ودا ادي الي مشكله كبيره عندي لكن الحمد لله لم تفقدني التوازن وقدرت اسيطر عليها وعدت الحمد لله واتعلمت من خطأي والحمد لله وبفضل الله بقدر اني اتفادي الحاجات دي والاختيارات دي وربنا يعنا ويساعدنا في حياتنا جميعا ويهدينا الي الطريق المستقيم واللي فيه الخير دايما لينا جميعا

وشكرا ليكي يا سحر علي ترحيبك الجميل دا

ربنا يجنبنا جميعا الاختيارات الخاطئه

خصوصا الاختيار اللي مبتقدرش تغيره بعد كدا

ومبروك علي الشغل وربنا يوفقك فيه يارب

الاول حمدالله على سلامتك مديح ومنور المنتدى من جديد
السؤال :----- ايه هي اكبر غلطه في حياتك ندمت عليها ؟
اختيارى الغلط لناس كل ما فيهم نفاق فى نفاق خلتنى افقد الثقة فى العالم كله فى وقت من الاوقات
بس هرجع واقول دى اختياراتنا ولازم نتحمل نتيجتها والمهم انى اتعلم كتير اوى

ثانكس على التوبيك بجد واقعى جدااا

شكرا ليكي يا روعه علي ترحيبك دا والمنتدي منور بيكي وبكل اعضاؤه

مش مهم نغلط لكن المهم نتعلم من الغلط لان مفيش حد معصوم من الغلط حتي لو اتكرر الغلط معانا تاني دا مش معناه نهاية العالم لكن بيبقي معناه ان لازم نفكر في الخطأ اللي اتكرر هل العيب مننا ولا من اللي حوالينا ولا الخطأ فين بالظبط ولو قدرت تجاوب علي السؤال دا يبقي انت اكيد وصلت للطريق السليم بس اهم حاجه تكون صادق مع نفسك علشان تقدر توصل للمكان والراي والقرار الصح

شكرا ليكي يا روعه علي مرورك وردك الجميل

عم بظن لسة اكبر غلطة فى حياتى محصلتش مش معنى كدة انى حياتى مفيهاش اخطا ولكن مش لدرجة انى ااقول دى اكبر غلطة فى حياتى

ربنا يهدينا جميعا للطريق المستقيم ويوفق خطواتنا اللهم امين