السلام عليكم ورحمة الله وبركاته

انا انهارده معايا استيكه وقلم كل عضو هيدخل الموضوع بتاعي

هديله استيكه وقلم


ويقلنا بصراحه


هيمسح ايه من حياته بالاستيكه


ايا كانت الحاجه صفه...... شخص..... .موقف.................


وهيكتب ايه بالقلم في حياته

حاجه يحب انها تكون موجوده في حياته


يالا بقي مستنياكوا

للمزيد من مواضيعي

 

الموضوع الأصلي : عايزاكوا تجاوبو بصراحه ؟     -||-     المصدر : مدينة المنصورة     -||-     الكاتب : بوسي محمد

بصى يا ستى بالاستيكه فى حاجات كتير هتتمسح ( مواقف من ناس خانت وكدبت واصحاب ميهمش غير المصلحة ) نفسى امسح بجد صفة الطيبه ومش بلصق صفة لنفسى لأ دى بجد علشان دى هى اللى جايبه المصايب كلها .....

بالقلم بقى هكتب ( الدنيا بتبقى كويسه طول مافيها حد يدك أمل لبكرهـ ولما تفكر فكر فى النهاردهـ يكون ازاى واستمتع بكل مافيه وسيب بكرهـ لوقته فربما لا تحيا غداً )

وبس ومشكووورهـ على الموضوع

الاول ميرسى يا بسبوسه على موضوعك المميز
همسح من حياتى كل قرار غلط اخدته فى حياتى
هكتب بالقلم انى هفضل ورا الدنيا لحد ما تدينى وجهها وتبتسملى لانى تعبت منها اوى بس مش هسيبها الا لما تضحكلى

نورت التوبيك وشكرا علي مرورك الجميل

ايوة كده انا عايزاكي يفضل عندك امل في الله علي طول وان بكره اكيد احسن
نورتي ياجميل وميرسي علي مرورك

ممممممممممممم
همسح الصحاب اللى باعونى بالرخيص
الحب اللى من طرف واحد
ثقتى فى ناس ماكانوش يستاهلوا
وهكتب قربى لربنا اكثر
وانه يرزقنى بنت تحبنى واحبها وتكون ام عيالى

ميرسي علي مرورك الجميل فرافيرو وربنا يوفقك ويرزقك ببنت الحلال قريب يارب

يسمع من بقك ربنا هههههههههههه متفهميش مع انى مش مستعجل على الجواز بس هو طفاسه

هههههههههههههههههه
لا طبعا مش طفاسه ولا حاجه وبعدين ده من حقك انك تبتدي تدور لحد ماربنا يوفقك وتلاقيها

اول حاجة همسحها البنت اللي كنت فاكر انها كانت بتحبني زي ما كنت بتحبها
ومع اول فرصة خطوبة جات لها وافقت
و باعتني برخيص اوي
هه
و هاضيف اني لازم اخد حقي من الدنيا بدراعي
لان الطيبة اللي بتعامل بيها مع الناس مش بتجيب الا الجرح و الحزن ليا


و ميرسي يا بسبوسة ع التوبيك الجامد ده