رأي احدي البنات
(ترفع حاجبيها في دهشة ) :
انا مصعوقة انا اكتشفت ان كل البنات كل همها الاول و الاساسي هو الزواج
رأي احد الشباب
(يتكلم بسخرية و لا مبالاه ) :
لو البنات يبطلوا يفكروا في الزواج كان حيبقي الوضع افضل و حالها احسن
و من هنا بدا التفكير و الربط بين الجمليتن
كانت راسي ارض المعركة لحرب التساؤلات التي دارت فيها
هل المشكلة بتكمن ان البنت تطلب الستر من الله ؟؟
هل المشكلة انها تفكر ان يبقي ليها بيتها المستقل ؟؟
هل المشكلة انها نفسها تبقي ام لاولاد ؟؟
هل اصبح عار و ترخيص لها ان تحلم مجرد حلم بفتي احلامها ؟؟
طيب لو مش حلمها بزوج و بيت و اسرة تحلم بايه ؟؟
بشتغل في دبي !!!!!
و لا السفر لامريكا !!!
و لا تكريس حياتها لكسب الرزق و العمل في المؤسسات الحكومية !!!
بعد كل هذه التساؤلات يبدو ان راسي بدات تستقبل معونات من الاجابات
المراة بطبعها مخلوق عاطفي جداااااا
و غريزة الامومة ده شيء مولوده بيه
من و هي صغيرة بتحلم ان تتحول الدمية التي تلعب بها لBABY حقيقي بلحم و دم
و لكن لم يدرك عقلها الصغير العفوي معني الزواج
و لما كبرت شوية تاملت حولها وربطت العلاقات .
بابا + ماما = انا
توقفت قليلا و سقطت علي ذهني
قذيفة سؤال ار بي جي..
يعني ربنا خالق فيها الاحساس ده من و هي طفلة لا تعي ..يعني حلم ان تتحول الدمية
الي بيبي(baby)
ده حلم مش عيب و لا حرام
ديه فطرة و لو مكنتش موجودة هذه العاطفة
كان يصعب استكمال
اي بيت تم بناءه من عشرين و تلاتين سنة ؟؟!!!!!
يعني ان البنت تفكر في بيت و زوج و اسرة و اولاد و استقرار ده لازم يكون هدفها الاساسي
و الاسمي و طبعا باخلاص النية لله و ان كل ذلك من اجل تعمير الارض
و لكن فجاة انقطع الارسال و لم اري في ذهني سوي صورة علقت به و هي صورة دهشة البنت ..
و ما لبثت ان تذكرت ذلك المشهد حتي بدا ذهني في التحليل لماذا هذه الدهشة اكيد وراءها مغزي !!!!!!
فبدات اتامل في كوكو بنات الالفية الجديدة ..
اليوم تنظر للبنت تلاقيها متفلطحة متشنجة متاشفة (لا يظهر عليها نعمة ربنا )
متفزلقة متانفة متشخبطة ( الوان الطيف في وشها )
( كل تلك الصفات بضم الميم )
بالاضافة الي انها زنانة انانة حنانة حداقة شداقة
فانقلبت راسي 180 درجة و انهالت قذائف الاسئلة من جديد و كان دهشة البنت بمثابة غسيل مخ بالنسبالي
فبدات من نقطة الصفر اسال من جديد
هل البنات اليوم من حقها تفكر في الزواج ؟؟
هل ديه هدفها الاستقرار ؟؟
طيب هل ديه مؤهلة لذلك ؟؟
طيب لو فتحت بيت تقدر تنجح بنسبة اد ايه ؟؟؟
و فجاة لاحقتني صورة جدتي ..
ليه جدتي الحاصلة علي الابتدائية و لم تكمل تعلمها قدرت تبني بيت
و اسرة مزروع في قلوبهم الحب ل 30 و 40 سنة..
و بنات اليوم تقلع ثمار الحب من اول سنة زواج !!!!
ادركت ان الشيطان دخل من نقطة ضعفي عشان يقنعني ان التعليم هو السبب ..اللهم اغزيك يا شوشو ...
و لكن بدات في التفكير فيها ان بالعكس ان التعليم و التثقيف ده من اهم الاشياء.
خاصة التثقيف ان كانت امرأه عاملة او غير عاملة عشان تقدر تواكب زوجها المنفتح فكريا
مش يحس انه قاعد مع فردة شراب
و يجي يناقشها في اي موضوع يلاقيها بطيخ
طيب اومال اين المشكلة ..يمكن عمل المراة هو السبب ..
و لكنني نظرت حولي رايت زوجات عاملات كثيرات ناجحات
و ديه قدرات يعني ممكن يكون سبب و لكن مش قاعدة عامة
اوماااااااااااال ايه السبب ؟؟
,و فجاه انهالت عليا الاجابة من حيث لا ادري
ربما تكون الجدية و تحمل المسؤلية مفقود لدي البنات و اكيد الشباب ايضا نسبة كبيرة منهم
و طرق علي ذهني مشهد عجيييييييييب
الام
(تشتكي لاحد اقاربها في قاعدة فضفضة ) : البنت خلاص بقت عروسة و متقدملها عريس ..
بس مش عارفة ياختي ازاي حتشيل مسؤلية
الخالة
(ترد عليها و هي بتلوي فمها من غير مالام تشوفها و ضحكة صاخبة في الوش ) :
يا شيخة متقوليش كده ديه بنتك ست العرايس ..
دارت في راسي عبارة لو كانت هذه الخالة في وجهي لقذفتها بها
" من بره طق طق و من جوه فاش و بق "
نيجي لمشهد بعد الجواز و اول مشكلة تقابل الزوج و الزوجة
فتقوم خناقة و الصوت واصل لاخر شارع فيصل
البنت ( الزوجة ) :
اه مانا الشغالة بتاعتك اللي تغسلك و تطبخلك ..
الجارية اللي اشترتها عشان تخدمك و تمرمطها
("ما ديه مهمتك يا شبشب انتي
"دارت في ذهني هذه العبارة حمدا لله ان الخناقة مكنتش امامي حية
مع العلم ان هذا الرد المتشنج
الصادر من الزوجة عبارة ثابته في كل خناقة.. )
الزوج طبعا يرد عليها :
مانا طالع عين الفاميلي(family )طول النهار .. و الكالاليل (جمع كالو )
اكلم صوبعي الصغير عشان انتي تاكلي
و اخيرا
اسدلت الستار علي افكاري و توقفت عن التفكير حقا لهذا القدر كفاية ..
علي ما اظن اني وجدت السبب وربما اكون وضعت يدي عليه
فاخيرا اطلقت العنان لفمي ان ينطق بالكلمة الاخيرة
"عفوا سيدتي العذراء لا تفكري في الزواج قبل التاكد من قدرتك علي البناء "
راق لي
للمزيد من مواضيعي
عفوا سيدتي العذراء
العرض العادي
