زواج كبار السن من بنت فى عمر الزهور

سلطان الليالى · 08-31-2010, 09:19 AM

(الرجل)
في هذه الحياة ...
يبحث الرجل دائما عن الفتاة التي سوف يعيش معها حياته .. تلك الفتاة
التي طالما حلم بهاا وأراد أن يعبرعن أحلامه لهاا
ويكون معها أجمل قصص الحب والغرام .. .. فتاة تفهمه
ويفهمها .. فتاة تقدر الحياة الزوجية وتسعى لبقائهااا حتى يفرق بينهما الموت

(المرأه)
في هذه الحياة
نتظر الفتاة عندما تبلغ سن الزهور فارس أحلامها الذي طالما انتظرته أن يتقدم
للزواج بها .. قادماا على جواده الأبيض ليخطفها من حظن والديهاا إلي قفص
الزوجية .. ذلك القفص الذي حلمت ب أن تجد الحرية داخله ..
لتعبر عن حبها و إعجابها ب أبيها وأخيها وأهلها ومالك مفاتيح قلبهاا بطريقتهاا
وعفويتها الفطرية .. تحلم بزوج يعينها على نوائب الدهر ونكبات الدنياا .. تتطلع
لتكون أسرة تسودها المحبة والسعادة
وبالطبع لا بد أن يتوفر للزواج شروط تؤدي للسعادة ..

سوف أطرح اسئلة للنقاش في هذا الموضوع :-

1) هل زواج كبار السن من فتيات في سن بناتهم زواج عادل ؟؟
2) هل تعتبر هذه الزيجات في نظركم أنانية من الزوج ؟؟
3) هل ترون أن موافقة الاهل على مثل هذه الزيجات ظلم لبناتهم ؟؟
4) هل سيكون هناك توافق عقلي وفكري بين الزوجين ؟؟
5) هل تتفقون مع من يعتبرون هذا الزواج جريمة بشعة في حق الفتاة ؟؟
6) هل سيستطيع هذان الزوجان تكوين أسرة صالحة ؟؟
7) هل سوف يأثر ذلك سلبا على الأطفال ( إن وجدوا ) مستقبلا ؟؟

ABO TREKA LOVER · 08-31-2010, 11:44 AM

اقتباس:

المشاركة الأصلية كتبت بواسطة منير حماده

اولا انا مش عمري كبير عشان اتكلم في التوبيك ده بس اللي انا هاقوله يعني
دا مجرد رايي انا ف مش عايز لا شباب ولا بنات يزعلوا مني

1) هل زواج كبار السن من فتيات في سن بناتهم زواج عادل ؟؟
هو اكيد مش هيكون عادل لو ان الراجل لان كل بنت بتبقى راسمة في خيالها صورة ** الشاب ** اللي نفسها ترتبط بيه عشان يكون شريك حياتها او شريك احلامها
2) هل تعتبر هذه الزيجات في نظركم أنانية من الزوج ؟؟
غالبا
لانه وقتها مش بيكون بيدور على واحده عشان تساعده في حياته العادية
زي مثلا اكله و شربه و غيره
بس عادة بيكون بيدور على متعته كرجل و مش في دماغه البنت اللي هياخدها عايزة ايه
و طبعا و قتها ربنا يستر عليها و يحفظها من عندها
3) هل ترون أن موافقة الاهل على مثل هذه الزيجات ظلم لبناتهم ؟؟
في بعض البنات اللي بتحكم عقلها او بمعنى اصح ( بنات مادية )
يعني لو جالها عريس من دول عادي
بس اهم حاجة يكون متريش * غني * ف ساعتها بتبقى هي موافقة من نفسها طبعا بحثا عن المادة

بس غالبا لو الاهل غصبوا ع البنت يبقوا ظالميييييين طبعا

4) هل سيكون هناك توافق عقلي وفكري بين الزوجين ؟؟
اكيد لأ.
ازاي هيكون في توافق
دا هو ممكن يعلمها من تاني هههههههه
خصوصا لو كان حد فيهم متعلم تعليم عالي والتاني مش متعلم يبقى عيش بقى مع الاتنين دول احلى شغل تنطيط
5) هل تتفقون مع من يعتبرون هذا الزواج جريمة بشعة في حق الفتاة ؟؟
الزواج عمره ما كان جريمة الا اذا كان اتغصب عليها * دا رايي انا *
يعني اتفق معاهم جزئيا
6) هل سيستطيع هذان الزوجان تكوين أسرة صالحة ؟؟
الله اعلم
دي حاجة في علم الغيب
بس نظريا..
غالبا ...لأ
7) هل سوف يأثر ذلك سلبا على الأطفال ( إن وجدوا ) مستقبلا ؟؟

اعتقد ممكن

ميرسي لك جدا يا منير ع التوبيك
و اتمنى ان اجابتي تكون تمام

روعه · 09-01-2010, 02:01 AM

مشكور على طرحك للموضوع وانا مش مع زواج كبار السن لبنات فى عمر الزهور لانهم هيظلموا اولادهم معاهم والبنت نفسها هتفرح الاول شوية وبعدها هترجع تعيد حسابتها وتندم ومش هترضى بوضعها ده وهو مش بينجح غير فى حالة واحده لو البنت حبت هذا الشخص فمش هتركز على سنه هتحبه بكل ظروفه فمش هيكون فيه مشكله

سلطان الليالى · 11-30-2010, 06:16 AM

نورتنى التوبيك كالعاده يا صاحبى واءك كانت جميله
وكذلك انتى يا روعه التوبيك نور بيكى

حودة الجوكر · 12-01-2010, 12:57 AM

الموضوع دة مش فى التوقيت الصح اسف لكلامى لكن انت مش شايف كم البنات الى عدى سن الجواز .....وكم الشباب الى مش لاقى يتجوز

مش عارف رايك اية بس دلوقتى مفيش افضل من الستر

اللهم
إليك مددت يدي، وفيما عندك عظمت رغبتي فأقبل توبتي، وأرحم ضعف قوتي، وأغفر
خطيئتي،وأقبل معذرتي، وأجعل لي من كل خير نصيبا ، والى كل خير سبيلا
برحمتك يا أرحم الراحمين

BoOoOoDy · 12-01-2010, 06:19 AM

اقتباس:

المشاركة الأصلية كتبت بواسطة أسير الصمت

1) هل زواج كبار السن من فتيات في سن بناتهم زواج عادل ؟؟
لا رايى انا انه مش عادل لان البنت لو مش بتحبه او مستريحالو هتبقى ظلمت بنت لسه صغيره انها تعيش حياتها وتتجوز شاب من سنها يفهمها وتفهمه ويعيشها احلى لحظات حياتها لكن فى بنات اللى هما ملهمش اصحاب كتير عايشين كل تفكيرهم امته يتجوزو ويشوفو قد ايه الواز حلو فدول بيوافقو على طول
2) هل تعتبر هذه الزيجات في نظركم أنانية من الزوج ؟؟
ايوه طبعا لانه بيدور على واحده اولا تكون جميله لانها لو مش جميله عمره ما هيتجوزها نفسه فى الجمال علشان يصغره ومفكرش انه ممكن يقتل احاسيسها جواها لانها مش هتحس معاه اللى هتحسه مع شاب من سنها
3) هل ترون أن موافقة الاهل على مثل هذه الزيجات ظلم لبناتهم ؟؟
ايوه لانه فى الغالب بتبقى جوازات مصلحه او فلوس
4) هل سيكون هناك توافق عقلي وفكري بين الزوجين ؟؟
لا طبعا على قد ما هيبقو مبسوطين بس ده ليه تفكيره ودى لها تفكيرها الا لو كانت عارفاه كويس وبتحبه
5) هل تتفقون مع من يعتبرون هذا الزواج جريمة بشعة في حق الفتاة ؟؟
طبعا لانك بتظلمها وبتسجنها بقيت حياتها
6) هل سيستطيع هذان الزوجان تكوين أسرة صالحة ؟؟
ايوه عادى مش هيحصل حاجه
7) هل سوف يأثر ذلك سلبا على الأطفال ( إن وجدوا ) مستقبلا ؟؟
طبعا لانه لو كبير اوى هيبقى بمثابه جدهم مش ابوهم

مرسى على التوبيك الرائع والقضيه المهمه دى

ايمان بديع · 12-05-2010, 02:51 PM

توبيك جميل والى المزيد---مشكور

Not Shoot · 01-05-2011, 09:00 PM

الفتاة ممكن تلاقى مع الرجل كبير السن دا
حياة مكنتش ممكن تلاقيها مع صغير السن ونذكر
الرسول علية الصلاة والسلام لما تزوج من عائشة رضى الله عنها كانت صغيرة
وهو كبير سبحان الله ونقول الكبير وحش أزاى
مينفعش هى دى سنة الحياة وغير كدا الشرع فى الآسلام بيقول أربعة لو انا حتى عندى 100 سنة
بس اللى توافق علية
وشكرا على الموضوع أسير الصمت

للمزيد من مواضيعي