السلام عليكم ورحمه الله وبركاته

ناس كتير منهم اكيد احنا شفنا او سمعنا عن الضرب اللى بيحصل من رجاله لبعض البنات او الستات
حد يعرف ربنا لما قال واضربوهن كان يقصد ايه
الضرب الخفيف جدا وعلى مكان ميعلمش
بكل بساطه تضربها بمسواك وعلى مكان ميعلمش فيها هو ده مثلا شكل الضرب
بس الاول نشوف المفروض نعمل ايه من الاول
اول حاجه وقبل اى حاجه الضرب على الوجه حرام سواء للحيوان او الانسان او لاى كائن لانه فيه اهانه كبيره جدا للكائن الحى اللى هيضرب ده
نيجى بقى لطرق العقاب الاول بالكلام مره واتنين و عشره وعشرين وصلت لمرحله انها مش جايب معاها الكلام ده
تقوم هاجرها فى الكلام وفى التعامل وفى السرير طبعا المقصود انك تنام فى اوضه وهى فى اوضه
اهجرها بمعنى انك تخليها حاسه انك مش حاسس بوجودها وانك زعلان لدرجه انك مش عايز تتكلم معاها حتى
وبعد كل ده لو استمرت وقالت احسن ده كان مصدعنى
تبدا تشوف حل الضرب واللى قلنا ازاى يكون فشوفوا الدين احترم البنت و الانثى ازاى
فطبعا كلنا عرفنا دلوقتى شكل الضرب اللى الجامدين القلب والاحساس بيعملوه وبنسمع عنه ملوش اى علاقه باى مله او دين لان اكيد فى المسيحيه كمان تم ذكر شىء من هذا القبيل لان كله جاى من عند ربنا
ويا ريت يكون الموضوع افادكم وعجبكم

للمزيد من مواضيعي

 

الموضوع الأصلي : ضرب الرجل للمراه     -||-     المصدر : مدينة المنصورة     -||-     الكاتب : faraferoo

ثانكس على الموضوع والرجل اللى بيتصرف كده ضعيف جدااااااااا لان عمر ما القورة الجسدية كانت مقياس على قوة الشخصيه بالعكس الرجل اللى ايده سابقه عقله وتفكيره وبيستغل قوته الجسدية ضعيف فى شخصيته مفتقد للغة الحوار اصلا والحل انه يكون فيه قانون ينص مثلا على حبس او غرامة كبيره للى يتصرف كده والاهم انه يطبق ما اصل الناس دلوقتى بتخاف غير من القانون للاسف يمكن حاجة تتحسن ومن ناحية تانية الزوجه اللى ترضى وتستحمل تصرف زى ده تستاهل اكتر من كده بكتير وهى قبل ما تكون امراة فهى انسان فليه ترضى على نفسها اهانه وزل بالشكل ده وطبعا مش هنلاقى اجمل من الاسلام حافظ على المراة وكرامتها ورفقا بالقوارير

حقيقى كلمات فوق الوصف ده بالظبط اللى انا عايز اوصله ان القوه بقوه الحوار والعقل مش الجسد
اكيد القوه الجسديه مطلوبه بس مش عشان تستخدمها على اهل بيتك وزوجتك واولادك لا عشان تحميهم
فحقيقى يا ريت تختفى الحاجه دى بالتدريج من مجتمعنا
وعلى فكره انت عندك حق اللى ترضى بكده لنفسها تستاهل اللى يجرالها
ولكل بنت حق 3 شروط فى عقد الجواز اختارى منهم عدم الضرب احفظى حقك و كرامتك متخليش اى شخص
يبقى مهيمن على حياتك بالقوه لا بالعاطفه وبالحب وبالموده والرحمه
ويا ريت نشوف اراء باقى الناس

بجد والله المنتدى كسبك النهارده لانك بجد مواضيعك حلوه هى مش طويله بس ليها معنى
تقبل مرورى

سلام عليكم طبعا هما فيه نساء تستاهل الحرق بس المفروض الواحد ما يضربش مراته وطبعا الرسول الكريم صلي الله عليه وسلم قال حدثنا موسى بن إسمعيل حدثنا حماد أخبرنا أبو قزعة الباهلي عن حكيم بن معاوية القشيري عن أبيه قال قلت يا رسول الله ما حق زوجة أحدنا عليه قال أن تطعمها إذا طعمت وتكسوها إذا اكتسيت أو اكتسبت ولا تضرب الوجه ولا تقبح ولا تهجر إلا في البيت قال أبو داود ولا تقبح أن تقول قبحك الله.

حقيقى والله شهاده اعتز بيها شكرا على رايك وكلامك
بس عايزك تشاركنى رايك باستفاضه وقول كل اللى انت شايفه عارضنى و اتفق معايا واتوسع فى الكلام
انا بقتح الموضوع بس وعايز الناس تتشعب

جميل كلامك وحقيقى بشكرك على الاضافه الاكثر من قويه انا كنت بستدل من القصص اللى بتتحكيلى من الشيوخ والناس الكبيره لكن كويس انك جبت الدليل
شكرا

يا جماعه والله فى نساء ما بتمشى غير بالخرزانه أعزكم الله

والله واحد قال لجوز بنتة اضربها علشان تعرف تمشيها دى متعودة تمشى بالضرب

وواحدة بتقول لجوز بنتها والله سمعها يمكن ما كملت شهر بتقوله دى لو ما اضربتش مش هتعرف تتعامل معاها

بلاش الاحلام الجميلة دى يا جماعه

اظن ان الاعلم منى ومنك هو الله و رسوله و الصحابه اللى اتعلموا من الرسول
فمش عارف الحقيقه فكره الضرب دى ازاى فى دماغك عاديه جدا كده
انا شايف ان الراجل اللى بيضرب واحده ست بيفقد رجولته معاها
وشكرا على مرورك والاختلاف فى الراي لا يفسد للود قضيه

عجبنى جداً الموضوع يا فرافيرو وبحييك جداً عليه بس اوعى تكون بتضرب البنات وجاى هنا تقولنا على طريقه المعامله بهزر معاك يا بوب

بجد الموضوع عاجبنى لأنى بجد ناوى اطبق اللى انت بتقول عليه دا ان شاء الله

بس انت عايز تفهمنى ان السواك لما اضربها بيه هيوجعها او هتعيط ؟ يابنى البنات اليومين دول ممكن تتعشى بيك

المهم هو مينفعش طبعاً انك تضربها ضرب مبرح ويعلم فى الجسم او انك تضربها ضرب يهينها

الرسول عليه الصلاة والسلام كان بيضرب السيده عائشه بقشايه وكانت بتعيط بس مش من وجع الضربه ولكن عشان هى حاسه انها اخطأت وحست بالذنب

فياريت يكون كل البنات ذى السيده عائشه هو فرق كبير بينهم ومينفعش انهم يتقارنوا بيها نهائى لكن حاولوا انها تكون مثلكم الاعلى

فكرتنى فى مره كنت بتناقش مع واحد صاحبى فى الموضوع دا لأننا كنا شوفنا موضوع ضرب وكدا وماشيين نتكلم بئه

فبيقولى انا عمرى ما هضرب مراتى وذكر اول حاجتين اللى انت قولتهم

فقولتله انا كمان نفس الكلام ومش هضربها الا اذا جبت اخرى منها

قالى يعنى انت ترضى ان اختك جوزها يضربها

قولته اه طبعاً دا جوزها ,, فبصلى اوى كدا

قولتله دا بالنسبه لو هى اللى غلطانه انما لو هو بيضربها على طول من غير سبب او حاجه ذى كدا هطلع تييييييييييييييييييت

قالى ازاى يعنى تضرب مراتك وبرده لسه مش مقتنع بحتة الضرب دى

فقوتله ان الرسول عليه الصلاة والسلام كان بيضرب السيده عائشه بقشايه وكدا

قالى بيضربها بس براحه , قولتله امال احنا هنضربهم يابنى ونموتهم

اقنعته ان هو ممكن يضرب مراته

راح قايلى طب اشطه هبقى اضربها ,, قولتله انا بقى مش هضرب مراتى

الواد يومها اتقفل منى

بشكرك مره تانيه على الموضوع يا بوب وورينا ابداعاتك بقى

هو انا كنت فاكر اقول حاجه كمان بس نسيت بقى مش مشكله خليها فى موضوع تانى