مناقشاته طويله عريضه لكن عمرنا ما بنتوصل فى الآخر لاى حل جذرى فيها لان بكل بساطه لكل مقام مقال
بس ايه رايكم فى الطريقه الصح للدخول فى الحب اكيد لكل شخص رايه الخاص بيه
هل الحب يكون فى الجامعه هل الحب يكون فى المدرسه هل يكون فى الشغل
هل العلاقه بين الراجل والست لازم متبقاش لها وجود غير بعد الجواز
هل بتحس ان الحب كلام افلام مياكلش عيش
الفارس ابو حصان ابيض موجود وسندريلا موجوده
افتحوا قلبكم واتكلموا براحتكم

للمزيد من مواضيعي

 

الموضوع الأصلي : الحب     -||-     المصدر : مدينة المنصورة     -||-     الكاتب : faraferoo

اشكرك اخي علي الموضوع الهام

واضح ان الباقين لم يتفهموا حقيقه سؤال حضرتك

اعتقد .. انه لاغني عن الحب في اي مرحله من مراحل العمر ..فالعمر البشري مهما طال فهو قصير جدا .. ولكن السؤال هو كيفية الحب .. اساليب وطرق الحب .. ؟

لكل مرحله مما ذكرت رونقها وماساتها التي تتلالا في حيات صاحبها ..

فاحب المدرسه ( المراهقه ) عادة ما يكون اول حب بالنسبه للطرفين ( علي ايامنا كان كده ) فله مذاق خاص ولن ينساه احدهما مهما طال عمرة ومهما غيرت من ملامح حبيبه الايام ..لن ينساه .. فانا مازلت اتذكر حبيبه المراهقه .. كما هي مهما كبرت فهي طفلتي المدللة .. البريئه .. اول حب .. رغم انها الان كبرت وصارت امراه الا ان عيني لم تقتنع بها الا وهي طفله صغيرة ابنه 16 ربيع ..صوتها لم يتغير ولن يفعل .. حب المدرسه كان خاليا من الافكار الشهوانيه وخاليا من هموم الرجوله ومشاكل النسوة .. كان كله حب في حب
..اما حب الجامعه ( بعد المراهقه ) كان يسيطر عليه الجراه والاهتمام بالمظاهر والخروجات واللقائات والهدايا في المناسبات وبدون مناسبات .. واهمال الدراسه كان سمة من سماته .. وتبذير المال علي اتفه الاشياء كان شئ عادي جدا .. وايضا مجالس الجامعه سواء بين الشباب او بين البنات .. كل ولد يتباهي بصديقته وكل بنت تتباهي بحبيبها .. ومقالب وحركات وغيرة وانفصال وارتباط ..ووعود صادقه تقابلها وعود زائفه .. وشهوانيه مرحله الجامعه كانت طاااغيه .. ولمسات من هنا او من هناك ... ومفاجات وصلت للجواز العرفي وهتك العرض واغتصاب .. مرحله مجنونه ..عفويه ..شيطانيه .. صديقتك تحب صديقك وانت تحب صاحبة صديقك وهو يهوي بنت خالك وبنت خالك تحب اخو صديقتك .. حلقه ..دواير .. جنون

اما مرحله ما بعد الجواز .. فافيها كل شئ مما سبق ولكن بارتباط ابدي وحب ازلي ووثيقه مكتوبه وشهود عدول ومهر غالي واقامه هادئه وراحه ناعمه ونار تشتعل واعصاب تغلي وورود علي باب الغرفه .. وتليفون بعد العمل .. وانتظار في الشرفه .. وطعام علي ضوووالشموع .. وامان ف الاحضان وبين الاذرع ..وتهامس وضحكات .. وليالي حمراء واخري سوداء ..واحيانا خضراء ..وتشارك حياتك وافكارك امراه مغرم بها انت ومغرمه هي بك ... تسكنان الي بعضكما .. تحت الضوء او في ظلام دامس .. تنتشران في عشكما كالجراد تتلمسان الارضيه التي هي عندكم سماء ..لم تتركا ركنا لم تزورانه ... سافرتم الي الصالون امام شاشه العرض تشاهد ما تحبه حبيبتك .. مداعبه تتوقع هي حدوثها .. ثم ينغلق كتاب هذا اليوم الجميل ... ويبدا فجر يوم جديد مع اجمل انسانه في كل الكون

اختار حب ما بعد الزواج

اشكرك اخي جدا علي همساتك الرائعه

حقيقى انت اللى بتشكرنى
انت حقيقى محتاج يتصقفلك على كلامك الاكثر من رائع ده
حقيقى قمه فى التفصيل وكلام جميل جدا
بس فى رايك الحب الحقيقى موجود فعلا اللى هو الحب الهادى
ابسط الحاجات انك تبقى بتقطع الاكل لحبيبتك عشان متتعبش
انك تعديها الشارع وانت نحيه العربيات دايما عشان لو حد غبى سايق بتهور تروح انت فيها بدالها
انك متتخيلش نفسك بتحب اى حاجه الا لحبيبتك و بسببها وعشانها
وطبعا الوضع معكوس بالنسبه للبنات
انك تتفننى فى تعذيب مامتك عشان تعلمك اكله انت عارفه انه بيحبها
انك تعمليله مفاجاه حلوه فى مكان شغله
انك تبعتيله رساله على الموبايل فيها احلى الكلام بدون مناسبه او فى وسط خناقه !!
هل الحب ده موجود
وهل بيكون الطرفين اللى بيعملوا كده مع بعض ولا كل واحد مع طرف مش بيقدر !!

الحب فى مجتمعنا كلمه قليلة الادب لكل من البنت والولد -- اما البنت تحاول تبعد عن الحب لانه بأيامنا ديت مسيبه ممكن يسبب لها مشاكل فيما بعد مثلا عندما تقدم شاب لها او تتزوج أكيد يكون مشاكل بسبب الحب وتكون حيتها غير سويه..............

طبعا رايك يحترم جدا
لكن انا معنتش حاسس ان المجتمع
بيتعامل مع نقطه الحب زى ما انت بتقول
جايز فى منطق معينه او شخصيات معينه
لكن تقريبا اغلب الناس بيحبوا وعايشين الحياه

مشكور على الموضوع واتفق مع مجانى جدا لانه عمل ملخص لمراحل الحب فى حياة الانسان ولكن ممكن يكون فيه حب ويترتب عليه زواج بينجح لما بيقوم على اسس سليمة وفى الجانب الاخر ممكن الحب بعد الزواج ينجح ايضا يعنى الاتنين ينفعوا من وجهة نظرى

معنى ذلك انك ممكن تتزوج بنت لها من الحب ماضى هل لو عرفت هذا الماضى سوف تحسن معاملتها ارجو الرد...

روعه حقيقى آراءك بحترمها جدا واؤيد كلامك
بص يا سيدى انت مقلتش الوضع مظبوط
يعنى لو البنت اللى انا هتجوزها بتحب شخص اكيد مش هتجوزها
بس لو لها تجربه فى الحب وفشلت واتعلمت منها انا مش هبقى
الجلاد بتاعها كلنا بنغلط و ربنا بيسامح عبيده اللى بيعملوا كبائر فى بعض الاحيان
هنيجى احنا و نبقى الجلادين !!! طبعا ده رايى ومش شرط يكون الصح او الاصح
بس انا مقتنع بيه
واكيد رايك محترم جدا وعندك حق انت ليه تقبل بوضع انت مش هتكون مرتاح فيه
وعلى فكره انا احب زيك بالظبط كده بس لو ربنا ما ارادش والبنت اللى حسيتها كويسه
كانت ليها علاقه فى الحب ايه المفروض اضيع واحده زى دى من ايدى عشان السبب ده !!!
مظنش عن نفسى

الحب شىء جميل بس هو فين الحب الحقيقى الوقتى الولد بيكلم واحده واتنين وتلاته
وبالنسباله عادى وكل مده يغيرها كانه بيغير عربيه وفيه بنات كتير بتكلم اولاد مع انها عارفه كويس ان عمره مهو جاى خاطبها
تقبل مرورى

مهه دول اللى بقوا عاملين المشكله اللى شايفينها اغلبنا واللى مخليانا شايفين الحب مش كويس
بس لو دورنا على الناس اللى فعلا عايزين حب حقيقى و علاقه جواز مش لعب عيال
هنلاقيهم موجودين بس قليلين قوى
وايوه كده يا زيد باشا عايزين نشوفلك آراء