عندنا في التنمية البشرية
في انماط الشخصيات
ثلاث ثخصيات
بصري - حسي -سمعي
مثال
لو انت صيديلي في صيدلية و دخل عليك واحد من الثلاثة دول ازاي تخليه زبون دايم عندك
لو عادل دخل(نموذج للشخصية البصرية) و قلك عندي صداع هتلي حاجة كويسة يكون ردك:
اتفضل يافندم ده قرص هيخليك تمام قي دقائق.
لو الحاجة روحية دخلت ( نموذج للشخصية الحسية) يكون ردك:
بصي يا حاجة القرص ده هيريحك على الاخر و يخليكي حاسة براحة كبيرة اوي.
لو الدكتور مسعد دخل ( نموذج للشخصية السمعية) يكون ردك:
دكتور اولا القرص ده مش زي القرص الي جبتهولك قبل كده ده بيتكون من..... و ملوش اثار جانبية ...و هو مستورد على فكرة مش مصري...................

يا ترى حد وصل للفرق ؟
هستنى كم يوم كده و بعدين ابعتلكم الحل بتاع الفزورة
على فكرة ممكن الفزورة دي تفرق معاك اوي بس حاول تشغل مخك شوية صغننة و قلي ايه الفرق

للمزيد من مواضيعي

 

الموضوع الأصلي : ازاي تتعامل عادل و روحية و الدكتور مسعد     -||-     المصدر : مدينة المنصورة     -||-     الكاتب : thinker

السلام عليكم ورحمة الله وبركاته أخ شريف
دايما تثير موضوعات مميزه
على حد فهمى ممكن اقول ان الصيدلى اتصرف مع عادل ( النموزج للشخصيه البصريه ) فى حدود نظرته للقرص نفسه كشكل اى لفت نظره لشكل القرص نفسه
اما التصرف مع الحاجه روحيه ( نموزج للشخصيه الحسيه ) من خلال احساسها بالالم لان كل اللى بتفكلر فيه الحاجة روحيه هو عذاب الالم بغض النظر عن شكل القرص
اما التصرف مع الدكتور مسعد ( نموزج للشخصيه السمعيه ) من خلال أنه بيهتم بالتفاصيل ومميزات الشئ ونوعه
يارب يكون تعليقى صائب

بداية موفقة يا اخت ماجدة

محدش لقى حل للفزورة ولا ايه

اولا بالنسبة للشخصية الحسية :
دي شخصية تحب تتكلم بمشاعرها و تتكلم عن مشاعرها و عن الاحاسيس فيهمها انها تكون حاسة براحة
و ان يكون صوت الكلام هادي
و تعبيرات الوجه ودودة
ثانيا الشخصية السمعية :
دي شخصية محللة
تحب تسمع التفاصيل
تحب تاخد المعلومة بشكلة مسموع
ثالثا الشخصية البصرية:
دي شخصية القادة عموما
بتحب الانجاز
بتهتم بالنتايج مش مهم التفاصيل
دايما تفضل انها تاخد المعلومة بشكل مرئي (صور)

يارب تكونوا استفدتوا ولو عجبكوا الموضوع ممكن اكمل
طبعا ده هيفيدك مع مراتك و مع زوجك ومع اولادك ومع المدير و مع كل اللي حوليك
لو كملتوا هقولك ازاي تعرف الشخصية في اقل وقت ممكن0.