اخى العزيز

بالنسبالى نرفزتى بسبب إنى راجل ضغطى عالى شوية بتنرفز بسرعه مش موضوع إنى عاوز باور أو غيره

إما بخصوص إنه يعطينى طاقة أو غيرة فأنا من النوع الحريص جدا فى كلامى بعرف أمته أقول الكلمة وأمته أمنعها من إنها تخرج وبعرف إزاى باسلوبى الطبيعى انى أكتسب إحترام الناس ليا وقبل كدة حبهم ليا

فالحمد لله انه أعطانى كثير من حب الناس وإحترامى وإحترامهم لي

فلست محتاج لاسلوب الغطرسة كى أفرض شخصيتى على أحد ولكنى أفرضها بإحترامى لهم وبإجبارهم على إحترامى

مع خالص إحترامى
محامى الغلابه

ممكن تكون الطيبة فى كتير من الاوقات وممكن برضة ان اعطى اللى قدامى ثقة وفى الاخر ميطلعش ادى هذة الثقة وومكن اصدقهم وانخدع فيهم

انا بقى اكبر مشكله عندى بتعصب بسرعه ومش بقدر اتحكم فى اعصابى وساعتها بقى مش بعرف انا بقول ايه ولا لمين
لدرجة انى مره قلت لامى كلام مش كويس خلاص فدى بيزعلهم منى وبرجع اندم تانى بس مش عارفه اعمل ايه

اخي محامي الغلابة اسال الله العظيم رب العرش العظيم ان يشفيك
و بالنسبة يا اخي الكريم لموضوع الضغط ليه ما بتعملش حجامة هي مفيدة باذن الله و هي نصيحة من الرسول صلى الله عليه و سلم
كمان ما كنت ذكرته في اول مشاركة لي ينفع باذن الله
اتمنى لك الشفاء العاجل و دوام الصحة .
اختي زهرة الجنة مين اللي قال ان الطيبة عيب !!!!!!!!!!!!!!!!!
ياريت في حد طيب الايام دي
عارفة طيب يعني ايه
يعني زي حبيبنا الطيب محمد اللي وثق في الناس وحبهم و كان رحيم بيهم ومع كده ضربوه و شتموه و اهانوه وهو دايما كان طيب معاهم
ياريت في ح د كده ياريت يكون ليه صديق كده قلبه نضيف ابيض ما بيكرهش .
اختي ياسمين كلامك خطير و هزني جامد اوي مش عارف يا ترى انتي هتقبلي نصيحتي ولا لا لو هتقبلي كلامي يبقى هقولك
نصيحة واحدة جربيها مع ما ذكرت في اول مشاركة ليه اليك هذه الهدية الرائعة
وطمنوني عليكم

مرسي يا مفكر على المشاركه الجميله والحلول الحلوه

أخى العزيز thinker

تسمع طبعا عن المنشطات اللى بياخدها المتزوجين والحاجات دى وإنها بترفع ضغط الدم علشان يأدى العمل المطلوب منه الواحد الدكتور بيقوله نص حبايه أو حباية واحدة فى اليوم أو كل يومين حباية واحدة

أنا بقى كنت باخد 10 حبوب من الانواع دى فى اليوم الواحد كعلاج مش علشان حاجة تانية ( محدش يفهم غلط ) وعلى المقابل كنت باخد حبوب للضغط المفروض الحباية بتتاخد بالربع فقط الحباية على اربع أيام أنا كنت باخد 2 فى اليوم

فالضغط عندى ربنا ما يورى حد لذلك بحاول إنى ما أتعصبش وأكون هادى وأبعد عن أى موقف يعصب

أنا عارف ان الضغط دة هو القاتل الصامت والحمد لله الاعمار بيد الله وعارف انه فى ثانية بس عايش والحمد لله الوقت اللى انا موجود فيه على الاقل بكون سعيد

وبعدين يا أخى حد يكون فى منتدى المنصورة ومع الاعضاء والناس دى كلها اللى كلهم بيحسسوك أنهم أخواتك وبيخافوا عليك ويفكر فى أى حاجة غير انه يكون مبسوط فى الوقت اللى هو معاهم فيه

سبها لله ولكل قدر كتاب

اناا بقى عصبية جدا
بتخنق بسرعة
ببكى بسرعة ......

انا مشكلتي مبعرفش ارد علي حد لو حتي عمل معايا ايه واكتم في نفسي لحد لما اتعب وجوزي يقولي لا ردي وزعقي واتكلمي واول ما بدات اتكلم واعلي صوتي يقولي ما عنتيش بتستحمليني زي زمان ميرسي عليكو معلشوو

[.
اختي ياسمين كلامك خطير و هزني جامد اوي مش عارف يا ترى انتي هتقبلي نصيحتي ولا لا لو هتقبلي كلامي يبقى هقولك
نصيحة واحدة جربيها مع ما ذكرت في اول مشاركة ليه اليك هذه الهدية الرائعة
وطمنوني عليكم[/quote]

طبعا اقبلها وميرسى خالص على النصيحه دى وها حاول بجد انى اعمل بيها

ميسي حبيبي قوي