دورات كمبيوتر مجانية

thinker · 07-26-2010, 09:10 AM

التكنولوجيا لغة العصر

لكل واحد بيحب التكنولوجيا و عايز يتعلمها كهوياة او علشان يدخل بها سوق العمل اللي محتاج جدا المجالات دي ( الشبكات او البرمجة او قواعد البيانات)
يلا نتجمع سوى و نذاكر سوى و ناخدبايد بعض علشان نتقدم في مجال التكنولجيا

الفكرة دي لكل اللي نفسه ياخد شهادة من الشهادات الدولية بس مكسل ونفسه حد يشجعه .
ولكل اللي وقته ضيق ونفسه ينظمه بس محتاج حد يحط ايده في ايده .

ولكل اللي شايف في نفسه القدرة على الشرح و توصيل المعلومة وعنده المعلومات اللي نفسه يوصلها كل الناس .

ازاي؟؟؟؟
اكيد فيه ناس معانا عندها خلفية عن كورس معين و نفسها حد يشجعها و اكيد في ناس تاني معندهاش خلفية خالص اكيد كل واحد فيهم هيفيد و يستفيد
البداية هتكون ان كل واحد يذكر الكورسات اللي ممكن يديها حتى لو مبتدئ
وكمان اللي عايز ياخد كورس معين هيحدده او يستفسر عنه الاول .

هي فكرة لو نجحت صدقوني كل اللي هيكونوا معانا حياتهم هتتغير و هيحسوا بفرق كبيير في مجال شغلهم في تقديرهم لذاتهم لان اللي معاه شهادة غير اللي معاه عشرة و اللي درس كورس غير طبعا اللي درس 10 كورسات .

تخيل نفسك بعد خمس سنين من دالوقتي وانت معانا وا انت مش معانا يا ترى هتفرق؟

وقت فراغ وهنقضيه احل تقضية
مستنيكم و مستنيين آرائكم علشان نبدء

أمير عرش الدموع · 07-26-2010, 11:56 PM

ممتازه الفكرة والي الامام

thinker · 08-10-2010, 12:47 PM

ها يا جماعة
انا مستعد و بعلن استعدادي تاني لاي دورات مجانية حصري و بس لاعضاء المنتدى

هبدأ اطرح اول دورتين و اللي العدد هيكتمل فيهم هنبدأ
بس اهم حاجة توفروا لنا المكان
1- صيانة الكمبيوتر
2- أساسيات شبكات الكمبيوتر
اللي هيشترك
يبعت
1- اسمه
2- الاقامة
3- اسم الدورة
4- يفضل مسائي ولا صباحي

الاستاذ · 08-10-2010, 11:07 PM

خلاص انا معاك انا من المنصوره واحب تكون مسائى وتكون أساسيات شبكات الكمبيوتر

ربنا يجزيك خير

allah.raby · 08-11-2010, 05:39 PM

موضوع جميل وفققكـ الله

bahra · 08-21-2010, 11:28 PM

السلام عليكم
ممكن يا جماعه تقبلونى صديق جديد معاكم ؟
غير كده انا عندى سؤال محيرنى من مده ومش لاقى اى حد يرد عليا فيه ؟
هو انا لو عايز اكون محاضر فى دورات icdl اعمل ايه ؟
قصدى ايه الدورات اللى تكون مطلوبه ؟
ياريت حد يرد عليا؟

thinker · 08-22-2010, 11:13 AM

اقتباس:

المشاركة الأصلية كتبت بواسطة bahra

السلام عليكم
ممكن يا جماعه تقبلونى صديق جديد معاكم ؟
غير كده انا عندى سؤال محيرنى من مده ومش لاقى اى حد يرد عليا فيه ؟
هو انا لو عايز اكون محاضر فى دورات icdl اعمل ايه ؟
قصدى ايه الدورات اللى تكون مطلوبه ؟
ياريت حد يرد عليا؟

مرحبا بيك اخي الكريم
طبعا يفضل و بشدة يكون معاك شهادة icdl
ويفضل ان يكون معاك شهادة في التدريب او كورسات مهارات في التدريب والقاء المحاضرات

bahra · 08-24-2010, 09:10 PM

على فكره انا معايا دورة icdlوعايز اكمل فى مجال التدريب والقاء المحاضرات ممكن تعرفنيى اعمل ايه؟
وايه الدورات اللى ممكن انها تساعدنى؟

للمزيد من مواضيعي