رحلة في رمضان - الصفحة 4

yasmina · 07-27-2010, 02:24 AM

اقتباس:

السلام عليكم ورحمة الله وبركاته

وعليكم السلام ورحمة الله وبركاته

اقتباس:

من زمان في فكره في بالى نفسي اعملها بصراحه وكنت مستنيه الفرصه المناسبه ليها ومفيش احسن من شهر رمضان المبارك وال 10 الاواخر بالذات عشان استغل الفرصه دي

أولا بجد بحييكى يا زينب على الفكرة الجميله جدااا بجد جزاكى الله كل خير ..بس أسمحيلى عندى نقطتين عايزة اعقب عليهم..

أولا من وجهة نظرى المتواضعه جدا شايفه إن التوقيت غير مناسب جدااا لأنه فى رمضان اللى المفروض نتفرغ فيه للعباده فقط لعل ربنا يتقبل مننا....

قد كان النبي صلى الله عليه وسلم يتفرغ للعبادة في هذه العشر، فيحيي ليله، ويوقظ أهله ويشد مئزره كما قالت السيدة عائشة رضي الله عنها: «كان رسول الله صلى الله عليه وسلم يجتهد في العشر الأواخر ما لا يجتهد في غيره». رواه مسلم

وقالت: «كان إذا دخل العشر شد مئزره وأحيا ليله وأيقظ أهله». متفق عليه.

سئل شيخ الإسلام ابن تيميمة: أيهما أفضل العشر الأواخر من رمضان أم عشر ذي الحجة؟

فأجاب رحمه الله:
أيام عشر ذي الحجة أفضل من أيام العشر من رمضان، والليالي العشر الأواخر من رمضان أفضل من ليالي عشر ذي الحجة.

قال ابن القيم: "وإذا تأمل الفاضل اللبيب هذا الجواب وجده شافياً كافياً، فإنه ليس من أيام العمل فيها أحب إلى الله من أيام عشر ذي الحجة، وفيها يوم عرفة، ويوم النحر، ويوم التروية".

وأما ليالي عشر رمضان فهي ليالي الإحياء، التي كان رسول الله صلى الله عليه وسلم يحييها كلها، وفيها ليلة خير من ألف شهر، فمن أجاب بغير هذا التفضيل لم يمكنه أن يدلي بحجة صحيحة.

اقتباس:

بكل صراحه ومن غير لف ودوران ...... بلاش انا احنا هنعمل ان شاء الله رحله او بلاش رحله ممكن نقول زياره او عمل خير .... هيكون عباره عن زياره لمستشفى اورام الاطفال ودار ايتام في المنصوره

ثانيا فكرة الرحله واسمحيلى يا زوزو مع أحترامى الشديد ليكى بس أنا شايفه انها كلمه مش مناسبه خااالص للموضوع ولا لعنوان الموضوع حسيتها مستفزة شويه ( مجموعة شباب وبنات يطلعوا رحله انهارده لدار ايتام وبكره لمستشفى السرطان عشان يعملوا خير..) ايه الخير فى حاجه زى دى يعنى مش عشان ناخد حسنه ناخد قصادها سيئات كتير لو عايزين نعمل خير يبقى مجموعة البنات لوحدها ومجموعة الشباب لوحدها مش فى ميعاد واحد ..(دى حاجه)

اقتباس:

عشان رمضان مش بيجي كل يوم فاهمين ؟

وهو عشان فعلا رمضان مش بيجى كل يوم يبقى عايزين نتفرغ فيه للعباده بس وعندنا بقية شهور السنه تعمل فيها خير زى ما احنا عايزين ونعمل أكثر من زيارة لأكتر من دار أيتام ودار مسنين ومستشفيات بس بعد رمضان ..

وأسمحيلى يا زينب انا مش موافقه على مبدأ رحله فى رمضان ومش موافقه على مبدأ ان الشباب والبنات يروحوا مع بعض فى يوم واحد ..

ياريت يا زينب انتى وبشمهندس عامر تعيدوا التفكير فى النقطتين دول ..وأعذرونى دى طبعا مجرد وجهة نظرى ولكم مطلق الحريه..

مجاني · 07-27-2010, 03:01 AM

اعتقد ياسمينا والله اعلم ...

ان زيارة المريض والسؤال عنه عباده ايضا ...

لهذا السبب حرص النبي – صلى الله عليه وسلم – على زيارة المرضى وتفقّد أحوالهم ، بل جعل ذلك من حقوق المسلمين المكفولة في الشرع ، فعن أبي هريرة رضي الله عنه أن رسول الله - صلى الله عليه وسلم - قال : ( حق المسلم على المسلم خمس - وذكر منها - عيادة المريض ) رواه البخاري .
وقد عمل النبي – صلى الله عليه وسلم – على ترسيخ هذا المبدأ في نفوس أصحابه من خلال ذكر الفضائل العظيمة التي يجنيها المسلم إذا زار أخاه ، فمن ذلك قوله - صلى الله عليه وسلم - : ( من أتى أخاه المسلم عائدا ، مشى في خرافة الجنة – أي طرق الجنة - حتى يجلس ، فإذا جلس غمرته الرحمة ، فإن كان غدوةً صلّى عليه سبعون ألف ملك حتى يمسي ، وإن كان مساء صلى عليه سبعون ألف ملك حتى يصبح ) رواه ابن ماجة ، وقوله : ( من عاد مريضا أو زار أخا له في الله ، ناداه مناد : أن طبت وطاب ممشاك ، وتبوأت من الجنة منزلاً ) رواه الترمذي ، وقوله: ( ما من عبد مسلم يعود مريضا لم يحضر أجله ، فيقول سبع مرات : أسأل الله العظيم رب العرش العظيم أن يشفيك ، إلا عوفي ) رواه الترمذي .
ولم تكن زياراته - صلى الله عليه وسلم - مقتصرة على أصحابه الذين آمنوا به ، بل امتدت لتشمل غير المؤمنين طمعاً في هدايتهم ، كما فعل مع الغلام اليهودي الذي كان يعمل عنده خادماً ، فقد مرض الغلام مرضاً شديداً ، فظلّ النبي – صلى الله عليه وسلم – يزوره ويتعاهده ، حتى إذا شارف على الموت عاده وجلس عند رأسه ، ثم دعاه إلى الإسلام ، فنظر الغلام إلى أبيه متسائلاً ، فقال له : أطع أبا القاسم ، فأسلم ثم فاضت روحه ، فخرج النبي - صلى الله عليه وسلم - وهو يقول : ( الحمد لله الذي أنقذه من النار ) رواه البخاري .

هذا عن فضل زيارة المريض ولم يخصصها النبي بوقت من الاوقات ... واعتقد ان فضلها كبير جدا جدا والا لما حث عليها الرسول صلي الله عليه وسلم اصحابه .. وما فعلها بنفسه ...

اما عن موضوع الرحله ( اجتماع الولاد مع البنااات ) فاتفق معكي ياسمينا تماما .. ولكن .. الامانه تقتضي ان ابين امرا ما وهو ...
لفظ رحله في حد ذاته فعلا مستفز جدا .. اتفق معكي ولكن هونا هونا علي زينب يا ياسمينا فهي علي ما اعتقد لم تقصد المعني الذي بااادر الي ذهنك ... فهي من كلامها انتظرت هذا اليوم بفارغ الصبر .. فواجبنا ان لا نهرنها علي هذا العمل النافع ..وخاصه ان العمل النافع ليس له وقت محدد ولا زمان معين ..
اما عن اجتماع الولاد مع البنات فاحترم غيرتك علي دينك وحياء بنو جنسك يا سمينا .. ولكن الاتتفقي معي ان هذا السبب لا يرضي عقل.. لان اللقاء متوفر في اي مكان في العمل والمدارس والجامعات والاسواق والشوارع والاماكن العامه ... فاذا اردتي ان نمنع هذا الموضوع لهذا السبب فالاولي ان نمنع الدراسه والعمل والمشي ف الاسواق الخ الخ ... وايضا المفروض ان بيننا ثقه لا متناهيه وخاصه ان ضرر لقائنا في المنتدي وتبادل الحوار والمعلومات واالافكار اخطر بكثير من مجرد يوم نتلقي فيه لوجه الله ...
النقطه الاهم .... انكي خفتي عليهم من الفتنه وهذا حققك .. وانا عن نفسي لا اضمن لكي عدمها ولكن يا ياسمينا من يفكر في هذا الامر وهو ذاهب الي هؤلاء الايتااام او كبار السن او مستشفي السرطان ايهم يختااارو .. من لديه قلب حتي يفكر في تهريج او مضيعه وقته او عبادته او صومه او مجههوده او عمله ... من يفكر في هذا الامر وهو واقف في خشوع وفي الم وفي تواضع امام طفله يتيمه او شيخ هرم او مريض يموت يوميا ... نحن يا ياسمينا نعي جيدا اننا لسنا في نزهه او ف رحله بل تكاد تكون معركه ... نعم معركه بين الخير والشر بين المرض والصحه بين شكر النعم وجحودها معركه بين الكلام والفعل ...

اسف ع الاطاااله ولكن هذه وجهة نظري المتواضعه ... واقول لياسمينا ... جعلك الله عونا لدينه .. ونصيرا لعباده .. واشكرك علي حرصك علي قضاء العشر ة ايام الاواخر في العباده .. ولكن اعذريني يا اختي الفاضله تعرفين مدي احترامي لكي ولكلامك ... ولكن هذه امانه لابد من ذكرها ... وواجب علي ... وهي مجرد وجهة نظر لا اقل ولا اكثر .......

اخيرا ...

اتمني منكم ان تزيدوا في سؤال اكثر من متخصص في الموضوع الذي اثارته ياسمينا ...

والله اعلي واعلم .....

yasmina · 07-27-2010, 04:54 AM

اقتباس:

زيارة المريض والسؤال عنه عباده ايضا ...

أكيد طبعا زيارة المريض صدقه بس أنا قصدى أننا ليه نخليه فى رمضان بالذات يعنى مثلا انت واحد من الناس اللى عشان تحضر الزيارة دى هايضيع منك يوم كامل فى السفر وفى ناس تانيه كتير زيك ليه بقى نضغط نفسنا فى العشر الأواخر من رمضان وأحنا عندنا بقية السنه فاضيين مش بنعمل حاجه

اقتباس:

اتفق معكي ولكن هونا هونا علي زينب يا ياسمينا فهي علي ما اعتقد لم تقصد المعني الذي بااادر الي ذهنك ... فهي من كلامها انتظرت هذا اليوم بفارغ الصبر .. فواجبنا ان لا نهرنها علي هذا العمل النافع ..وخاصه ان العمل النافع ليس له وقت محدد ولا زمان معين ..

انا والله مش قصدى يا محمد خالص انى أزعل زينب منى بالعكس انا من أسباب أنضمامى لمشروع أيدى فى أيدك كان الزيارات الميدانيه اللى مستر عامر قال عليها وأتحمست ليها جدااا لأنها حاجه نفسى أعملها وانا طبعا عارفه زينب قصدها أيه وبجد انا معجبه بالفكرة جدااا ومؤيداها بس أعتراضى كان على النقطتين اللى قلت عليهم وبجد زينب جزاها الله كل خير على مبادرتها الجميله ..

مجاني · 07-27-2010, 05:00 AM

باااااااااارك الله فيكي يا سمينا ... والان فكرتك وصلت ... واعتراضك كان علي الموعد فقط .

.. يارب تقدر زينب تعدله ...

zeinab · 07-27-2010, 08:07 AM

بشكركم جميعا على الدخول والتعليق ..... بس فعلا احبطتونى

اولا على العنوان انا فعلا بعد مكتبته معجبنيش وحبيت اغيره بس انضغطت في الشغل ونسيت خالص اغيره فانا اسفه اذا استفزيتكم بيه ... وهقول لسام يغيره

بس كل الفكره ياسمين مش انى عاوزه رحله ونروح نهزر او اي حاجه غلط بالعكس الموضوع كله هيكون ساعه مش اكتر وهتبقى في سبيل الله مش رايحين نقابل بعض وانا كل همى اننا نعمل حاجه خير مع بعض لان انا حاسه ان مشروع عامر واقف وكله كلام مفيش تطبيق وغير كده الفكره بحلم بيها فعلا من زمان وكلمت بابا عشان اعمل عمل خير لما انزل بس ملقيتش ترحيب قلت اعرض عليكم حاجه تانيه بردو ونبقى سوا فيها ...

انا فعلا فكرت انى افصل البنات عن الولاد كل مجموعه في يوم لكن ده في حاله واحده ان يكون عددنا كبير ومتنفعش الزياره مره واحده ... لكن لو على الاختلاط بصراحه مجاش في بالى خالص ان ممكن حد يفكر بطريقتك
باختصار شديد لاننا في رمضان يعنى عاوزين رضا ربنا مش غضبه ..... وانا اسفه على الى جه في بالك بس صدقينى غيرتك متقلش بالمره عن غيرتى عليكم عشان بعتبركم اخواتى فعلا

لو تفكيرنا بالشكل ده عمر ما في حاجه هتتغير لا فينا ولا في المجتمع .... هقولك حاجه بسيطه ... في مره شفت في التلفزيون مجموعة بنات وولاد ماسكين مقشات وبينضفو شوارع قريتهم وبقت انضف قريه على مستوى مصر في خلال كام يوم ... يعنى كانو بيتقابلو كل يوم ... ليه وقتها دول مفكروش كده وقالو الاختلاط حرام وهروح ليه ده في ولاد .... طيب ما الولاد حولينا في كل مكان هما يعنى انقرضو ... مش ممكن اي حد يتعرف على بنت هنا او العكس وياخدو ايميلات بعض والارقام ولا مش وارد يبقى تجمعنا في المنتدى حرام ..... وبعدين انا عندى مبدأ الى عاوز يعمل حاجه حرام مفيش حاجه بتمنعه ... سوري لو كنت قاسيه عليكى بس انتى فعلا دايقتينى

بالنسبه للمعاد انه مش عاجبك ... انا اخترته لسببين اولهم ان اجازتى صغيره جدا وهبقى مشغوله فيها جدا وهتكون في ال 10 الاواخر بالذات يعنى مش قدامى حل تانى .... وبالعكس انا كان نفسي تبقى في رمضان ..... مش لان رمضان شهر عباده وانا عاوزه الهيكم عنها ..... تانيهم لان انا عارفه ان في كمية مسلسلات كبيره في رمضان وقد ايه ناس كتير بتقضى نهارها في الفرجه عليهم قلت فيها ايه لما نوجههم لحاجه يقضو فيها وقت مفيد وفي رضا ربنا ..... ده كل هدفى

لو انا فعلا مش عاوزه خير ليكم كان اولى بيا افضل هنا واقضي رمضان في ابوظبي مش مصر ... عشان بحس ان مصر في رمضان بالذات عزومات ويتجمعو يتكلمو عن ده وده وخلاص وفرجه على التلفزيون ليل نهار وتلاقي في العشر الاواخر بالذات زحمه مش طبيعيه كأن السنه خلصت ومبنشتريش اي حاجه غير في رمضان مبحسش باي نوع عباده اللهم نصوم ونصلى وحياتنا التانيه ماشيه عادى ويمكن اكتر من العادي.....

ياريت يكون كلامى وصل وصدقينى فعليا انا بفكر دلوقتى الغى كل حاجه وكأنى معرضتش اي حاجه من الاساس
سوري لو دايقت حد بكلامى

thinker · 07-27-2010, 10:24 AM

اقتباس:

المشاركة الأصلية كتبت بواسطة zeinab

بشكركم جميعا على الدخول والتعليق ..... بس فعلا احبطتونى
اختي في الله زينب على فكرة انتي من النوع الحساس اوي اوي , مش معقولة مشاركة او اتني يحبطوكي كده
اولا على العنوان انا فعلا بعد مكتبته معجبنيش وحبيت اغيره بس انضغطت في الشغل ونسيت خالص اغيره فانا اسفه اذا استفزيتكم بيه ... وهقول لسام يغيره
كده انتي تمام
بس كل الفكره ياسمين مش انى عاوزه رحله ونروح نهزر او اي حاجه غلط
محدش قال كده ليه بتقولي كلام محدش قاله

!!!!
بالعكس الموضوع كله هيكون ساعه مش اكتر وهتبقى في سبيل الله مش رايحين نقابل بعض وانا كل همى اننا نعمل حاجه خير مع بعض لان انا حاسه ان مشروع عامر واقف وكله كلام مفيش تطبيق وغير كده الفكره بحلم بيها فعلا من زمان وكلمت بابا عشان اعمل عمل خير لما انزل بس ملقيتش ترحيب قلت اعرض عليكم حاجه تانيه بردو ونبقى سوا فيها ...
برده تكرار للاحباط ليه بس !!!!
انا فعلا فكرت انى افصل البنات عن الولاد كل مجموعه في يوم لكن ده في حاله واحده ان يكون عددنا كبير ومتنفعش الزياره مره واحده ... لكن لو على الاختلاط بصراحه مجاش في بالى خالص ان ممكن حد يفكر بطريقتك
ايه حتة ان مجاش في بالك ان حد ممكن يفكر بطريقتها معلش ممكن تردي عليها بفكرة اخرى مش انك تستغربي تفكيرها.!!!!

باختصار شديد لاننا في رمضان يعنى عاوزين رضا ربنا مش غضبه ..... وانا اسفه على الى جه في بالك بس صدقينى غيرتك متقلش بالمره عن غيرتى عليكم عشان بعتبركم اخواتى فعلا
مين اتهم غيرتك الاخت بتطرح رايها ,ايه العيب في كده؟؟؟؟؟

لو تفكيرنا بالشكل ده عمر ما في حاجه هتتغير لا فينا ولا في المجتمع .... هقولك حاجه بسيطه ... في مره شفت في التلفزيون مجموعة بنات وولاد ماسكين مقشات وبينضفو شوارع قريتهم وبقت انضف قريه على مستوى مصر في خلال كام يوم ... يعنى كانو بيتقابلو كل يوم ... ليه وقتها دول مفكروش كده وقالو الاختلاط حرام وهروح ليه ده في ولاد .... طيب ما الولاد حولينا في كل مكان هما يعنى انقرضو ... مش ممكن اي حد يتعرف على بنت هنا او العكس وياخدو ايميلات بعض والارقام ولا مش وارد يبقى تجمعنا في المنتدى حرام ..... وبعدين انا عندى مبدأ الى عاوز يعمل حاجه حرام مفيش حاجه بتمنعه ...
كلم منطقي و محايد وراي يحترم

سوري لو كنت قاسيه عليكى بس انتى فعلا دايقتينى
ليه حولتي الكلام لازمة شخصية مش موضوع عام قابل للطرح ,ليه بتتخنقي بسرعة كده

بالنسبه للمعاد انه مش عاجبك ... انا اخترته لسببين اولهم ان اجازتى صغيره جدا وهبقى مشغوله فيها جدا وهتكون في ال 10 الاواخر بالذات يعنى مش قدامى حل تانى .... وبالعكس انا كان نفسي تبقى في رمضان ..... مش لان رمضان شهر عباده وانا عاوزه الهيكم عنها ..... تانيهم لان انا عارفه ان في كمية مسلسلات كبيره في رمضان وقد ايه ناس كتير بتقضى نهارها في الفرجه عليهم قلت فيها ايه لما نوجههم لحاجه يقضو فيها وقت مفيد وفي رضا ربنا ..... ده كل هدفى
تمام اوي رد جميل جدا ومحايد ومنطقي بعيد عن العواطف

لو انا فعلا مش عاوزه خير ليكم كان اولى بيا افضل هنا واقضي رمضان في ابوظبي مش مصر ...
مين بس اللي قال انك مش عايزة الخير لينا مين بس هو فين ده وانااقطعه؟؟؟؟!!
عشان بحس ان مصر في رمضان بالذات عزومات ويتجمعو يتكلمو عن ده وده وخلاص وفرجه على التلفزيون ليل نهار وتلاقي في العشر الاواخر بالذات زحمه مش طبيعيه كأن السنه خلصت ومبنشتريش اي حاجه غير في رمضان مبحسش باي نوع عباده اللهم نصوم ونصلى وحياتنا التانيه ماشيه عادى ويمكن اكتر من العادي.....

ياريت يكون كلامى وصل وصدقينى فعليا انا بفكر دلوقتى الغى كل حاجه وكأنى معرضتش اي حاجه من الاساس
ياريت قبل ما تقرري تنسحبي تفكري في الاولاد اللي كنتي ناوي تزوريهم و الله العظيم هم مستنيينك اوي و هيفرحوا بينا اوي ,بس شوية صبر مع مرونة مع ابتسامة حلوة هتلاقي نفسك بتجري عليهم وهتشجعي الكسلانين اللي زيي.
مع محبتي
سوري لو دايقت حد بكلامى

بشكركم جميعا على الدخول والتعليق ..... بس فعلا احبطتونى
اختي في الله زينب على فكرة انتي من النوع الحساس اوي اوي , مش معقولة مشاركة او اتني يحبطوكي كده
اولا على العنوان انا فعلا بعد مكتبته معجبنيش وحبيت اغيره بس انضغطت في الشغل ونسيت خالص اغيره فانا اسفه اذا استفزيتكم بيه ... وهقول لسام يغيره
كده انتي تمام
بس كل الفكره ياسمين مش انى عاوزه رحله ونروح نهزر او اي حاجه غلط
محدش قال كده ليه بتقولي كلام محدش قاله

!!!!
بالعكس الموضوع كله هيكون ساعه مش اكتر وهتبقى في سبيل الله مش رايحين نقابل بعض وانا كل همى اننا نعمل حاجه خير مع بعض لان انا حاسه ان مشروع عامر واقف وكله كلام مفيش تطبيق وغير كده الفكره بحلم بيها فعلا من زمان وكلمت بابا عشان اعمل عمل خير لما انزل بس ملقيتش ترحيب قلت اعرض عليكم حاجه تانيه بردو ونبقى سوا فيها ...
برده تكرار للاحباط ليه بس !!!!
انا فعلا فكرت انى افصل البنات عن الولاد كل مجموعه في يوم لكن ده في حاله واحده ان يكون عددنا كبير ومتنفعش الزياره مره واحده ... لكن لو على الاختلاط بصراحه مجاش في بالى خالص ان ممكن حد يفكر بطريقتك
ايه حتة ان مجاش في بالك ان حد ممكن يفكر بطريقتها معلش ممكن تردي عليها بفكرة اخرى مش انك تستغربي تفكيرها.!!!!

باختصار شديد لاننا في رمضان يعنى عاوزين رضا ربنا مش غضبه ..... وانا اسفه على الى جه في بالك بس صدقينى غيرتك متقلش بالمره عن غيرتى عليكم عشان بعتبركم اخواتى فعلا
مين اتهم غيرتك الاخت بتطرح رايها ,ايه العيب في كده؟؟؟؟؟

لو تفكيرنا بالشكل ده عمر ما في حاجه هتتغير لا فينا ولا في المجتمع .... هقولك حاجه بسيطه ... في مره شفت في التلفزيون مجموعة بنات وولاد ماسكين مقشات وبينضفو شوارع قريتهم وبقت انضف قريه على مستوى مصر في خلال كام يوم ... يعنى كانو بيتقابلو كل يوم ... ليه وقتها دول مفكروش كده وقالو الاختلاط حرام وهروح ليه ده في ولاد .... طيب ما الولاد حولينا في كل مكان هما يعنى انقرضو ... مش ممكن اي حد يتعرف على بنت هنا او العكس وياخدو ايميلات بعض والارقام ولا مش وارد يبقى تجمعنا في المنتدى حرام ..... وبعدين انا عندى مبدأ الى عاوز يعمل حاجه حرام مفيش حاجه بتمنعه ...
كلم منطقي و محايد وراي يحترم

سوري لو كنت قاسيه عليكى بس انتى فعلا دايقتينى
ليه حولتي الكلام لازمة شخصية مش موضوع عام قابل للطرح ,ليه بتتخنقي بسرعة كده

بالنسبه للمعاد انه مش عاجبك ... انا اخترته لسببين اولهم ان اجازتى صغيره جدا وهبقى مشغوله فيها جدا وهتكون في ال 10 الاواخر بالذات يعنى مش قدامى حل تانى .... وبالعكس انا كان نفسي تبقى في رمضان ..... مش لان رمضان شهر عباده وانا عاوزه الهيكم عنها ..... تانيهم لان انا عارفه ان في كمية مسلسلات كبيره في رمضان وقد ايه ناس كتير بتقضى نهارها في الفرجه عليهم قلت فيها ايه لما نوجههم لحاجه يقضو فيها وقت مفيد وفي رضا ربنا ..... ده كل هدفى
تمام اوي رد جميل جدا ومحايد ومنطقي بعيد عن العواطف

لو انا فعلا مش عاوزه خير ليكم كان اولى بيا افضل هنا واقضي رمضان في ابوظبي مش مصر ...
مين بس اللي قال انك مش عايزة الخير لينا مين بس هو فين ده وانااقطعه؟؟؟؟!!
عشان بحس ان مصر في رمضان بالذات عزومات ويتجمعو يتكلمو عن ده وده وخلاص وفرجه على التلفزيون ليل نهار وتلاقي في العشر الاواخر بالذات زحمه مش طبيعيه كأن السنه خلصت ومبنشتريش اي حاجه غير في رمضان مبحسش باي نوع عباده اللهم نصوم ونصلى وحياتنا التانيه ماشيه عادى ويمكن اكتر من العادي.....

ياريت يكون كلامى وصل وصدقينى فعليا انا بفكر دلوقتى الغى كل حاجه وكأنى معرضتش اي حاجه من الاساس
ياريت قبل ما تقرري تنسحبي تفكري في الاولاد اللي كنتي ناوي تزوريهم و الله العظيم هم مستنيينك اوي و هيفرحوا بينا اوي ,بس شوية صبر مع مرونة مع ابتسامة حلوة هتلاقي نفسك بتجري عليهم وهتشجعي الكسلانين اللي زيي.
مع محبتي

عصفور الشرق · 07-27-2010, 11:18 AM

حبيبتى زينب ربنا يخليكى بس انا وللة نفسى اروح اى مكان من دول
بس للاسف انا برة مصر وللة لو موجودة فى مصر عمرى ما اتاخر ابدااااااااااااااااا
شكرا يا قمر على الموضوع ربنا يجزاكى كل خير

SAM · 07-27-2010, 12:42 PM

ايه ده يا زينب .. بتدبسى سام من وراه ؟

عموما جزاك الله خيرا وجعله الله فى ميزان حسناتك .

انا عندى فكرة احسن من الهدايا ويا ريت يا جماعه تكونو مقدرين للموضوع ده .

انتو عارفين ان فلوس الهدايا دى ممكن تشترى ادوية للمرضى . وممكن تكون سبب فى شفاء طفل او مريض .

فا بدلا من اننا نجيبله لعبه او هديه يلعب بيها ويفرح ساعتين ..

نجيبلهم ادوية يتعالجو بيها ويفرح ساعات او ايام .

يعنى كل واحد يجمع المبلغ اللى يقدر عليه , سواء 1 جنيه او 1000 جنيه كل واحد على حسب قدرته سواء اكتر او اقل .

والمبالغ دى تتجمع كلها ونروح اولا نتفق مع المسؤولين عن المكان اللى هنعمل الزيارة ليه . ونشوف هما محتاجين ايه او عندهم نقص فى ايه بالظبط .

ونشتريلهم الحجات الناقصه دى بالفلوس اللى اتجمعت . ( وما فيش مانع نخلى جزء بسيط من المبلغ ده ) للهدايا البسيطه .

بخصوص الاتفاقات ,

انا اقدر ان شاء الله اوفر لكم الزيارات بالمواعيد الى تناسبكو ان شاء الله . وللمكان اللى يناسبكو .

فقط حددو عاوزين تروحو لاى نوع من الجهات دى وانا هتصرف وابلغكم .

واى شىء مطلوب منى لا تتردو فى مراسلتى فورا

ويا رب ربنا يتقبل مننا ان شاء الله.

room.riyad · 07-27-2010, 12:47 PM

السلام عليكم ورحمه الله وبركاته
شكرا للجميع على التفاعل مع الموضوع
نقطين مع الاخت الكريمة زينب
1- نقطة ان حضرتك بتقول عن القرية ان الشباب والبنات شاركوا فى تنظيف القرية
الاختلاط منهى عنه حتى فى افضل عبادة لله عز وجل وهى الصلاة فخير صفوف الرجال اولها وشرها اخرها وشر صفوف النساء اولها وشرها اخرها ....
حضرتك بتبحثى عن الاجر يبقى لازم يكون فيه الضوابط الشرعية سواء انتشر الاختلاط بين الناس او انت شايفه ان ما فيش فيها حاجة ......وصلاح النية لايكفى لقبول العمل الصالح
2- بالنسبة لموعد العشر الاواخر من رمضان بيختلف فيه احوال الناس منهم الى بيكون مشغول فى العبادة مثل المعتكف هذا لايجوز فى حقه زيارة المريض ولا اتباع الجنازة
ومن الناس درجته اقل فى الطاعة ومشغول بالدنيا يبقى الصنف دة هو الى يخرج لزيارة المريض
يعنى هى تحديد اولويات تبع كل واحد
جزاكم الله خيرا كثيرا اللهم بلغنا رمضان وتقبله منا

SAM · 07-27-2010, 02:35 PM

طيب انا شايف ان الناس بدأت تاخد الموضوع من محمل الايمان والتقوى ...

ولو انى مش شايف انهم ملتزمين بالايمان والتقوى لهذه الدرجه فى حياتهم العمليه او النظريه .

وسورى يعنى محدش يزعل منى .

كدا كدا احنا موضوعنا سارى كادارة للمنتدى .

واللى حابب يشارك يبقى يروح يجمع اصحابه ويعمل زيارته . لو يحب .

---------------

الناس اللى بتفكر فى الاختلاط . فاعتد انهم كانو بيروحو مدرسة فيها اختلاط . وبيعملو فيها سيئات ومبيعملوش فيها ثواب . ومكنش محرم عليهم تواجدهم فى المدرسه

الناس اللى بتروح جامعات , كليات .. الخ .. نفس الشىء فيه اختلاط .. ومحدش بيفكر وقتها فى حرام وحلال .

لكن الحرام والحلال .. ظهر فى فعل الخير .. لما الشيطان دخل عقولكم وحاول يبوظ شىء جميل هتعملوه .

والله العظيم الف خساره .

وفعلا ليها حق زينب تلغى الفكرة معاكو .

بس انا بقولها وعلى مسؤوليتى ان شاء الله

الفكرة ماشيه .. واحنا مكناش بنفكر ان احنا هنلم او نجمع هدايا او فلوس اد ايه . على اد ما كنا بنفكر ندى فرصه لكل واحد فيكو ياخد الثواب .

ومعتقدش كمان ان زينب اخطأت لما كتبت فى العنوان رحله ..

ايه المشكلة من رحله فى رمضان لعمل الخير ؟

عموما كل واحد ليه وجهة نظرو وبنحترمها .
وعلشان كدا زينب لغت الفكرة وهنعملها بشكل خاص وفردى ان شاء الله .

وانتو بقا ربنا يعينكو على فعل الخير .

يغلق الموضوع وغير مصرح لاعادة فتحه مرة اخرى من اى شخص ادارى كان او مشرف .