السجق الاسكندراني عمايل إيديا وحياة عينيا

moory · 07-25-2010, 05:30 PM

السلام عليكم و رحمة الله و بركاته

بسم الله الرحمن الرحيم

السجق الإسكندراني

أولا السجق ده أكلتي السريعه اللي بموت فيها مسح زور بقى على أساس إني بطوطة

المهم معظمنا بيحب السجق وهو له طريقتين وفي الحالتين باكلهم

الطريقه الأولى :- ( سجق ماما ببهاراته بكله عشان هي اللي بتعمله على إيديها بتخاف عليا بقى )

إن السجق لو مجمد بنطلعه يفك من تجميده شوية وبعدين نفصله عن بعضه لصوابع منفصله ونضعه في طاسه

ونتركه يستوي هو أصلا هينزل دهانه وهيستوي بدون أي حاجه ويتحمر منه فيه ويدوب نقلب بس وساعة الاكل نصفي

الدهان اللي نزل منه وبكده يتاكل

الطريقة التانيه ويطلق عليها سجق اسكندراني و ده بموت فيه جداااااا

المقادير:-

كيلو سجق

2 حبة طماطم

3 حبة فلفل أخضر وسط

1 حبة فلفل رومي

2 حبة بصل متوسطة

5 فصوص ثوم

ملح - فلفل أبيض - ربع معلقة صغيرة كمون - شطة حسب الرغبة

التحضير:-

ركزوا معايا بقى عشان دلوقتي أنا في المطبخ وبعمل أكله بحبها أوي

هنجيب السجق ونفصله عن بعضه إلى صوابع منفصله و نقطعه إلى قطع صغيرة ( في ناس بتحب تفصله بس وموش تقطعه

أنا بحب أقطعه قطع شوفوا إنتم بقى بتحبوه إزاي)

بعد تقطيع السجق نقطع الطماطم والفلفل زي السلطة بالظبط ونسيبه لحد ما يجي وقتهم

نقطع البصل شرائح رباعيه رقيقة ونتركه لحين استخدامه وونقطع فصوص الثوم قطع صغيرة .

الطريقة :-

نولع البوتجاز ونجيب صينية او طاسة كبيرة شويه ونضع فيها شوية زيت وبعدين نضيف البصل لحد ما يصفر ويخدل ثم نضيف

التوم ونقلب جيدا ثم نضيف الطماطم والفلفل ونضع قليل من الملح والفلفل ونقلب حتى يمتزج بالبصل والثوم ثم نضع

السجق المقطع ونضع الكمون و قليل من الفلفل الابيض ونتذوق طعمه هيحتاج ملح ام لا ونقلبه جيدا بالخليط

ثم نغطيه حتى يستوي جيدا بس نبص عليه كل شويه عشان موش ينشف ويتحرق وبعدين لما يستوي بناكله بقى

حد يعملي سندوشت بقى عشان جعت وربنا

ملحوظة يا جماعه :-
أي موضوع ليا بنزله بيبقى كتابتي أنا لأني بكره حكاية كوبي باست مهما كان جمال الموضوع كل واحد له عقل وله اسلوبه في التعبير

مجاني · 07-29-2010, 03:33 PM

انا جوووووووووعاااااااااااااان يا موري .. اعمل ايه بقي .. اعزميني

تسلم الايد اللي طبخت ..

moory · 07-29-2010, 03:36 PM

اقتباس:

المشاركة الأصلية كتبت بواسطة مجاني

انا جوووووووووعاااااااااااااان يا موري .. اعمل ايه بقي .. اعزميني

تسلم الايد اللي طبخت ..

السلام عليكم و رحمة الله و بركاته

والله وانا كمان جوعانة جدااااااااا لسه موش فطرت لسه
ماشي اعزمك وانت تدفع الحساب هههههههههههههههه امال هقف في المطبخ كده مجانا

تسلم على ردك وتشجيعك

zeinab · 07-29-2010, 04:07 PM

تسلم ايديكى .... هو انا مش بحبه معرفش ليه بس بحسه زي الهوت دوج (نقانق) وبردو طنط بتعملها بنفس الطريقه بتاعتك .... بس كل اكلك مقلى ومسبك مفيش سوتيه ولا ده مش وارد ... ربنا يكرمك على الملحوظه عاوزين منك كتيييييييييييييييييييييييييير

moory · 07-29-2010, 04:38 PM

اقتباس:

المشاركة الأصلية كتبت بواسطة zeinab

تسلم ايديكى .... هو انا مش بحبه معرفش ليه بس بحسه زي الهوت دوج (نقانق) وبردو طنط بتعملها بنفس الطريقه بتاعتك .... بس كل اكلك مقلى ومسبك مفيش سوتيه ولا ده مش وارد ... ربنا يكرمك على الملحوظه عاوزين منك كتيييييييييييييييييييييييييير

السلام عليكم و رحمة الله و بركاته
تسلمي انتي ياقمر
ليه موش بتحبيه ده طعمه رائع والله وبعدين السجق او الهوت دوج يبقى نقانق ليه ههههههههههههه
انا باكله غدا عاتي خالث
وبعدين موش ينفع خضار سوتيه والاكل اللي فيه طبيخ وصلصات ده انا اكلي كله نواشف وسندوتشات لكن اكل مسلوق وخضار يييييييييع