اعرفى صفاتك من برجك - الصفحة 3

elgenerl · 07-30-2010, 03:14 PM

الجنرال احب اضيف ان انا برجى العقرب وتمنياتى بالتوفيق وشكرا

shimo · 07-30-2010, 11:32 PM

فتاة العقرب : جميلة ومدللة ... سيئة الحظ غالباً مثيرة للاهتمام ومغرية جداً ... وجهها له سحر شيطاني ... تبدو في احسن حالاتها بعد الظهر وليلاً . تحب الالوان اللامعة والبراقة حينما تكون معتدلة المزاج .. اما حينما تكون مكتئبة فهي تفضل الالوان القاتمة وتنجذب غالباً الى الرجال الاقل شأناً منها ... تأخذ كل شيء بجدية ولكنها تعاني من القلق .
تتميز فتاة العقرب بالغيرة الشديدة وحب التملك ومع ذلك فأنها من الممكن ان تضحي في سبيل شخص او اثنين في العائلة اغلى التضحيات وعواطفها لا تنحصر في اسرتها لوحدها... تهتم جداً بمحاولة فرض شخصيتها على زوجها واولادها... وهي كذلك من النوع الخيالي جداً ويظهر في شخصيتها التصميم على عمل كل ما هو صحيح ، وتمتاز ايضاً عن غيرها بالحاسة السادسة التي تشعرها بالحوادث القادمة
ميرسية جدا

عاشقة مصر · 08-03-2010, 10:58 PM

فتاة القوس: شجاعة وطموحة ... تحب السيطرة والظهور. لبيبة عاقلة ، تعد من الجميلات بقوامها الرشيق ، محظوظة جداً يحالفها الحظ في معظم نواحي حياتها ، تتمتع بجاذبية خاصة ... عندما تخطىء فأنها تدرك اخطاءها وتصلحها في الحال بعد ان تعتذر لصاحب الشأن... من الممكن التغاضي عن بعض اخطائها احياناً لأنها لا تدل على سوء نية بالنسبة للآخرين ، ولكنها تدل على وجهة نظر بالنسبة للحياة كلها، وفي بعض الاحيان تقسو في الحكم على الآخرين ... مليئة بالحيوية والتفاؤل ويشعر الآخرون بسعادة لقضاء الوقت معها.. تميل الى عمل الكثير من التغيرات في مظهرها وتسريحة شعرها ... طموحة بطبيعتها قوية الارادة وصريحة اكثر من اللازم ... تميل الى المرح واللهووالطرب وفي نفس الوقت تحافظ على كرامتها وتغير عليها غيرة شديدة .

تسلم الايادى على الموضوع الجميل
تقبلوا مرورى وشكراااااااااااااااا

قمرهم كلهم · 08-05-2010, 11:54 PM

ميرسى على الابراج
تسلم ايدك
بانتظار الجديد

الحب المفقود · 08-06-2010, 04:25 AM

الجوزااااااااء

برج الجوزاء من 22 مايو الى 21 يونيو
متكيّف ومرن
صريح وذكي
عقلاني وفصيح
مفعم بالشباب والحيوية
الترتيب
3
اللون
الأخضر
الكوكب
عطارد
حجر الحظ
العقيق
أفضل شريك
القوس
أسوأ شريك
الحوت
يحب
الكلام، كل ما هو جديد وغير مألوف، التنوع، تحقيق الأهداف المتعددة معا، والقراءة
لا يحب
القيود، التعلم، الروتين، الخمول العقلي والوحدة

ومرسى على الموضوع

مشمشه · 09-01-2010, 12:51 AM

فتاة الجدي : جميلة وذكية ... تميل لكل جديد ولكنها مسرفة .. جميلة للغاية ، قانعة بقسمتها وتعد من اصلح الزوجات اللواتي يدفعن ازواجهن الى الامام وتقف وراءه وقت الضيق والشدة ، تشجعه وتشد من ازره وتخفف عنه ويلات الحياة وتساعده على احتمالها وتحملها.... تمتاز برجاحة العقل والتحكم في عواطفها وترتيب حياتها وظروفها وفقاً لحالتها مع عمل حساب كبير للمستقبل والشيخوخة.
قوية الارادة وبحثها عن الكمال يدفعها الى الاصرار ولكن عدم بلوغها اليه يصيبها احياناً بالاكتئاب... تفضل البساطة في المكياج والتصرفات ، كما تفضل الاستيقاظ مبكراً ... ذوقها مدهش في الالوان وتكره الكسل وتحب الاستمتاع بصحبة الناس المثيرين للاهتمام ... عقلها تحليلي وهادىء ونادراً ما تغفر الاساءة.

zeinab · 11-20-2010, 10:51 AM

اولا ملقتش حد برج العذراء زيي ... احسسسسسسسسسن

فتاة العذراء :
عصبية المزاج ، مش دايما عصبيه بس ممكن بتعصب بسرعه اوقات

دائمة الشكوى ... لا تستقر على رأي. لاه بصراحه دي غلط مش بشتكى ولاحاجه بس اه بحتار عشان اوصل لراي اخير واستقر عليه

منظمة جداً دي بقى ممكن تقولى جدا جدا جدا معقدة في النظام والنضافه

وتظل شابة بشكل مدهش بالرغم من شعورها بالانقباض النفسي احياناً ، حقيقه مقدرش انكرها الشعور بالانقباض لكن تظل شابه دي اتمنى بصراحه

حينما تكون جميلة فأن نظرتها للجمال تكون كاملة ، حقيقه دايما يقولولى انتى عاوزه كل حاجه كامله ومظبوطه مينفعش يبقى فيها غلطه

ولكن حينما تكون وحيدة فأنها تهمل في هيئتها وتميل الى وضع المكياج البسيط وترتدي ملابس تتميز بالوقار. بردو حقيقه بس مش مهمله في هيئتى ولا حاجه بس مش بهتم البس ايه المهم اقضي المشوار وخلاص انما وضع المكياج وانا في الحاله دي مستحيل ممكن وانا زهانه احطه بغرض الجنان او اللعب وبس وانا فرحانه ممكن احطه بسيط عشان اتفرج على نفسي لانها بتوحشنى ساعات - مجنونه صح ؟

لا يتعبها العمل الشاق لاه في دي بقى بقيت اتعب لكن عموما صح

وتحتاج الى الحب ولكنها لا تندفع فيه ،احتاج للحب دايما مقدرش اعيش من غيره لكن اندفع ممكن في بدايته وبعدين الامور بتهدى ... زي الحماس لاي حاجه جديده

بحثها عن الكمال هو غالباً سبب عصبيتها ، في احيان كثيرة تكون متحفظة لأنها تتوقع الكمال من نفسها ومن الآخرين دي عقدة حياتى انى متخيله كل الناس هتفهم انا عاوزه اعمل ايه وهيبقى كله صح ومظبوط بعدين اكتشف انى عايشه في عالم خيالى بتفكيري لوحدى عشان كده ببعد ساعات وابقى كتومه

ولذلك فهي منتقدة لاذعة ويصعب ارضاؤها لاذعه جدا جدا جدا واه بقى لو حد مش عارفاه قوي وابدأ انتقد على طول يتاخد عنى انطباع سئ هههههه ... بس انا نقدي بيبقى اظهار للعيوب الى نفسي تتصلح في الشخص لان اوقات مش بنشوف حجات كتير في نفسنا لازم حد يقولنا عليها ... انما ارضائي من اصعب ما يكون واسالوا مجرب

تتميز بالخجل ولذلك فهي لا تقدم على المغامرات العاطفية، خجوله بشكل مش طبيعي ممكن احب في صمت من بعيد (مع نفسي) بس عمري مقرب الا لما اتاكد جدا وكويس قوي من الطرف التانى والبدايه تكون منه مش منى

وتمتاز ايضاً بأنها كثيرة الانتقاد للآخرين، خلاص ما احنا قلناها قبل كده ولا عاوزين الناس تخاف منى

وهي تحتاج الى شخص على قدر كبير من الفهم الواعي لكي تعيش سعيدة
ياريت بجد يكون كده لان ده فعلا هيسعدنى قوي

مرسي يا اسماء على الموضوع الجميل ... وحشتينا يا قمر ياريت تكون السنادي خير عليكى وترجعيلنا بالسلامه من الثانويه العامه وبنتيجه حلوه

osha · 11-20-2010, 11:23 AM

فتاة الجدي : جميلة وذكية ...الحمد لله بس مش دى اللى انا احكم فيها
تميل لكل جديد فعلا ودى حاجه مارقانى فى حياتى جدا
ولكنها مسرفة..لالالا فى المعقول يعنى بشوف نفسى افضل من ناس كتير فى النقطه دى
جميلة للغاية ماحنا قلنا قبل كدا ولا عايزنى اعلى صوتى بقى هههههه ، قانعة بقسمتها قوى قوى الحمد لله ودى حاجه انا بالنسبالى وبالنسبه لجوزى مريحانا جدا وتعد من اصلح الزوجات اللواتي يدفعن ازواجهن الى الامام وتقف وراءه وقت الضيق والشدة بجدالحمد لله ودايما على فكره جوزى اللى يقول عليه كدا لاهلى او لاى حد ، تشجعه وتشد من ازره وتخفف عنه ويلات الحياة وتساعده على احتمالها وتحملها الحمد لله.... تمتاز برجاحة العقل والتحكم في عواطفها وترتيب حياتها وظروفها وفقاً لحالتها مع عمل حساب كبير للمستقبل والشيخوخة.كتير بخاف من المستقبل قوى ليه لولادى وبحب اعمل حساب لكل حاجه فى الدنيا علشان نقدر نعيش مرتاحين
قوية الارادة احيانا اه واحيانا لاء
وبحثها عن الكمال يدفعها الى الاصرار ولكن عدم بلوغها اليه يصيبها احياناً بالاكتئاب فعلا احيانا كتير بدايق جدا علشان كدا وبحس انى ماليش اى لزمه فى الدنيا... تفضل البساطة في المكياج والتصرفات انا احب البساطه فى كل حاجه وماحبش الميك اب المبالغ فيه بحس نفسى اراجوز ههههه الجمال طبعا بخلقة ربنا افضل،
كما تفضل الاستيقاظ مبكراً فعلا بس انا كنت مفكره الموضوع دا وراثه لان امى لو عندها شغل او لاء لازم تقوم من بدرى خالص وانا بصراحه واخده دا منها بس احيانا بحب الانتخه ههههههههههه
... ذوقها مدهش في الالوان فى دى مش عارفه بس يعنى اللى يعرفونى بيعجبهم زوقى فى اختيار الالوان ليه ولاولادى ولكل لون حاله مزاجيه خاصه جدا يعنى لما اكون زعلانه او فرحانه او اى حاجه من دى تلاقينى بعبر بالالوان وتكره الكسل ماقلنا بنصحى بدرى يبقى اكيد مش بحب الكسل وتحب الاستمتاع بصحبة الناس المثيرين للاهتمام انا دايما اقول معرفة الناس كنوز يكفى انك لو تعبان هاتلاقى اللى يسال عليك لو فرحان هاتلاقى اللى يهنيك ودايما مش عارفه بحس انى بتخدع فى ناس كتير لانى بفرض حسن النيه دايما حتى لو حصل منه اى حاجه تلاقينى ابرر اللى حصل من اى شخص يسيئ ليه والتمسله العزر وعلشان كدا مش عارفه اذا كان دا كويس ولا وحش ... عقلها تحليلي وهادىء ونادراً ما تغفر الاساءة.بالعكس جدا مانا وضحت الكلام دا قبل كدا
شكرا ياقمرعلى الموضوع ويارب ترجعيلنا بالسلامه يارب ونشوفك على خير

مانو · 11-29-2010, 05:43 PM

انا برج الدلو
وفعلا الصفات دى كلها فيا
معدا
حكاية مياله للكابه
وعلى فكره انا بصدق فى الابراج لان فيها حاجات كتير فيا
وتسلم ايدك على الموضوع الرائع ده اسماء

اميرة الحب · 11-29-2010, 05:53 PM

ميرسي يااااجميــــــــــــــــل ع التوبيك

هو فعلا كتير من اللي اتقاال صح

بس كذب المنجمون ولو صدقوا

ويااارب ترجعي بالسلامة يا قمر..