مش عارف انا ايه اللى حصلى بس انا تعبان اوى وحاسس انى لو قلت لكل الناس اللى حصلى هرتاح
اتحملونى شوية سوررررى
فى البداية انا اسف ان موضوع زى دة فى (قصة نجاح)
اولا انا محمد وجيه(ويجا) من المنزلة عندى20 سنة فى كلية اصول الدين والدعوة بالمنصورة
او كلية التجارة بالقاهرة .........! ازاى ؟؟؟ انا هاشرح
اللى حصل انى لما خرجت من الثانوية بمجموع89% من علمى فى ازهر يقعدو فى البيت
لما والدى لقى كدة قالى مش هتروح القاهرة علشان كلية اى كلام
مافيش قدامى غير كلية دراسات اسلامية فى دمياط وكلية اصول الدين واللغة العربية فى المنصورة وهو دة كان قرارى اللى انا مجبور عليه انى اروح كلية مش عايز اشتغل بيها
حاولت كتير اتاقلم لكن مافيش فايدة
عديت السنة الاولى بمادتين حمدت ربنا وبوست ايدى وش وضهر
بعد كدة حسيت انى خلاص مش هاقدر اكمل فى الكلية دى
اقنعت والدى انى لازم احول من الكلية
وفعلا حصل وحولت كلية تجارة القاهرة والدنيا احلوت اوى قدامى وبقيت باحضر محاضرات واشترى كتب
وكنت كل يوم اروح اسال على اوراقى وصلت ولا لأ علشان اعمل الكارنية وكل لما اسال
موظف الشئون يقولى الاوراق هتيجى من نفسها
جيت فى اخر اسبوعين رجعت البلد علشان اذاكر للامتحانات
وكان امتحان التيرم الاول يوم سبت
انا روحت القاهرة يوم الثلاثاء بالليل
روحت اجيب رقم جلوسى تانى يوم الصبح لقيت رئيس الشئون جلال بيه بيقولى ملكش رقم جلوس
انا قولت يمكن علشان مصاريف ولا حاجة بسيطة
لقيته بيقولى انه اسمى اصلا مش موجود فى الكلية كلها
طب ليه
انا ذنبى ايه ان الموظف اللى استلم ورقى ضيعه
المهم كل الاسئلة دى ملهاش لازمة لانى خلاص مش هاعرف اخد منهم لاحق ولا باطل
دلوقتى السؤال هو انا فين دلوقتى؟؟؟
روحت يوم الخميس المنصورة كليتى القديمة لقيت اسمى ولا كأنه اتحرك من مكانه ورقم جلوسى موجود وامتحاناتى يوم الاحد
طب والعمل
الحل الوحيد انى اطلع شهادة مرضية مزورة واجل امتحانات التيرم الاول
وهو دة فعلا اللى حصل
وبكدة انا هاخد التيرمين فى سنتين وخلاص الحكاية انا استوعبتها وعدت
الغريب فى الموضوع انى بتفاجئ انه قبل امتحانات التيرم التانى جالى تليفون من كلية اصول الدين انه كلية التجارة طالبة الملف بتاعى لكن بعد ايه؟ طبعا رفضت
الحمدلله التيرم التانى عديت منه بمادتين
بس وبعدين
اللى خلانى بقى اكتب موضوعى فى قصة نجاح انى مش هاستسلم وهاحول تجارة تانى وهابدأمن اولى ومش هاستسلم طول مافى نفس

وادعولى

المشاركة الأصلية كتبت بواسطة محامى الغلابه أخى العزيز انا حصل معايا نفس ظروفك وانا فى الكلية وبحول بس أنا طلعت أشطر منك رحت مضيت على إقرار وإستلمت ورقى بإيدى وسلمتة فى الكلية اللى انا هحولها دا أول شىء ثانى شىء لما خلصت قالوا ليا مفيش شهادات إلا لما يعدى شهر طب إزاى وانا جيشى بكرة قالولى إخبط دماغك فى الحيطة انت لسه نتيجتك طالعه إمبارح عاوز شهادة ازاى قلتلهم طب أنا جيشى بعد بكرة لازم أروح الكشف الطبى وإلا هعد متخلف قالولى اخبط دماغك فى الحيطة قولتلهم ماشى كان كل واحد يروح لهم يسمع الكلام دة قبل ويمشى انا وقفت إدام الباب ولمتهم كلهم وقلت لهم استنوا وطلعت جبت بعضهم من خارج مبنى الكلية وقولت لهم والله ما انا ماشى إلا لما أخد كل اللى عاوزة طلعت لرئيس شئون الطلبة معملش حاجة طلعت لوكيل الكلية مفيش روحت مكتب العميد قولتلهم إدخلى للعميد وقولى له على مشكلتنا ( للسكرتارية ) وإحنا هنا ومش ماشين إلا لما مشكلتنا تتحل لقيت الرجاله بدأت تخاف لما زعقت فى مكتب العميد وعملت هيصة ما انا كنت هبوظ من الجيش وأخد 3 سنين بدل سنة المهم ما سبتش حقى وعملت كل الأوراق اللى انا عاوزها الشاهد سيادتك أهملت فى ورقك وياريت ما تهملش تانى وحرام تضيع عليك السنة الجاية كمان من حقك تاخد طلب سحب ملف من الكلية اللى انت عاوز تنقل لها وتكتب إقرار بإستلامك ملفك وتسليمة باليد للكلية التانية وربنا يوفقك يارب