ازاي تبقى واثق من نفسك دايما
مهما كانت الظروف اللى حواليك ؟
ازاي تكسر حاجز الخوف والخجل اللى جواك؟
وتتصرف عادي جدا فى اي موقف تقابله فى حياتك ؟
ازاي ممكن تثبت نفسك فى اي مجتمع
وتسيب اثر في كل الناس الموجوده؟
موضوع الثقه بالنفس دا مش موهبه او صفه وراثيه من الاب والام
يعنى مفيش واحد ممكن يبقى مولود وهو واثق من نفسه
وبيعرف يتكلم وبيسد فى اي موقف
انما الثقه بالنفس دي تدريب وفيه خطوات لو اتعلمناها و عملناها
ممكن تبقى من اكثر الناس ثقه فى انفسنا وقدراتنا
ومن ثم اكثر الناس إفاده لانفسنا ومن حولنا
المهم
احب ابتدي بــــ
ايه هى الاسباب اللى ممكن تخلى الواحد مش واثق من نفسه
وتخليه دايما بيتجنب اي مناسبه او اجتماع فيها ناس كتير
ولو حضر اي تجمع ولو حتى كان تجمع اسري بيكتفى بالمشاهده فقط
كأنه مش موجود اصلا
ولو حاول اي حد يخليه يتكلم وشه يحمر ويتلخبط فى الكلام
اعتقد ان الاسباب ممكن تكون مايلى :
1- الشعور بعدم الاهميه النابع من داخل الفرد نفسه
وذلك عن طريق تكرار جمل معينه بينه وبين نفسه طول الوقت
يعنى مثلا :
يفضل يقول لنفسه
انا فاشل
انا ماليش لازمه
انا كان لازم اموت من زماااان
انا غبى
انا اهبل وعبيط والناس كلها عارفه كدا
انا لسه عايش لغايه دلوقتى ازااااااي
والى اخره
من الكلمات التى تثبط الهمه وتجيب الهم والغم ومفيش منها لازمه
وطبعا دا بينعكس مباشره على من حوله من خلال تصرفاته وبيقلل من شأنه وسط الناس
2-تعرض الفرد لموقف محرج ترك فى نفسه اثر سلبى وجعله يتجنب الظهور فى اي اجتماع
وخصوصا بقى لو كان الموقف امام عدد كبير من الناس
3-شعور الشخص بأنه مراقب من قبل الاخرين وانهم جميعا ينتظرون وقوعه فى الاخطاء
4-شعور الفرد بانه لا يوجد من يهتم ويشعر بيه
يعنى مفيش حد معبرنى انا وحيد
يعنى مين اللى هيهتم ويحس بمشاكلى
ومين اللى هيجيله صبر يسمع همومى
5- ممكن يكون شكل الفرد وصفاته الجسميه عامل من عوامل عدم الثقه فى النفس
يعنى مثلا منخيره كبيره او احول او قصير او .. او ... او ....
طيب
ازاي بقى نثق فى نفسنا ؟؟؟؟؟؟؟
1- لا تقلل من قيمه نفسك ولو حتى بينك وبين نفسك
يعنى لو الواحد ملقاش حد يشجعه يشجع نفسه بنفسه
ويكرر كلمات زي
انا كويس
انا زكى
انا ان شاء الله هطلع الاول
انا مفيش زيي
انا خساره فى البلد دي
(بس ياريت ميطلعش فيها قوي علشان ميوصلش لدرجه الغرور)
ويركز على المواقف اللى كان فيها كويس فى الماضى
مثلا يوم نجاحه فى الثانويه العامه
او يوم ما اخد بطوله فى رياضه معينه
كل واحد بقى على حسب ظروفه واكيد مفيش حد
مفيش فى حياته جاحات كويسه يفتخر بيها
2- استخدم اقل الكلمات للتعبير عن نفسك
وتتكلم عن نفسك بكل اعتزاز انت مش قليل
ومفيش داعى لذكر نقط ضعفك امام الاخرين
علشان متبقاش موضع سخريه قدامهم بعد كدا وتزعل منهم
3- الاهتمام بالمظهر العام
فيجب ان يهتم الفرد بإرتداء ملابس نظيفه وانيقه ومناسبه
كما يجب الاهتمام بالنظافه الشخصيه والبعد عن العادات المنفره
4-اعرف ان الناس كلها زي بعضها كلهم متساوون
وانك لازم تثبت وجودك فى اي مكان ومتخفش من عدم تقبل الناس ليك
5- مارس اي نشاط يحسسك بأهميتك
اعمل رياضه
اقضى وقت فراغك فى عمل شئ مفيد لاحد افراد اسرتك
حاول تنمى الجوانب المختلفه من شخصيتك
اقرأ كتاب
خد كورسات تنميه بشريه كمبيوتر
اي حاجه
6- عامل الناس على قدر عقولهم
يعنى شوف انت بتتكلم مع مين الاول
وشوف الاسلوب الامثل اللى ممكن تتكلم بيه معاه
وياريت طبعا الابتسامه ما تفارق وجهك
( الابتسامه هى جواز سفر ممكن تدخل بيه لاي قلب )
7- استعن بالله دائما واعرف ان ربنا كرم الانسان على سائر المخلوقات
وانه مهما كانت العيوب اللى موجوده فيك كتير
ففيه ناس اكتر مستعده تقبلك على مابك من عيوب
ولكنها منتظره ان تنهض من مرقدك وتقدم نفسك بكل ثقه وشجاعه
يارب الموضوع المتواضع دا يعجبكوا
واتمنى التوفيق للجميع
ياسلام يا سلام عالنظام اللللللللله على التنظيم بجد روعة تسلمي يا ميس قد إييييييييييييييييه انا بحب المواضيع اللي زي ديه وغيرها من مواضيع التنمية البشرية ثاااااااااااانكس بس كلمة أخيرة عاوز تثق في نفسك تعرف على دينك ستجد ثقتك هناك مكانتك ومنزلتك عند ربنا لو عرفتها بجد هاتحس بثقة في نفسك بجد فتعرف على الله ستجد مبتغاااااااك ثاااااااااانكس
1- لا تقلل من قيمه نفسك ولو حتى بينك وبين نفسك
يعنى لو الواحد ملقاش حد يشجعه يشجع نفسه بنفسه
ويكرر كلمات زي
انا كويس
انا زكى
انا ان شاء الله هطلع الاول
انا مفيش زيي
انا خساره فى البلد دي
فعلا الاخيرهـ دى ولا ايه يا مث
مشكوووورهـ مث لولا على الموضوع وصح كلامك واسلوبك فى الموضوع
ازاي نثق فى نفسنا ؟؟؟
رد: ازاي نثق فى نفسنا ؟؟؟
العرض العادي
