لقاء مع مسئول مسطول !!

مجاني · 06-25-2010, 06:35 PM

نفسي اشوف مسئول حتي لو مسطول عشان اسأله السؤال ده في حد غيرنا في العالم بيعاني من اللي بنعاني منه يا مسطول قصدي يا مسئول ؟ انا بتخيل هايرد علي هايقولي ايه تخيلو ا معايا ....

مالك بس في ايه يا بني انتم ولادنا الشباب ده امل مصر المستقبل كله انتم عايشين احلي عصر علي ايامنا مكنش فيه ديمقراطيه ولا انفتاح ولا نت ولا موبايل عايز ايه بتشكي من ايه

( فرصتي بقي ....)

اسمع يا سيدي

انا هابدأ بالتعليم ...

الاول هاتنزلو سته ابتدائي ولا مش نازله الدور ده ولا الدور الجاي ان شاء الله نفسي اعرف ايه حكايه سته دي .....
الوزير .. بصي يابني ستة دي بتيجي ازاي بقي احنا لقينا عدد العاطلين والخرجين كتير اوي قولنا نحط سنه تتشغلو ا بيها وتعطلكم ( هو احنا وحياة ابوك ناقصين عطله ) واللي يخلص بقي يبقي يقابلني !!

طيب بالنسبه للكتب والدراسه ايه السواد د يا باشا كتب معفنه ومناهج ملهاش اي معني ..

الوزير ... لا ! غبي ( من بعض ما عندكم ما تشتمشي) يابني دا لزوم العطله بزياده الواحد يسقطله سنتين تلاته يقوم محدش يشتكي انا عايز اشتغل وانا عايز اتجوز وغيرة وغير ه لان الطلبه كلها هاتسقط فالعدد هايقل هايقل ( روح يا شيخ الهي تتقلقل من مكانك )

استني بقي الثانويه العامه ايه اخبارها ...

الوزير ... حلوة ( يا راجل ) اسمع بس مني .. حلوه .. الامتحانات سيضعها نخبه من اساتذه الجامعات متخفشي ( ما هو دا اللي مخوفني المنهج بيدرسه مدرس يحط امتحانه دكتور ازاي ..هي العيال مش بتحل من شويه )

هههههه والتنسيق يا باشا ايه نظامه

الوزير ... 98 صيدله 97.99 هندسه 95 علوم ( يا لهوي فين الطب ..!!! ) الطب .. طب ايه اه ه ه ( الحمد لله افتكرة وانا اللي قولت ....) الطب يبني كادوه ( كام يعني طمني..) 100في 100

( الله ينور ومين هايجيب بقي كده يا باشا ) الغبي ابن الغبي اللي هايحل الامتحان كله صح ( وبيقولها وهو زعلان اوي اوي )

الجامعه .... لعبتي ..(دا انا هأطعك)... ايه اخر اخبارها ..

الوزير .. شوف .. الجامعات دي اسهل حاجه مش عارف العيال بتسقط فيها ازاي ( رديت انا بسرعه وبصوت عالي ... كووووووووسه ... كوسه يا باشا ) اه والله كوسه يابني ما علينا . . الجامعات هاتكون اوبن داي ( يعني ايه مش فاهم ) يعني 24 ساعه مفتوحه ( هي اجزخانه يا عم ) الشباب لازم يقعدو مع بعض اكبر فترة ممكنه ( عشان يجيبو ا عيال اكتر حاجه ممكنه وتزلوهم .. يابن اللعيبه .. استاذ ) ويكلو ويشربو سوا ( بالنسبه يعني للحمام ايه ظروفه ) ولادنا مؤدبين يا بني ومحترمين الشعب المصري طول عمرة عنده نخوة ( نخوة .. يا ختيييييي.. تعال شوف البوس والاحضان والتفعيص يا خوياااااااا)

لنا تكمله ان شاء الله ..........

yasmina · 06-28-2010, 03:49 AM

اقتباس:

مالك بس في ايه يا بني انتم ولادنا الشباب ده امل مصر المستقبل كله انتم عايشين احلي عصر علي ايامنا مكنش فيه ديمقراطيه ولا انفتاح ولا نت ولا موبايل عايز ايه بتشكي من ايه

بجد رد جميل جداااااااااا حاسه ان المسطول قصدى المسئول قدامى وهو بيتكلم
للأسف يا مجانى عندك حق فى كلامك وماعنديش أى تعليق عليه بس بجد حاجه تزعل

شكرا مجانى على الموضوع الواقعى وبدايه موفقه اعتقد أنه من أول مواضيعك فى المنتدى بجد بحييك علي الموضوع

JoKeR · 06-28-2010, 04:55 AM

*****( مجانى )*****

الجامعه .... لعبتي ..(دا انا هأطعك)... ايه اخر اخبارها ..

الوزير .. شوف .. الجامعات دي اسهل حاجه مش عارف العيال بتسقط فيها ازاي ( رديت انا بسرعه وبصوت عالي ... كووووووووسه ... كوسه يا باشا ) اه والله كوسه يابني ما علينا . . الجامعات هاتكون اوبن داي ( يعني ايه مش فاهم ) يعني 24 ساعه مفتوحه ( هي اجزخانه يا عم ) الشباب لازم يقعدو مع بعض اكبر فترة ممكنه ( عشان يجيبو ا عيال اكتر حاجه ممكنه وتزلوهم .. يابن اللعيبه .. استاذ ) ويكلو ويشربو سوا ( بالنسبه يعني للحمام ايه ظروفه ) ولادنا مؤدبين يا بني ومحترمين الشعب المصري طول عمرة عنده نخوة ( نخوة .. يا ختيييييي.. تعال شوف البوس والاحضان والتفعيص يا خوياااااااا)

دة فعلن حال الجامعات

من كتر الكووووووووووسه

انا مش فى جامعة وبفضل فيها قاعد مع اصحابى زى ما انا عايز

طب تيجى ازاى

غير طبعا الحاجات اللى بشوفها اللى انت عارفها

شكرا على الموضوع الجميل

تحياتى لك

*****( JoKeR )*****

zeinab · 06-28-2010, 12:20 PM

شكرا يا مجانى على الموضوع بجد حلو واسوبك احلى
بس ده قسم النقاش الجاد انا ملقتش سؤال نتناقش فيه
انا شايفه ان ممكن موضوعك يتنقل مشروع عامر المجموعه العلميه
ويبقى مشكله بنواجهها في عصرنا ونحاول نلاقيلها حل

مجاني · 06-28-2010, 07:31 PM

اسف علي التأخير ........

ولكن ابدأ مع الجوكر ومشكوووووور يا صاحبي وانت تقعد في اي حته تريحك هي جت علينا

مجاني · 06-28-2010, 07:34 PM

ياسمينا دائما ما اقول ان عطرك يغطي علي كل ما هو جميل .... مشكوووووووووورة

مجاني · 06-28-2010, 07:36 PM

زينب ... اشكرك وفعلا رأيك مهم جدا ... وانقلي الموضوع اي مكان .. المهم اطلعي عليه حتي يزداد تثبيتا

zeinab · 06-29-2010, 02:07 PM

شفته والله عشان كده نقلته وعجبنى جدا بس انت كده خلصت حوار التعليم مع الوزير ولا لسه هتناقشه في الماجستير والدكتوراه ... اظن كفايه كده عشان متروحش ورا الشمس ونبدا نتكلم في الحلول بقى ولا انت ايه رايك؟

مجاني · 06-29-2010, 04:01 PM

اوفقك الرأي زينب ولكن اسمحيلي ...

فالحلول تختلف من شخص لاخر وأري ان اترك الحلول لكم كلا من وجهة نظرة .. ارجو ا سرد حلولكم ويقوم الجميع بالتعليق عليها... شكرا لمرورك الدائم

عاشقة الرومانسية · 06-29-2010, 05:19 PM

استني بقي الثانويه العامه ايه اخبارها ...

الوزير ... حلوة ( يا راجل ) اسمع بس مني .. حلوه .. الامتحانات سيضعها نخبه من اساتذه الجامعات متخفشي ( ما هو دا اللي مخوفني المنهج بيدرسه مدرس يحط امتحانه دكتور ازاي ..هي العيال مش بتحل من شويه )

هههههه والتنسيق يا باشا ايه نظامه

الوزير ... 98 صيدله 97.99 هندسه 95 علوم ( يا لهوي فين الطب ..!!! ) الطب .. طب ايه اه ه ه ( الحمد لله افتكرة وانا اللي قولت ....) الطب يبني كادوه ( كام يعني طمني..) 100في 100

( الله ينور ومين هايجيب بقي كده يا باشا ) الغبي ابن الغبي اللي هايحل الامتحان كله صح ( وبيقولها وهو زعلان اوي اوي )
هههههههههه ربنا يستر عليا فى الثانوية العامة
وبعدين هو حد بيجيب 100/100
هههههههههههه

للمزيد من مواضيعي