للمزيد من مواضيعي

 

الموضوع الأصلي : اصعب سؤال فى الحب     -||-     المصدر : مدينة المنصورة     -||-     الكاتب : osha

انتى شايفه ايه يعنى يروح ينتحر ولا انتى شايفه ممكن يعمل ايه

يسلم امره الى الله ويقول اللهم اجرنى فى مصيبتى وارزقنى خيرا منها

وينتبه لنفسه ومستقبله وحاله الى حيضيع بسبب التفكير الكتير فى حجات ومحتجات كتيره ويكون مع الله ويدعوه بالحاح ان يفرج عنه ما هوفيه ويستخير الله

دمتم فى رعايه الله وامنه

انا مش هتكلم عن نفسي لاني اتجوزت وخلاص وقدر الله ومشاء فعل وان لله وانا اليه راجعون

انتو بئا حبايب قلبي اللي لسه تختاري الاتنين اهلك وحبيبك لانك عمرك ماتعوضي انسان يحبك ويختارك انتي من الدنيا بس يحبك لنفسك لذاتك واهلك مش هايحبو غير سعادتك ولما يلقوكي مصممه وهوا كمان مصمم اكيد راح يوفقو وخليكي قويه واتمسكي ب حبك

اسعدني مروري من هنا ثانكس اوشا دمتي بكل حب

سببين لو توافروا فى الرجل . حرام اى فتاه ترفضوا مهما كان

وهم اولا اخلاقه وبدراسه للاخلاق وتأنى وليست الاخلاق الظاهره ولكن اخلاق بمواقفها الرجوليه

ثانيا يستطيع ان يفتخ بيت من متطلباته من مأكل ومشرب ولبس وتجديد وتطوير

لانه لو قال انا بموت فيكى او هنتحر لانى بحبك وهو لا يستطيع ان يفتح بيت

قولى له روح يا حبيبى اجلس جنب ماما .

لان الحب سوف يزول فى شهر العسل لو طلبتى منه طلب وقال ممعييش فلوس ظاع الحب

وشكرا اوشا غلى الطرح الجميل وعندك 3 جنيه هتيهم

أهلى ثم أهلى ثم أهلى
بصى يا أوشا أنا هاتكلم عن نفسى وعن أهلى لأن فى ناس بترفض لأسباب سطحيه زى اللى انتى قولتيها لكن أنا بثق فى أراء أهلى جدااااااااا ومادام هما شايفين انه ماينفعنيش يبقى أكيد فعلا ماينفعنيش وهما شايفين حاجه انا مش شايفاها ماينفعش ابيع أهلى أو حتى أزعلهم منى عشان خاطر واحد أنا بحبه حتى لو هاموت من غيرة
ولو ربنا كاتبلى أنى أتجوزة يبقى هاتجوزة انشالله بعد عشر سنين حتى ولو مش نصيبى ومش مكتوبلى يبقى عمرى ما هاتجوزة حتى لو عملت ايه لو حاربت الدنيا كلها يبقى أهلى هما الأبقى ليا

عجبنى الموضوع جداااااااااااااا يا أوشا تسلميلى يا قمر

اختي الكريمه

ما معني الحب والعشق والغرام .... في مقابل ان تعصي والديك سبب وجودك وبرضاهما تدخلين الجنه او تخرجي منها حاشا لله اعلمي ان الدنيا لو اجتمعت لكي يضروكي بشئ لم يكتبه الله عليكي لن ولم يفعلوا وايضا الزوج رزق والاولاد رزق اما والديك فهما سبب رزقك سبب سعادتك وفرحك وشعورك بالحب ذاته اعلمي اختي الكريمه ان اكثر من يريد مصلحتك والديكي لو اردو اضرارك اضروكي وانتي طفله لا تفقهي شئ استمعي اليهم
ونصيحه لا تجعلي الامر معلق علي الطرف الاخر مثلا يقول انا عملت اللي علي انا اتذليت عشانك انا انا سيدتي اقرئى كتب العاشقين لتعرفي ماذا فعلوا ليصلوا الي من يحبونهم ونصيحه اخري لا تجربي او تنصاعي وراء كلام الافلام فالحياة اكبر سينما

اما عن سؤاله انا او اهلك عذرا سيدتي اطيحي براسه بعيدا بعيدا بسيف العزة وحبك لاهلك وقولي والديا طبعا ولا تفكري كثيرا وانتظري لعل الله يبدله بغيرة خيرا لكي

اخيرا اختي الكريمه لقد جعل الله تعالي مرضاه الوالدين بعد عباده الله تعالي قال تعالي ( واعبدو الله ولا تشركوا به شيئا وبالوالدين احسانا ...)

اختي الكريمه لو وجهت كلامي اليكي فا بصفتك من طرح المناقشه ولم اوجهه بصفتك صاحبه المشكله

صباح الخير اولا يا اوشا وحشتينى جدا جدا جدا

بصي يا ستى الموضوع عجبنى قوي وحلو السؤال بس انا حساه عادى لانى شايفه انه بقى موضه دلوقتى عند الاهل رغم مشكله العنوسه الى موجوده وبقى سهل عليهم يقولو نو مرفوض ... طيب ليه عشان مينفعكيش وتيجى تتناقشي في السبب متلاقيش حاجه مقنعه ... ولو في حاجه مقنعه اكيد البنت هتوافق على رايهم لان البنت بطبعها سهل تغيير فكرها وبالتالى هتطاوع اهلا مش هتحب تخالفهم ولو بتحبه هتحاول بكل الطرق توصله نقطه الخلاف من غير متجرحه عشان يحلها ويتقدم تانى ده لو هيا باقيه عليه ومش عاوزه تزعل اهلها ...

بس بزمتك يعنى واحد هيتقدم مره ويترفض عشان اسباب 123456........... الخ افتكر لو هو فعلا عنده كرامه وبيحب بجد هيعمل المستحيل عشان يحل المشاكل دى وهيصر على موقفه ومش هيتقدم تانى الا وهو على الاقل حل شويه من المشاكل مش كلها ... بس الاهل وقتها هيحسو انه شاري بنتهم وعشان كده اتغير وحاول يلبي شويه من مطالبهم انما لو هو عمال يتقدم ويتقدم ومفيش تغيير محلك سر وكله كلام حب وخلاص يبقى مع السلامه يحنن ...

لكن لو الاهل اسبابهم مش مقنعه زي ماقلتلك يبقى يسلمو امرهم لربنا وربنا يصبرهم بقى ويفضلو يدعو ربنا لحد ميحل المشكله دي لان الى نصيبه في حاجه بيشوفها ....

ده وجهة نظري

لو انا مكان البنت دي هتمسك بيه لاخر لحظه فى عمري ومش هسيبه ابدا وهحاول اقنع اهلي بشتى الطرق
لان طالما انه اخلاقه عاليه ويعرف ربنا وحاسيت انه نصفى التاني وفتي احلامي
يبقى واجب عليا اني اتمسك بيه ... وده مش حرام ولا عيب لاني مش بطلب شيء حرمه ربنا انا بطلب الزواج الحلال من انسان فلبي هواه واختاره بدوت اراده مني

والاسلام ماحرمش الحب الطاهر العفيف ولكن توجه بالزواج والرسول عليه الصلاه والسلام قال علاج المتحابين هوه الزواج
ويجب على الاهل انهم يتقوا الله ومايحرموش اللي ربنا احله طالما انه زوج محترم وبيعرف ربنا
وياخدوا قصه سيدنا موسي عبره
لانه لما راح مدين فيه بنت اعجبت بيه وباخلاقه ولمحت لوالدها وقالتله استأجره لينا فالاب الحنون العطوف فهم ان بنته اعجبت بيه وقلبها دق ليه وبحكمه وبحنان قاله انا عاوز اجوزك بنتي

بجد قصص جميله وبجد القران الكريم والدين الاسلامي ماخلاش اي حاجه ماتكلمش فيها
لان ربنا خلقنا وجعل فينا احاسيس ومشاعر وقلب بيحس وبينبض وماخلقناش جماد
وبتالى لازم المشاعر والاحاسيس نضعها فى الاعتبار وتكون محاطه بالتأكيد بقيمنا ودينا

بحييكى يا اوشا بجد على طرحك
عارفة
انا هجاوبك
وعن تجربة هى مش شخصية قوى بس حصلت مع ناس قريبين منى جدا
تخيلى انتى لما بكونوا اتنين بيحبوا بعض وعاوزين بعض جداااا ومش فاضل لقصة حبهم غير انها تكمل وتنتهى بالنهاية السعيدة اللى هما بيتمنوها ... واللى معطلهم ((رفض الاهل ))
ولما الاتنين يحاولوا بكل طاقتهم وكل اللى يقدروا عليه انهم يقنعوا اهلهم .. هو : مش هتجوز غيرها ... مرتاح معاها ...... هى : كل عريس هيتقدم هرفضه .. مش هتجوز غيره
وبعد سنين من العناد .... وبعد ما اتفقا انهم يسلموا امرهم لله الاتنين اكتشفوا انهم بجد مش مناسبين لبعض وان كلام اهلهم صح 100 %
هو من عالم وهى من عالم تانى
هى تكتشف انها مش هتقدر تتعايش مع ناس زى اهله ليهم طقوس وعادات غريبة ميتقبلهاش الا اللى زيهم وهو كمان يحس انها مش هتستحمل طبيعة حياتهم
بعدها ينفصلوا وكل واحد يعيش حياته هى ربنا يرزقها بالشخص المناسب ليها اللى يمكنربنا كان جاعل قصة الحب الاولى دى سبب فى تأخير زواجها وانها تتقابل بالشخص المناسب فى الوقت اللى ربنا كاتبه ليها وهو ربنا عوضه باللى من نصيبه واللى تقدر تعيش حياته وتسعده
والاتنين بيحمدوا ربنا لان بجد اللى ربنا بيكون كاتبه بيكون هو الاحسن
ولو علمتم الغيب لاخترتم الواقع
انا مع الاهل 100 %
تقبلى مرورى واسفة للاطالة

اه بالنسبه للكلام بتاع اما انا اوهلك
ده كلام ماينفعش طبعا ومافيش حاجه اسمها كده بالتأكيد لان من رابع المستحيلات استغني عن اهلي او اقاطعهم لان ده بيكون ذنب كبير جدا وقطع لصله الرحم
لكن فى الحاله دي انا هختارهم الاتنين يعني هتمسك بيه جدا وهصمم على موقفى طالما انه انسان محترم وهحاول اقنع اهلي بااختياري
يعني هعمل كل اللي عليا ومش هستسلم ابدا مع الاحتفاظ بكرامه اهلى وحقوقهم عليا فى نفس الوقت