انا عن نفسى حصل موقف معايا من النوع ده انا صحيح صغيره ولكن اللى حصل المهم ياستى كنا اعجاب واتكلمنا مع بعض واتقدم ليا واهلى بصراحه ما زعلنوش وما وافقوش عليه لسبب والله لو عرفتوه كلكم هتضحكوا عليه المهم ان هوا سبب تافه جدا جدا بس صدقينى الاهل دول حاجه كبيره اوى واحترامهم ده شئ عظيم مهما كان حبك لا تخسرى اهلك الموضوع جميل وكتير من البنات بيقابلوه ميرسى يااوشا

بجد دى اجابه رائعه وانا معاك لازم كل واحد يختار الاهل لانهم دايما بيكون وجهه نظرهم اللى صح شكرا ليك على المرور

بصى يافطفوطه انا شايفه ان دايما الاهل دايما على صواب ودا ليه
لان الاهل بيفكرو بعقلهم قبل قلبهم ودا طبعا يكون احسن بالنسبه لنا فى كل الاحوال
شكرا ليكى ياقمر وربنا يعوضك عنه خير انشاء الله

انتى بتقولى يا اوشا ان اهلها رفضوه لاسباب تافهة يعنى مش مقنعة ودة هيخلينى افضل متمسكة بيه لكن مش هزعل اهلى ولا اخالفهم بس هحاول اقنعهم وانا متأكدة ان مش يهمهم غير راحتى وسعادتى ومادام راحتى مع الانسان دة يبقى اكيد هيوافقوا عليه وانا مش هقدر اتنازل عن رضا اهلى ولا عن الانسان اللى بحبه وبيحبنى.
بشكرك جدا يا اوشا على الموضوع المميز

اكيد اهلي طبعا
اوك انا بحبه وهو بيحبني بس عمري ماهاسيب اهلي
لان اللي عايزه ربنا هيكون
لو هو من نسيبي هاخده بس دا كل الموضوع
شكرا علي التوبيك

بصراحه انا لو مكانها اهلى طبعا اولا هحاول اخلى حد يدخل معايا علشان نقنعهم علشان اى تصرف يحصل يبقى هما عندهم علم بيه واكيد الاهل عايزين سعادتنا وممكن اقدر اقنعهم واتجوز الانسان اللى حبيته وحبنى برضاهم

يسلم امره الى الله ويقول اللهم اجرنى فى مصيبتى وارزقنى خيرا منها
وهو دة اللى انا عملتوة وفعلا كان بابا والعيلة كلها عندهم حق
بابا اقنعنى وخلنا اشوف الحقيقة بنفسى وتفقتا مع بابا على حاجة ولو حصلت
يبقى الشخص دة كويس ولا استسلم وضعف يبقى خااااااالص مفيش نصيب
المهم انى شوفت الحقيقة واستوعبت الدرس كويس ونصيحة منى لكل البنات مهم كان حبك لشخص دة فاهلك ثم اهلك ثم اهلك للمرة المليون وشكراااا على الموضوع الحلو دة

السلام عليكم و رحمة الله و بركاته
طيب دعيني اصحح جملة بس
ان شاء الله تكتب هكذا وليست انشاء الله عشان دي حرام الاولى تعني الارادة والثانية تعنى تاسيس
والاراده لله وحده عز وجل
بالنسبة للموضوع لفت نظري قصة في الردود انهم اكتشفوا انهم موش مناسبين لبعض
طيب ازاي اصلا
هو الحب بحبك وهموت من غيرك ووحشتيني ونتقابل وبتحب الاكل اللي بحبه وبينام في نفس ميعادي لا بيحب البرنامج اللي بحبه
المفروض الحب الصح بعيدا عن الدين لان الحب من وجهة نظري لاهو عيب ولا حرام
عقل + قلب = تفاهم واحساس بيتفاعلوا مع بعض تكون النتيجة ارتياح والارتياح يولد الحب موش الاعجاببس الاهم يكون القل والعقل شغالين مع بعض
بالنسبة للسؤال الخاص بالموضوع ان كان الحب مثلما أقصد يبقى لا هختار اهلي ولا هختاره لعدة اسباب أؤمن بيها :-
اولا ان كان الرفض مالي يا واخد القرد على ماله يغور المال ويفضل القرد على حاله
وثانيا الحديث الشريف فيما يعني ان اجتمعت الامة على ان ينفعوك بشيء لن ينفعوك بشيء الا قد كتبه الله لك وان اجتمعت على ان يضروك بشيء لن يضروك بشيء الا وقد كتبه الله لك
ثالثا الدين بتاعنا قال ايه كمان من جائكم من ترضون دينه وخلقه فزوجوه
هكتفي بدول ولو مؤقتا
الزواج المبني على حب ده موش عيب ولا حرام وكمان مفيش بنت بتتجوز غصب عنها والكل عارف ان مفيش حاجه هتحصل الا بمشيئة الله وكاتبهالنا وهنشوفها يعني هنشوفها لو الكل قال لاء وربنا قال اه غصب عن الدنيا هتحصل
اللي بحبه اترفض مرة اتنين تلاته مليون موش نهاية الدنيا وبرده في حل بس موش هضحي بحد على حساب حد ولا هعتصم ولا اهدد بالانتحار عشان اتجوزه بس كل انسان وله عقل ويقدر يقنع اي حد باي شيء
حتى وان كان انسان شايفه ان سعادته معاه وعايز يكمل حياته معاه
بس ازاي ؟
خلينا نشوف الموضوع بقى بنظرة العقل فلان بيحب فلانه اهلها ممكن يرفضوا لاسباب ايه فلوس موش هيحصل حاجه لو حسن من مستواه ونستنى شويه ومنقولش مفيش شغل اسعى ياعبد وربنا ميزنا عن الحيوان بالعقل
طيب اهله فيهم حاجه جيبولي عيلة في العالم كله كامله وان كل اللي فيها فرز اول موش فيهم حاجه حتى لو اهلوا موش هعرف اتعامل معاهم مقدرش اقوله يا انا يااهلك وكمان هنفترض لو كان النوع ده جيراني ايه موش هعرف اقولهم سلام عليكم صباح الخير اسال على المريض فيهم افرح في فرحهم حتى لو مختلفين عننا ده الجار للجار ما بال لو دول اهل جوزي اللي اتحمل كل ده ومتمسك بيا
ربنا عرفوه بالعقل ومفيش رفض يبقى بدون اقناع ومفيش مشكله موش ليها حل زي ما بتتولد المشكله بنفس اللحظة بيتولد الحل بس العقل اللي يفكر ويركز

وميرسي على موضوعك يا اوشا

تسلمى اوشا على الموضوع المثير للجدل
اكيد لو هى مقتنعه بيه وشايفاه انسان محترم ويقدر ياسس حياه كريمه ليه لا بالعكس هى ممكن تقتنع اهلها خصوصا لو اسباب رفضهم تافهه تسمع وجهة نظرهم ويكون فيه حوار مفتوح بينهم واكيد مش تعارض اهلها وتقف قصادهم عشانه لانهم فى الاول والاخر اكتر ناس يخافوا على مصلحتها ولكن كل الفكره انها تكون على حق انه انسان كويس لكن لوهتتمسك بيه لمجرد انها بتحبه يبقى فيما بعد لو طلع مش كويس هتلجا لاهلها وهيقولولها انتى اللى اخترتى و اتحملى نتيجة اختيارك وده بيحصل مع بنات كتير وفى النهايه كل واحد بياخد نصيبه

انا شايف ان انا لو بحبها بجد
مستحيل هاحطها في الحيرة دي
و هاسيبها حتى لو ده هيبقى على حساب سعادتي
و بعدين هي لو سابت اهلها منين هتيجي الثقة بيني و بينها بعد كده
موضوعك جميل يا اوشا