سلام عليكم
اخواني واخواتي
زي ما قلت في بداية تواجدي في المنتدى اني حابب افيد واستفيد من حضراتكم

وبما اني عاشق لفن تغغير الذات و التغلب على العادات

كان لي اقتراح ممكن يبدو ان صغير وهايف لكن انه شايف عظيم

بكل يوم بشوف حولية ناس بتعاني ومعاناتها داخلية
يعني من نفسها من طريقة تفكيرها من اسلوبها في الحياة اللي اتعودت عليه
والنتيجة انهم شاعرين بتعاسة و عدم رضا عن الذات و ساعات عن الناس

يمكن لما الواحد بيصاب بمرض او اي شيء خارج عن ارادته بيلوم الظروف و القدر و ممكن احباطه يكون له سبب
اما اللي احباطه داخلي يعني من نفسه ده اللي بجد نفسي اساعده و نساعده كلنا
الاحبطات كتير اوي منها
السمنة
اهمال الصلاة
الفشل في الدراسة
المعاناة في الزواج
المعاناة مع الابناء
المعاناة في العمل
وأخيرا مع الاصداقاء والوالدين

فكرت في فكرة مستوحاة من برنامج تلفزيوني كان بيحاول يجمع الناس اللي عندهم معاناة واحدة مع بعض بصفة دورية و يبدءوا يفضفضوا سوا ,يتبادلوا خبرات التغلب على المشكلة
خصوصا لانهم هيكونوا حسن ببعضاوي اكتر من اي حد و يفل انه يكون معاهم حد خبير في ادارة الجلسات اللي زي دي كنوع من التنسيق ووضع برنامج وانا ممكن اساعد في الجزئية دي مش بصفتي خبير انما بصفتي قارئ ومطلع

باختصار هي فكرة المشاركة في الاحباطات ومحاولة تغيير المفهوم و تعديل الشعور ومن ثم السلوك .
ممكن ابدء اطرح الموضوع بشك اوسع اذا شفتوا وحسيتوا انه فيه فايدة لينا .

للمزيد من مواضيعي

 

الموضوع الأصلي : فكرة لكل شباب وبنات المنصورة     -||-     المصدر : مدينة المنصورة     -||-     الكاتب : thinker

جمييييييييييييييييييييل أوي أوي أوي
أنا معاك يابطل وانا والله يعلم ربنا ان هدفي من مجيئ هنا في المنتدى أني اجمع شباب حلوة وطموحة نحقق كل مانصبو إليه وانا معاك ياهندسة بكل ما استطيع واحاول أفضي نفسي معاكم بإذن الله
بص ياحبي أنا ممكن اخدمك في أي واحدة من دووول
الترجمة الفورية
البرمجة
الديزاين للدعاية والاعلان
الموارد البشرية والتنمية البشرية
وانا سبق قولت عن ده قبل كدة

على فكرة في ناس هنا كمان حلوين جدا وممكن يساعدونا في التنمية البشرية زي محمد الشال بعشق المنصورة بيحب التنمية البشرية أوي ياريت لو تعاونا مع بعض وكله لأجل الله ثم للوطن
وتسلم ايجميل وربنا معاااااااااااك

الله الله عليك يا سمارت مان بجد شكرا ليك يا سمارت مان على التحفيز و التفاعل
و حلو اوي روح الوطنية اللي بتتمتع بيها وهنكمل باذن الله

و قبل ما نمشي في اي خطوة خليني اوضح المعنى اكتر للناس علشان احدد و بوضوح اوي الغرض من الفكرة والا ممكن الموضوع يتشعب منا
""نادي السعادة""
احب اكمل في طرح الفكرة
ساعات الواحد بيكون جواه قناعات غير اللي هو عايش بيها و نفسه يعيش بشكل غير اللي هو عايش فيه

لكن الخوف من التغيير احيانا
واحيانا اخرى عدم وضوح الرؤية و الدوافع
واحيانا احباطات من ممن حولك
كل ده يخليك تتارجع عنالتغيير

علشان كده اللي هيجوا معانا في نادي السعادة اكيد ناس متفائلة عندهم حب للتغيير وامل في المستقبل
ونفسهم يكونوا افضل باذن الله

كويس ياشريف انك كتبت الموضوع هنا بس انا كان قصدى انقلك الموضوع التانى بالمشاركات كلها
بس مش مهم ملحوقه ان شاء الله كمل وربنا معاك وانا في الخدمه عند اي حاجه

وانا تحت أمرك ياهندسة
المهم عايزين ننظم نفسنا
ونخطط تخطيط عال العال
وندرس كل الخطوات
ونحط لنفسنا الاولويات
ونحاول نضور على البدائل والطرق اللي توصلنا لكدة
وانا تحت أمركم
ميرسي ياجميل على الجهود العظيمة اللي بتعملها

بص كبدايه كدا الفكره كانت واكله دماغى وواخده حجم كبيييييييييير

لذلك خير الكلام ما قل ودل بص على المنتدى من فوق هتلاقى جدول كدا طالع منه نصائح لتطوير الذات

وكمان ينضاف موضوع للمشروع ايدى فى ايدك واول ما نبدأ يبقى من اولى الاهداف لينا


مشكوووور على الفكره .... وان شاء الله نتواصل معا

سلام عليكم
اتاخرت عليكم معلش بحب اخد وقتي شوية في تخمير الموضوع و تحضيره
وحشتوني يا حلوين
دالوقتي في اقتراحين علشان نبدء الموضوع
اما اطرح موضوع موضوع و نبدء نحصر الاعضاء اللي بيعانوا من الموضوع ده زي السمنة المفرطة مثلا
واما مجموعة من الاعضاء تقترح موضوع

بعدين هشلحلوكم هنبدئ ازاي

كتير اوي بيكون الانسان بيعاني من شيء وقافل على نفسه و بيتالم منه بقاله سنين و بيكون عارف الحل كويس اوي بس بيكون محتاج حد معاه يتعاون معاه ده حتى ربنا قال(وتعاونوا على البر والتقوى)
يعني بدل ما هيقضي وقت مع اصحابه العاديين اللي يمكن مش مهتميين اوي بمشكلته وبمعاناته
لا هيتصاحب على ناس ليهم نفس المعاناة هيتكلموا سوا هيطبطبوا على بعض سوى هيكون كامهم في المرة او المرتين اللي هيتقابلوا فيها عن معانتهم وتجربتهم و هيخططوا سوا و هينفذا سوا ولانهم حسين ببعض اوي هيخافوا على بعض اوي

انا بحاول اوضحواوضح الفكرة اكتر وانا مؤمن بيها جدا جدا لان اساسها شرعي واسلامي اصيل
اللي دايما بيقول يا جماعة خدوا بالكم من بعض حسوا ببعض خدوا بايد بعض
ومين فينا ما بيعانيش

مستني كل اللي بيعانوا وكلنا بيعانوا يبدئوا يقترحوا معاناتهم باختصار رؤوس مواضيع و لما او لو حد حابب يستفيض في الكلام اوك بس بفضل تكون الاستفاضة مع بداية اللقاءات المنظمة سوء على المنتدى او في اي مكان في بلدنا الحلوة .

بحبكم كلم في الله

السلام عليكم ورحمة الله وبركاته
موضوع جميل جدا يا أخ شريف واتمنا اشارككم لكى استفيد من خبراتكم فى تغير حياتى الى الافضل بإذن الله ولكن عندى بعض النقاط التى أرى انه لابد من مراعته عند الاقدام على التغير وهى:-
ان نستعن بالله عند شروع التغير فهو الذى له الامر كله وان نعمل على زيادة ايمانا بالله واليقين بأن الله يساعدنا على التغير الى صالح الاعمال .
والتغير لا يمكن ان يكون إلا من داخلنا ولا بد ان يكون عن قناعة داخل انفسنا ومهما قام الاخرون بمساعدتنا فلن يحدث التغير إلا إذا رغب الانسان وبدأه وعن وضع خططة التغير يجب ان يراعى قدرات الانسان واستعداده حتى لا يحمل نفسه ما لا يطيق .
اتمنى ان تشملنا بنصائحك أخ شريف.
والله الموفق لصالح الاعمال.

شكرا اخت ماجدةعلى مرورك الكريم
واكيد هيكون منطلقنا زي ما قلت قبل كده من تعاليم الله
لان هو القيمة العليا الي اي تغيير بيكون علشانها .

موضوع جميل خالص

وجزاك الله الف خير