فكره جميله

وعايزه مرونه من كل الاطراف فى قبول التغيير للاحسن ان شاء الله

وتقبل تحياتى اخ شريف

احسن كلمة اتقالت لحد الوقتي اخ احمد الامام
"فعلا الموضوع عايز مرونة في التفكير "
وان فعلا نحاول نغير استراتيجيتنا في التغيير
طالما ان كل مرة بتحاول بنفس الطريقة و بتلاقي نفس النتيجة السلبية ليه ما تغيرش طريقة الوصول

ولا هو عند؟
ولا هو كسل؟
و لا اهي ماشية؟
انا هفضل ازن على دماغكم لحد لما الاقي تجاوب علشان انا متاكد اني في ناس نفسها تشارك بس مكسوفة

كالعادة حماس منقطع النظير في الاول و بعد كده هشششششششششششششششششششششش
منورين يا جماعة والله

ربنا يجازيك كل خير يا شريف على الفكرة الهايلة دى
وانا ان شاء الله هكون متابعاك

شكرا على التشجيع يا mema وانا الحمد لله لسه ما يأست على الرغم من مرور أكثر من شهر على المشاركة
مش عارف يمكن انا طرحت الموضوع بشكل غلط يمكن اسلوبي مكنش محفز للناس
مع اني شايف ان في ناس كتير اوي ممكن تستفيد من الفكرة
عموما لو حد عنده نصيحة ليه اكون شاكر

العفو يا thinker ربنا يجازيك كل خير
العيب مش فيك وحدك ولا فى طريقة عرضك للموضوع
العيب كمان ان مش فى حد عنده حماسة يغير من نفسه
عن نفسى .. مش بحاول قد كدة انى اتغير .. بس بتمنى بجد انى اغير

طيب يا جماعة حد يعبرني بجد انا حاسس ان جواية طاقة امل كبيرة و عايزها تتجمع مع كل واحد عنده امل
علشان نقرب اكتر من ربنا ومن النجاح ومن السعادة
ما هو لازم يكون سبب ان حد ما بيعبرنيش
اما انه شايف نفسه كامل
او شايف انه مافيش فايدة
او شايف ان مش المنتدى ده ولا الفكرة دي هي اللي هتغيره وعنده فكرة بديلة
ياريت حد يعبرني

يا عم شريف علشان تلاقى صدى للفكره والمشاركه فيها لابد من عامل التشويق وتبدأ فى طرح أفكارك والطرق اللى ممكن تكون أول خطوات التغير للإفاده مع طرح قصص حقيقيه فى التغير سواء كان تغير سلبى أو تغير ايجابى مع توضيح الاسباب والعوامل اللى ادت الى الإيجاب والسلب لكى تكون دروس مستفاده لنا ولك وعلى ما أعتقد ممكن فى الحاله دى كل واحد يشارك فى الفكره ولو بقصه من واقع الحياه تساعد على التغير
واتمنى لنا ولك التوفيق لصالح الاعمال

واللة فكرة كويسة

فكرة جميله .. تسلم ايديك شريف .. شد حيلك وكمل علي بركه الله