بجد بجد وحشتنى الكتابة جدا جدا ويااااااااااااه كانت ايام الله لا يعودها
فكرت ف يوم وموقف حصل واحنا فى حياتنا ايه زيه بس برضه اتعلمت منه كانت الدنيا زحمة اوى فى اليوم دا... لا مش فى اليوم دا وبس .. دا هى على طول زحمة .. هو اساسا المترو على طول كدا زحمة... لو الواحد بس يعرف الناس دى كلها جت منين ...وفى المترو فى سلم متحرك فى سلم يطلعك ... وسلم ينزلك
وانا واقف فى السلم اللى بينزل الناس لاقيت راجل عجوز قوى و بيقول للناس انا عاوز اطلع و هطع يعنى هطع..
و الناس ترد عليه:يا عم الحاج السلم دا عشان الناس تنزل من عليه بس مش عشان تطلع من عليه امشى شوية كدا وهتلاقى السلم اللى هيطلعك
وعم الحاج مش راضى يقتنع بان دى السلم دا هو اللى بينزل مقتنع انه بينزل وبيطلع فى نفس الوقت.. طبعا اخر ما الناس زهقت سابوه وقفت اتفرج على الحاج اللى عاوز يطلع على السلم اللى بينزل
بقى كل ما يطلع شوية السلم ينزله وهو مستغرب !
فضل كذا مرة يطلع ويحاول انه يوصل بس كانت السلم بينزله وهو مستعجب قوى
لحد ما حس انه تعب بقى باصص للارض كانه جاب اخره وحس انه ممكن تكون الناس صح
ساب السلم وراح سال الناس على السلم اللى بيطلع... وراح طلع ومشى لحاله
ساعات الواحد بيكون زى الحاج دا .. فاكر ان اللى فى دماغه بس هو اللى صح وان اللى فى دماغ الناس التانية غلط..
مع انه مش بالضرورة يكون فى حد فيهم غلط وبرضوا مش بالضرورة يكون فى حد فيهم صح.. و ممكن يكون فى واحد صح وواحد غلط..بس يا ترى الواحد يعرف هو صح ولا غلط ازاى؟؟ ما هو ربنا وزع الارزاق كل واحد بص لرزق اللى جنبه لكن لما سبحانه و تعالى وزع العقول
..كل واحد عجبه عقله!
بس تفتكروا عقولنا هتودينا لفييييييييييييييين
كانوا شوية كلام بس واقفين ف زورى قولت اخرجهم تفتكروا حد هيستفاد منهم ؟؟؟؟؟؟؟؟؟؟؟؟؟
كل واحد فاكر ان اللى فى دماغه بس هو اللى صح وان اللى فى دماغ الناس التانية غلط.. يبقى انت اكيد اكيد فى مصر يبقى انت اكييييييييييييييييييييييييييييييييييييد فى مصر احنا ماشيين ازاى ماشيييييييييييييين بالعكس خالف تعرف ياويلكم بااااااااااااااااااااااااااااااااااااك يامحمد
احنا ماشيين ازاى
رد: احنا ماشيين ازاى
العرض العادي
