مكانك المفضل فى المنصورة - الصفحة 3

العمر لحظة · 03-14-2010, 11:36 PM

انا اكتر مكان بحبة وارتاح فية المشاية على وجة النيل ساعة غروب الشمس اما بضايق او اتخنق من حاجة دايما بروح هناك

gouda · 03-15-2010, 11:40 AM

المشاية / السلامليك/ الحرافيش فى الجلاء / باى لك فى محمد فتحى/ واكسبرسو الجامعة/ البارون الجامعة

smartman · 03-15-2010, 03:41 PM

بسم الله الرحمن الرحيم
تسمحولي أشارك معكم في التصويت ده
أنا بالنسبة لي بحب كل حتة في المنصورة بس ماتكونش زحمة حلاوة المنصورة الصبح بالذات
يا سلام لما تمشي في ساعة الشروق وعلى طول الكورنيش لحد كوبري طلخا
فكرني بكوبري قصر النيل في القاهرة بس طبعا في اختلاف كبير.
وفي أماكن ماتحلاش إلا لما تكون فيها زحمة زي الشارع اللي ساكن شارع جيهان وخصوصا من عند مطعم البغل كدة.
ثانكس ياجماعة.

SLAMONY · 03-15-2010, 07:13 PM

اى مكان على النيل فى المنصوره يبقى جامد
من اول مكتبه مبارك لغايه اول ميت خميس

MEsO · 03-16-2010, 09:28 PM

السلام عليكم ورحمة الله وبركاتوة

اولا انا من المنصورة وفرحت جد والله لما لاقبت موقع لى بلدى ...بشكر ادراة الموقع على المجهود العظيم ال بيعملوة من اجل المنتدى والمنصورة ...

فى بداية كلام احب اقول ان المنصورة هى عاصمة الشرق بالنسبة لى مصر كولها ودى حقيقة لازم نعرفها كولنا ...
فخور انها بلدى وفخور باهلها .... ناس كتير بيحسدونا على بلدنا جوة مصر او بارة ..
كامدنية بتصنف احسن مدن مصر وكاجمعة احسن 500 جامعة على مستوى العالم وكا شباب اوثقافة ولبس وشكل احسن شباب فى مصر كولها ..
فى تفوق كبير لينا فى كل المجالات على مستوى مصر كولها من شخصيات سياسة وعلماء وشيوخ ومدى تأثيرهم على الحياة فى مصر ...

طولت عليكم لاكن كلام كان لابد اطلعوة واساهم بشكل ولو بسيط فى اظهر حبى لى بلدى ....

بالنسة لى المكان ال بحب اعود فية ..انا خريج اكادمية الدلتا ...
ودايما كنت بحب اعود جوة الاكادمية بس خلاص بقى اتخرجت وبصراحة بقى مشوار انى اروح كل يوم هههههههه مواصلات بقى وحر وكدة...
نادى الحوار كويس والاعدة على الجامعة وخصوصا جواها بس مش يكون فى حر

بتمنى انى اساهم فى دور فعال داخل المنتدى
وشكرا

princess's love · 03-19-2010, 08:50 PM

توبك حلو كتييييييييير

بالنسبة للاماكن

هـي مش كتير

بس الجامد او اللي بروحه كتير

كوك دور طبعاااااااااااااااااااا

بعد كده التمشيه علي المشايه من بعد كوبري طلخا للمحافظه

والسلاملك بيجنن

عبدالله ون · 03-22-2010, 08:13 PM

شكرا علي الموضوع الجميل
بالنسبه للأماكن القريبه لقلبي وليا فيها ذكريات جميله جدااااااااااا
هي المشايه من أول الحزب الوطني الي جرين لاند
وشكرا لكم علي الموضوع الأكثر من رائع .

kapakakika · 03-25-2010, 05:46 AM

انا بحب الجامعة موت مع اني مبذكرشي
وبحب المشاية موت اخر حاجة
وبحب كوك دور في زكريات حلوة
ومؤمن

فيروز · 03-25-2010, 05:58 AM

بحب اوى استاد المنصورة ونادى الشرطة

khaleek fakerny · 03-25-2010, 06:08 AM

المنصورة كلها جميلة
بس بتبقى احلى بالليل وخصوصا المشاية والبارون ومرة واحدة رحت القرية الاوليمبية بالليل يالله تووووحفه
هادية جدا لولا انى كنت مع اصحابى كان زمانى اخترتها مكان للcouples
واحلى مكان عندى كوك دوور يوم ماكسبنا الجزائر طبعا هفضل اعتز بالمكان ده مهما لف بيا الزمن ودار

بس اتمنى مكان واحد بس فالمنصورة يكون خالى من العربيات ويكون بس for walking

اشكرك على موضوعك الجميل ده