انا بموت فى المنصورة وكل مكان فى المنصورة وكان نفسى دراستى تبقى فى المنصورة عشان انا بحبها جدا وبفتقدها لما بكون فى القاهرة وبكون كلى شوق وانا رايحلها كانى رايح رحلة انا اصلى من دمياط بس بموت فى المنصورة تقدر تقول اكتر من دمياط
انا بعشق منطقة الجامعة والمشاية والجلاء بالاخص بالليل المنصورة من اجمل البلاد اللى موجوة فى مصر كلها وطبعا بنات المنصورة زى مبشوف من اجمل بنات مصر وشياكة بنات المنصورة يهبلوا
الموضوع ده جميل جدا و شدني ... يا جماعة انا ليا ذكريات جميييييييلة فى المنصورة ... انا فاكرة طبعاً ذكريات الجامعة و معكسات الشباب الراقية من الكلية للبنات .. بحس ان الشارع كان واسع و كبير و نظييييييف و الناس طييبين .. احلى تمشية من الجامعة للبيت فى شارع جيهان و اول مكان لو تفتكروه هو علاء الدين ... فكرييييينوه
بصراحة يا جماعة انا بحب اتمشى فى المنصورة فى حدود الساعة 2 او 3 بعد نص الليل بصراحة بيكون الجو تحفة مفيش اى زحمة وغير كدا بتعرف تشوف وتتأمل فى جمال المعمار و التصاميم الهندسية اللى موجودة سواء التصاميم القديمة الاثارية او الحديثة
وكمان باخد المنصورة فى الواقت دا كعب داير بصراحة من اول الاستاد لغاية لما اوصل للمحافظة ومن هناك امشى على الكورنيش ولغاية لما اوصل لأخر المشاية
احلى مكان فى المشاية بصراحة فى مرساة للمراكب اللى فى النيل لونها احمر كدا وكمان دخلة جوه النيل لما بقعد فى اخرها وتبص فى النيل والسما من فوقك بصراحة بكون فى افضل احساس ليا فى حياتى
وكمان المكان دى اكتر مكان اخدت فيه قرارات مصيرية فى حياتى وحتى لما بكون مخنوق مش بلاقى مكان اروح اقد فيه غيرو بحس انى براحتى
وبعد لما اقعد واخلص القاعدة اقوم ماشى من الجامعة من فوق وادخل فى الجلاء وافضل ماشى لغاية لما اوصل لمحاطة القطر وامشى فى النفق اللى هناك وافضل اعمل اصوات غريبة
وبعدين اقوم مروح فأصحى تانى يوم الاقى عندى برد بس مش مشكلة اهم حاجة ان اتشال عنى هموم كتييييييير اوى فى اليوم دا
انما المكان اللى تلاقينى مأنتخ فيه نايم فيه السلاملك ناس محترمة جدا جدا وحتة ياراجل بيجيبو الكابتشينو لغاية عندى الواقت اللى بحب اروح فيه بقى بيكون قبل المغرب بالظبط بيكون واقت روعة وانت باصص كدا على النيل و الشمس بتغرب كدا (( اوعى حد يفتكر انى بروح مع حد انا بقضيها لواحدى مش بحب حد يتمشى معايا يفضل يتكلم كتير فى اوقات معينة يعنى ))
احلى حاجة تقضى يوم لواحدك ولا حد يضقك ولا يفضل يرغى فى ودانك لغاية لما تعرض تلاتة متر قدام خليك كدا فرى وتأمل فى كل حاجة حواليك زى ما انت عاوز وفكر براحتك
بس الايام دى بصراحة مفيش حاجة من دى بتحصل علشان الجامعة بتاعتى فى طنطا و الواحد بيجى قرفان
رد: مكانك المفضل فى المنصورة
رد: مكانك المفضل فى المنصورة
رد: مكانك المفضل فى المنصورة
بس مش مشكلة اهم حاجة ان اتشال عنى هموم كتييييييير اوى فى اليوم دا
انا بقضيها لواحدى مش بحب حد يتمشى معايا يفضل يتكلم كتير فى اوقات معينة يعنى )) 
خليك كدا فرى وتأمل فى كل حاجة حواليك زى ما انت عاوز وفكر براحتك
العرض العادي
