يا ست سارة نورتى الموضوع وخليكى فاكرة انتى اللى طلبتى من نسمة استحملى بقى

بس صح المفروض اللى يكتب ليكى اللى انتى عايزاه هو عم مصطفى حقنة
بعدين تروحى تجيبيها من نسمة ولا ينفع يعنى تقولى انا عايزة اسمه ايه دا كدا وخلاص اكيد هو يعرف عنك

هههه والله ياساره انتى ظلمتى الراجل
لان النظريه مش نظريه انه خبره بس اللى قاعد فى صيدليه دا فعلا بيكون طافح الدوا يعنى اعد شفت حوالى 8 ساعات وسط ادويه كل يوم وتلات اربع البشر بيخشوا يقولوا النطق غلط وهو لازم يفسر او تجيليه روشته هيروغليفى او حد يخش يوصفله حبايه نصها اصفر ونصها ابيض طب بكام ياحج مش فاكر طيب لايه ياحج للبرد وفى الاخر تطلع بتاعه حموضه ولا يبقى اعد فى امان الله يخش عليه واحد من بتوع الجدول او البرونكوفين ويثبته بمطواه ولا ميه نار ولا يجليه واحد بفلوس مزوره وعايز يلزقهاله ويستعماه وطبعا بيجيلوه اوتو سى بالهبل ولازم يبقى مركز عشان مايوديش حد فى داهيه وفوق كده كمان تلاقى الناس كلها داخله وقت واحد وكله بيزعق وعايز يمشى ويجى يدى بديل بنفس الماده الفعاله تلاقى الدكتور باعت المريض بالدوا تانى يشتمه عشان متفق مع شركه فلان اللى بتطلع الدوا الفلانى مع ان هى نفس الماده الفعاله بنفس التركيز بس هو غبا بقى وغيره وممكن يكون اعد فى امان الله تلاقى حد دخل مات قدامك وتقومى تجرى تلحقى وتحاولى تفوقى وتدى دوا يشيل الهبوط على ماتوديه مستشفى يركب محاليل
ياساره الصيدليه اه فيها مستلزمات بس صدقينى الصيدلى مش معنى انه ماكنش فايق للهاند بلاستر بتاعك يبقى مابيفهمش وبعدين ياستى كنتى قوليله عايزه بلاستر لايدى وخلاص ماحبكتش انجليزى دلوقتى

ايوة كدا ي ايمى اديلها خليها تفوق عمالة تعيب ف الناس وخلاص مقولتلها تروح لعم مصطفى حقنة من الاول كان كتبهولها على ورقة نتيجة من على الحيطة اللى راكن عليها وخلص الموضوع

بس واضح ي ايمى انك اصلا مش قرأتى الموضوع الاساسى على فكرة وهزعل لو دا بجد

لا والله يامحمد قريته بس فعلا انا استفزنى كلام ساره اكتر للرد لان اللى ايده فى الميه مش زى اللى ايده فى النار

يا ايمى والله انتى نورتى الموضوع بمرورك بس ودا يسعدنى حتى لو مش هتنولينا شرف الرد على موضوعى

جميل بس متتحاملوش على ساره قوي كده البنت بتتكلم بثقافتها هتعمل ايه يعنى ؟؟ خلوها تنطلق وتعيش الخيال ....
حلوه الحمله يا محمد وبما انك وسمارت والدكاتره الى هنا هتتبنو الحمله الطبيه فانا عاوزه موضوع عن الاضرار للاستحمام في الترع من امراض بلهاريسيا واوبئه تانى لاني بلاحظ مع كل التوعيه الى احنا فيها الا ان في ناس لسه بتعمل الموضوع ده وخصوصا في القرى ... وشايفه ان المرض ده بدأ يظهر تانى ... ممكن مش بس يكون من الاستحمام ممكن يكون من الميا الجميله الى بنشربها وبتوصلنا في الحنفيات ... والله اعلم ايه تانى ... فياريت تعملوها عشان الكل يستفيد .. ومرسي يا جميل