فكرة مشروع مطروحه للنقاش الجاد ,,, ( ايدى فى ايدك )
فى البداية المشروع كان حلم من أحلامى وكان بجد نفسى أحققه على النت .. والحمد لله من حوالى سنتين قمت بطرح المشروع أو الفكرهـ فى إحد المنتديات والفضل لله لقيت إقبال كبير وكويس فى بدايتها وقدرنا نجمع أكتر من 1000 شخص ,,, بس لظروف خاصه وكمان دخولى الجيش وعدم المتابعة قل النشاط والمجهود عند ناس كتير وفقدنا المنتدى لسبب خارج عن ارداتى ,,,
المشروع ببساطه شديدة جداً ,, قائم على الشباب يعنى كله احنا كلنا مع بعض نقدر نعمل حاجه مفيده ( بمثابة جمعية تشمل أكثر من نشاط ) توضيح أكثر :::
الفكرة كلها قايمة على تنمية روح الشباب وعمل الخير .... هنقوم بعمل أكثر من نشاط وكل حد شايف نشاط يقدر يساهم فيه أكتر يهتم بيه ولا يترك باقى النشاطات ( تعاون وإتحاد ) ...
- إحنا كشباب بنقعد على النت لفترات طويلة فينا اللى بيستفاد وفينا اللى مقضيها فمن هنا ممكن نساهم بحاجات كتير جدا فى المجتمع ككل .
تعليماً : هنقوم بتجميع أكتر عدد من الشباب يقدر يقدم حاجه فى مجال التعليم ( دورات تأهيل - دورات فى مجالات متخصصه - أبحاث إجتماعية ... إلخ )
دينياً : نساعد على نشر الدين بمفهومة الصحيح - نشر الجوانب المتعلقة بمشاكل الشباب والمجتمع ورأى الدين فيها .
إجتماعياً : نحاول بالمساعدة قدر الإمكان فى كل حاجه - إجاد فرص عمل - طرح أكثر مشاكل المجتمع ومحاولة إيجاد حلول ليها من خلال وجهات نظرنا كشباب - مساهمات مننا كشباب ودورنا فى المجتمع ( كجمع تبرعات لدور الأيتام - أطفال الشوارع ... الحالات الخاصه :: أمنية ياريت تتحقق :: محاولة الإصلاح فى المجتمع حتى ولو بمشاركة الآراء والعمل على كيفية تحقيق الأهداف - تنمية النشاطات الإجتماعية .
ثقافياً : طرح مواضيع هادفة لتنمية الثقافة لدينا ومن المهم إنها تكون أقرب للواقع - التشجيع على معرفة ما يدور حولنا فى شتى المجالات .
بدايتنا هتكون من الإنترنت .....
المهم الهدف الرئيسى إن كل واحد هيقدر يقدم خدمة أو مساهمة نقدر نخدم بيها نفسنا مش هقول المجتمع ( من منطلق إبدأ بنفسك أولاً )
الفكرة كلها فى بالى إننا نكون مجموعة من الشباب بنعمل حاجه مفيدة ونقدر مع الوقت نطور فيها فى كل المجالات نتناقش فى كل الأمور - نقدم مساعدات للغير - ننمى نفسنا بنفسنا .
وفى المجالات الأكثر إنتشاراً فى هذه الإيام ( تكنولوجيا المعلومات ) .
هنحاول إننا نعمل حاجه بالفلاحى كدا محدش عملها قبل كدا ( وإن شاء الله دا من خلال كام مشروع فى دماغى هطرحهم بعد كدا - وهيكون فيها أكثر فرص العمل للشباب فى مجال التكنولوجيا - محاولةلإيجاد حلول مشاكل البطاله ).
الكلام اللى أنا قلته فوق دا كله أعتقد إن كتير مش هيفهموا اللى انا أقصده بس أعذرونى عدى سنتين وكنت كاتب الموضوع بكل جوانبة وى ما كنت بحلم بيه بس الديش بقى ,,,, دى حتة رخامه كدا على فكرهـ فى وسط الرغى دا كله
ملحوظة :: الحلم بقى يكتمل فى تحقيق هذه الملحوظة ::
الفكرة كمان ممكن تبقى واقع ونتتقل من بدايتنا على النت إلى الواقع بمعنى إن لو الفكرة تجاوبت معانا يبقى لينا مكان نقدر نباشر فيه المشروع ومن خلاله نقدم الخدمات كلها بشكل ملموس أكثر فى المجتمع .. هتتحقق ممكن فى طبعاً ناس هتقول احلم احلم الاحلام ببلاش
مش بفلوس بس انا جوايا ممكن
---------------------------------------------------------------------
شرح عام للأهداف :
هنكون مجموعات كل مجموعة تبقى متخصصه فى حاجه ( مجموعة طبية - مجموعة دينية - مجموعة ثقافية - مجموعة علمية - مجموعة إعلامية - مجموعة رياضية - مجموعة التنمية البشرية - فريق المتابعة والمواقف التنفيذية - فريق التكنولوجيا والتطوير - الصندوق والإحتياجات )
الموضوع هيبقى مكمل لموقعنا مدينة المنصورة - ومنه نبتدى بشباب المنصورة وممكن زيادة الإنتشار مش شرط المنصورة كل المحافظات تشارك معانا ويبقى لينا فى كل حتة وحلمى كان إنى أوصل الفكره للشباب ككل فى الوطن العربى ....
الموضوع لو تم الموافقة عليه هفتح قسم خاص هنا فى المنتدى وهيبقى اسمه مشروع إيدى فى ايدك ... وهطرح الأقسام اللى هتبقى فيه للنقاش ...
عاوز أطرح بعض الأهداف اللى كنت كاتبها فى المشروع ---- بس هستنى آراءكم وأشوف المشروع أو الفكره مقبولة ولا مرفوضة ....
طبعاً أنا رغيت كتير بس الفكرة قامت فى دماغى تانى فى وقت حسيت فيه إننا هنا نقدر نحققها .......
طبعاً فى ناس مش هتقرأ الموضوع اساسا وفى ناس هتقول بيحلم .. بس انا متقبل كل شئ
إجتماعياً : نحاول بالمساعدة قدر الإمكان فى كل حاجه - إجاد فرص عمل - طرح أكثر مشاكل المجتمع ومحاولة إيجاد حلول ليها من خلال وجهات نظرنا كشباب - مساهمات مننا كشباب ودورنا فى المجتمع ( كجمع تبرعات لدور الأيتام - أطفال الشوارع ... الحالات الخاصه :: أمنية ياريت تتحقق :: محاولة الإصلاح فى المجتمع حتى ولو بمشاركة الآراء والعمل على كيفية تحقيق الأهداف - تنمية النشاطات الإجتماعية .
أكيد طبعا أنا معاك المشروع جميل جداااا وياريت فعلا لو يكون فى أرض الواقع مش فى النت بس وبجد بحييك عليه جدااا عجبنى أوى موضوع التبرعات لدور الأيتام وأطفال الشوارع بجد لو المشروع نجح زى ما بتقول هنعمل فرق كبير أو على الأقل هنكون حاولنا وبطلنا السلبيه اللى أحنا فيها,,
توكل على الله وأبدأ المشروع وأفتح القسم وأنا معاك وأعتقد كل الأعضاء هيقولوا كده,,
اشكرك يا عاشق على الفكرة الجميلة دى وانا كمان معاكم طبعاااااااااا فى كل حاجة مفيدة وتفيد كل الناس ونفسى تكون فى الواقع اكتر ما هى على النت وكويس برضه انها هتشغل وقت كبير من اى حد بيعد على النت بالتوفيق يا عاشق
مشروع إيدى فى إيدك
رد: مشروع إيدى فى إيدك
العرض العادي
