السلام عليكم ورحمه الله وبركاته
اسمحولى ااقول رايى فى هذا الموضوع عن تجربه مش من فراغ
يعنى ايه زواج اصلا
اتنين تحت سقف واحد بيجمعهم الحب والموده والرحمه ودا الى بيقوله المازون عند كتب الكتاب
لكن فى ظروف بتحصل وفى جوازات بتتم من غير حب اتنين بيعيشو تحت صقف واحد اما من اجل الاولاد او كلام الناس او الزوجه ملهاش مكان وخايفه من الحجصول على لقب المطلقه يبقى بتعيش وتدفن قلبها وتقول عيشه وبس وبيكون النتيجه لو مكنتش بتخاف ربنا انها بتحب غير زوجها وبتتمنى الحب من انسان تانى بتتمنى تعيشه لانها اتحرمت منه وكزلك الزوج نفس الحاله
ايه معنى الحياه من غير حب للاسف مفيش اى راحه نفسيه مفيش فى رجوع للزكرى حلوه لكلمه حلوه اتقالت للحظه حلوة لو يوم داقت الحياه عليهم من المشاكل يفتكرو الحب الى اتولد بينهم وجمعهم مع بعض
الحب هو اساس الحياه هو ما يجعل الرجل ناجح ويسعى للحياه بصدر رحب لانه بيرجع لبيته يلاقى الملكه الى حبها وحبته وهيا كمان الحب بيدفعها تضحى علشانه وتعيش مهما كانت الظروف
الحياه بدون الحب هى سجن بلا قضبان
واتمنى ان اكون اوصلت ولو جزء من وجهه نظرى
وشكرا لكم جميعا وكل عام وانتم بخير ورمضان كريم عليكم

اختكم حنين الحب

السلام عليكم ورحمه الله وبركاته

الاستاذه / حنين الحب30

أنا بقدم سؤال واحد ايه هو

تعالى نجيب اتنين اتجوزوا وإطلقوا وتعالوا نسألهم بصدق انتم عاوزين ترجعوا لبعض ولا لاء

خليهم يفتكروا أى موقف عاشوة مع بعض وهم هيقدروا يقولوا هم عاوزين بعض ولا لاء هما ساعتها هيعرفوا انهم حبم بعض كويس
دول حاله ناس عاوزة تعيش

إنما ممكن تيجى واحدة كانت بتحب واحد قبل الجواز ومحصلش نصيب وهى شايفة انها لو مش هتعيش مع ده مش هتعيش مع غيرة واتجوزت واحد تانى دى ممكن متعرفش تعيش مع جوزها لسبب ايه هو انها لم تعطى زوجا ما يريدة أو أن تعطى لزوجها فرصه أن يحبها أو أن تحبه هى

كتير من الناس بيتجوزوا وبيكون أول مرة يشوفوا بعض بس بيرتاحوا لبعض من أول لقاء يعنى غير مشروط الحب بالسنين وفى ايامنا تلك لا أحبز الحب قبل الزواج لانه فى مجتمع منحل مثل الذى نحياه يكون الشكل غير كدة خالص غير الحب مجرد قالوا لبعض بحبك إتفتح الباب على مصراعيه وتقول أصل أنا كنت بحبه ووثقت فيه مش هى دى الحقيقة للحب الان

دعنا نكون واقعيين
أسف للاطاله
محامى الغلابه
مشرف القسم القانونى

موضوع جميل جدا بس من غير ما اطول عليكى سواء كان زواج بحب او من غير انا اامن بالنصيب يعنى الى نصيبى فية فى جوازى هشوفة ممكن اجوز واحد معرفوش بس احبة وابقى سعيدة قوى وممكن العكس وممكن اجوز من روحى وحبيبى بس حاجة تحصل وتعكنن علينا حياتنا وبرضة العكس فالموضوع دوت نصيب من الاخر انا اريد وانت تريد والله يفعل ما يريد

مشكوره زهرة على الموضوع وانا شايفه ان الزواج اساسه وجود الارتياح او الراحة النفسيه مش معقول اتنين مش طايقن بعض او مش بيرتاحوا لبعض هيتجوزو وجوازهم هيستمر دى صعبة اوى لكن لو مرتاحين لبعض مش شرط بيحبوا بعض حب عميق مجرد القبول والتكافؤ بانواعه هيكون مؤشر كويس لنجاح زواجهم وبعدين فيه فترة خطوبة بتحدد حاجات كتيره لكن لو البنت بتحب شخص اخر او الرجل بيحب اخرى هيكون صعب يكملوا مع بعض وكلمة زواج مش سهله دى حياة العمر كله فلازم نحسن الاختيار اولا

يعيش مش شرط حب قبل الجواز

ممكن الحب يجى بعد الجواز

بس دا كان زمان من تقاليد وعادات الناس هنا

لآن بقول أن أحنا مجتمع شرقى

وبعدين سورى فى مقولة أجنبية بتقولى ان الجنس ممكن يصنع الحب

يعنى مش شرط أحب واحد الآول علشان أتجوزو ممكن أحب الشخص دا فى فترة الخطوبة مثلا

والله يعلم ما تخفى الصدور
وشكرا لطرح الموضوع