بصراحة يا ناس انا عجبنى عم الحاج سمارت مان دا بصراحة كلامة زى الفل يعنى وداخل دماغى
بس بختلف فى حاجة بسيطة جدا انا كنت زى ما حضرتك بتقول كدا بالظبط لا بحب اقرب نفسى من الحب وبوفر مشاعرى للانسانة اللى فى الغيب لا يعلمها الا الله لأن كل واحد اول لما بيحب كل تفكيرو هى دى مراتى وهو لا يعلم ما يحدث فى المستقبل ودا انا برفضوا اساسا
انما اللى انا فيه دلواقتى حالا بصراحة حالة حب مستخبيه او ومستغطية نايمة كمان ولا حد يعرف عنها حاجة خالص وبتيتن (( ملاحظة : يرجى ضم النون و فتح التاء و كسر الياء ))
انا ابتديت بمعرفة اخلقها فأعجبت بالاخلاق ثم تفكيرها فأنبهرت به ثم با مانها فرسخ فى قلبى الطمأنينه ثم نظرت فى طموحتها انسانة لديها هدف وتسعى جاهدة لتحقيقه ........ هى دى المواصفات اللى انا كنت رسمها فى بالى للانسانة اللى انا عاوز ارتبط بيها ...... فجأة وبدون اى داعى ومن غير اى حاجة كدا صحيت من النوم بعد سنتين لقيت نفسى حلمت بيها واسمها ديما بيتكرر كتير على لسانى من غير اى داعى ولكن لسانى عمرو ما كرر اسمها قدام الناس بيخاف عليها
قولت لا ياعم انا كدا هندلق و هطب زى الجردل وانا مش عاوز انى احب قبل ما اتأكد انى اساسا جاهز من كل حاجة وانى اقدر افتح بيت وانى اقدر اوفر البمبرز للاطفال 
دى شئ اساسى
بقالى كتير مقولتش ليها اى حاجة وبعبرت ليها بأى كلمة ...... ولكن معرفش ممكن لما بشوفها بحس ان قلبى بيكلمها مشاعرى بحس انها فضحانى وان كنت مبتكلمش بس بحس كدا
عندى فى البيت حسو دا من غير اى كلمة وانا ديما بنكر حاجة زى دى علشان بصراحة انا لا اضمن مجرى الحياة والله مسير الظروف ازاى مثلا معرفش هل انا هقدر وانا عندى 24 سنة هيكون معايا الشغل و الفلوس اللى اقدر اتجوز بيها حلوة 24 سنة دى اصلى بفضل الجواز بدرى بدرى بصراحة
انا بقى معرفش ربنا مرتب ليا ايه ومين هى الانسانة اللى بجد هتبقى مراتى دا حتى بنشوف ناس بيكونو مخطوبين وبيفشكلو الموضوع وناس بيكتبو الكتاب و تانى يوم بيفشكلو وناس بيكونو فى الزفة وبيتفشكل كل حاجة
فأنا خايف ميكونش فى نصيب ولما اتجوز حد تانى يجى اى حد يفضل يتكلم من ورايا ويقول دا كان بيحب كذا ومش عارف ايه هيبقى دا ملازمنى وهيسبب جرح للانسانة اللى هتجوزها وانا محبش انها تحس بالجرح مش تتجرح حتى
المهم بفضل اخبى واتحجج بحجات كتير وازاى انى احبها وانا بعتبرها زى اختى وحجات من دى
بس بحس انها عارفة او حاسة باللى جوايا بس بردو مش عاوزة تتسرع يعنى زى ما تقولو كدا المبداء اللى عندى عندها بردو وخايفة من المستقبل
وعلى قدر انى نفسى اقولها صراحة وفى وشها وقدام الناس كلها على مشاعرى
بقدر انى عارف ومتأكد ان كدا افضل ومش هحس لحظة الشوق و اللهفة دى ليها لو قولتلها وصرحت للناس لأن الانسان عنده غريزة حب التملك ولما بيمتلك شئ ما بيعرف يشوفو وبيهمله حتى وان كان الحب
أنا بحب اللهفة ولحظة الالم اللى بحسها لما مش بشوفها او اكلمها وعلى فكرة احنا بنشوف بعض صدفة وبنكلم بعض بردو صدفة بس بيكون افضل احساس وعارف انه هيكون عادى لو انا بشوفها كل يوم وبكلمها كل شوية وبنرغى كتير وكدا مش هحس الاحساس دا
على فكرة انتو اول ناس اقولهم حاجة زى دى علشان فعلا انتو اهلى بس الفرق ان انتو مش تعرفونى ولا تعرفو شكلى ولا شفتونى ودا شئ يمكن زى ما تقولو كدا مخلينى مش قلقان وانا بصرح بمشاعرى عن اعز شئ عندى وعن الانسانة اللى ما دعيت فى صلاتى لحد اكمل حياتى معاه الا هى هى الانسانة الوحيدة اللى دعيت ربنا ليها ويحفظها ويحميها
اتمنى من الله انه يجى اليوم اللى اروح اتقدم ليها وساعتها هقولها كل حاجة من طق طق ...... مفيش سلامو عليكو علشان هنفضل مع بعض الا لو حد قدر الله ان يتوفاه برحمته
صدعتكو كتير انا بحكايتى ولكن انا حاسس ان دا هو الحب فقولت اديه كمثال
اتكلم بقى عن موضوع الحب اليومين دول والرغى فى التليفون
هسئل الناس اللى موجودة فى حد الايام دى لما بيحب حد سواء بنت او ولد بيشغلو دماغهم هنعمل ايه علشان نقدر نكون مع بعض
هى عمرها سئلته انت هتشتغل ولا لأأ بتجتهد علشان تنجح فى حياتك علشان تقدر تتقدم
وهو عمرو قالها مهما حصل من صعوبة هتستحملينى
دا مش بيحصل ونادر جدا واغلب اللى بيتكلمو فى دا هم اللى بيكملو مع بعض
انما اغلب اللى بيحصل دلواقتى كل واحد وواحدة تلاقيه بيحب واحدة وبعديها بكام يوم او شهر او سنة راشق مع بنت تانية وهى بردو
وتلاقى البنت او الولد اللى يفترق عن واحدة يومين بالظبط فى واحدة جديدة اصل الموضوع دا عامل زى المخدرات
ادمان وتعب وقلق ومرض نفسى واحساس بالنقص بيحاول الانسان انه يدور على حد يسئل عليه واو يحس ان ليه هدف او عايش علشان حاجة و المشكلة انه ناسى دراسته ومش عاريش علشانها و منفض لاهلو ومش عايش علشانهم منفض فى كل دا علشان هو انسان ميقدرش يتحمل المسئوليه بجد كل اللى يقدر عليه انه يحس بالمسئولية بدون تحمل عبئها وهو دا حب اليومين دول
والله انا من كام يوم كدا كان فى واحد صاحبى بيقولى انا مسافر القاهرة للبنت اللى بحبها وحجات من دى
ومرة واحدة لقيتو تانى يوم بيقولى احنا اتفصلنا عن بعض بعديها بكام يوم لقيته بيقولى دا هيه حبت واحد تانى لما سبتها قولتلو يابنى هى لحقت دا انت لسه سيبها من يومين هو قام رادد عليا وقالى ما انا دلواقتى بحب واحدة تانية عادى يعنى فى ايه
طبعا دى اللى بيحصل وعادى
عارفين المشكلة فى ايه
المشكلة فى كلمة عادى اللى بندخلها فى كل حاجة بنشوف شباب مسقط البنطالون عادى
ونشوف بنات لبسة من غير هدوم عادى ....... ونشوف شباب بيشرب سجاير ومخدرات عادى
ونشوف بنات بتقعد على القهاوى عادى ...... ونشوف شباب منفض للدنيا وياعم فكك عادى
وبنات عمله وشها زى البلياتشو عادى ....... ونشوف شباب بيشتم وياعم فكك كله كدا عادى
عرفتو المشكلة ايه اننا بقينا عادى
وعادى بقى احنا هنشغل دمغنا ليه وما نكبرها بقى ونعيش اللحظة
هى دى حياة الشباب
عرفتو المشكلة فى ايه
وكما قال الشاعر : يـــــــاااااااااااااااااااااااااااااااااااااااه ..... معلش اصله ناسى ..... اصلها بقت عادى
الرومــــــ نى ــــــــا & ازهـــــــ ى ــــــــر
رد: احبها صح -- بس اتزوجها (انا اهبل )؟
رد: احبها صح -- بس اتزوجها (انا اهبل )؟
العرض العادي
