هل حقا نحن جيل فاشل؟

بسم الله الرحمن الرحيم
اللهم صل على محمد وعلى آله وصحبه أجمعين

موضوع يستحق الكلام فيه بصراحة انا فتحته علشان بسمعه كتير وبشوفه كتير في ايامنا دي وانتو كمان بتسمعوه اكيد .


كتير نسمع الايام الناس بتقول عننا وعنكم (سامحوني دا مش كلامي) بيقولو شبابنا مفيش فيه خير والزمن اتغير وايام زمان عمرها ما ترجع كل شيء بقى مالوش طعم الكلام دا كله بيتقال في قعدات الناس الكبيرة طبعا اهالينا وكده يعني بيقولو علينا

1- جيل لا يصلح لتحمل المسئولية
2-جيل متكل على الغير
3-شباب تافه وفاضي ومالوش قيمة
4- عيال خايبة وربنا بس يعديها على خير
5- شباب سيس يا مان
6- شباب بوليكه و شربت حجرين وهوبا وهما بيجو منين
7-بنات عديمة المسئولية
8- بنات مدلعة متقدرش تشيل مسئولية بيت
10 بنات محمول ورنات وكرتون وموضة وتسريحات شعر
11 بنات وشباب شكل من غير مضمون
12-جيل مستهتر وفلها وربك يحلها
13-جيل يخاف ما يختشيش
14- جيل وشه مكشوف وقالع برقع الحياء

هل نظرتهم دي صحيحة او خاطئة ام جائزة وهل هم دايما عندهم حق في اللي بيقوله دا علينا هل فعلا جيلنا كله بقى كده بالصورة دي ادام الكل بره وجوه.

الخط الفاصل
السؤال بيطرح نفسه هل فعلا احنا جيل فاشل للدرجة دي؟