هل يدوم حب النت بين الشاب والفتاة ؟ - الصفحة 2

SAM · 03-30-2010, 01:13 AM

السلام عليكم ورحمة الله وبركاته ,

الموضوع مهم لنقاش بالفعل ..

الحب كما ذكر الاخوة احساس .. نعم هو احساس ولكن ,
من الممكن ان تكون الفتاه فى حالة نفسيه باحثه عن الحب .. وتسقط امام اول كلمة حب يهمسها فى انها شخص اخر .

وهنا يكون الامر راجع للفتاه .. عليها ان تمتلك اعصابها قدر ما تسطتيع .. وتحاول الالتزام بتعاليم الدين الى اكبر قدر ممكن .. حتى تتاكد من كلام الشخص الذى تحاوره .

ولا استطيع اخفاء نجاح الكثير من قصص الحب على الانترنت ..

واكاد اجزم ان بعضها ينجح بدرجة 100 % .

ولكن يرجع الامر الى عدة امور .. منها السيطره على النفس والتاكد من الطرفين .

والله اعلم

yasmina · 03-30-2010, 01:29 AM

انا اسفه سام بس انا مختلفه معاك انت ليه حطيت المسئوليه على البنت بس وانها المفروض تتمسك بتعاليم دينها وتسيطر على نفسها ,, البنت اصلا كائن ضعيف اقل كلمه حلوه بتهزها المفروض الشاب هو اللى مايضحكش عليها ويوهمها بالحب انا شايفه ان المسئوليه بتقع على الاتنين مش البنت بس ويمكن كمان على الشاب بدرجه كبيره ,,
ونقطه تانيه انت قولت ان فيه قصص حب كتير بتنجح على النت هو ممكن فعلا فيه قصص تنجح بس أكيد مش بدرجه 100 |100
شكرا ليكوا

SAM · 03-30-2010, 01:34 AM

اقتباس:

المشاركة الأصلية كتبت بواسطة yasmina

انا اسفه سام بس انا مختلفه معاك انت ليه حطيت المسئوليه على البنت بس وانها المفروض تتمسك بتعاليم دينها وتسيطر على نفسها ,, البنت اصلا كائن ضعيف اقل كلمه حلوه بتهزها المفروض الشاب هو اللى مايضحكش عليها ويوهمها بالحب انا شايفه ان المسئوليه بتقع على الاتنين مش البنت بس ويمكن كمان على الشاب بدرجه كبيره ,,
ونقطه تانيه انت قولت ان فيه قصص حب كتير بتنجح على النت هو ممكن فعلا فيه قصص تنجح بس أكيد مش بدرجه 100 |100
شكرا ليكوا

خلاص هاتى دلوقتى اميلك فى رساله خاصه ..

وادخل اقولك كلمتين حب

واقعى فى حبى وغرامى وسلمى نفسك ..

ولما تخصرى فى الاخر واسيبك ابقى قولى انتى ضحكت عليا .

وعلقى مشكلتك على ان البنات كائن ضعيف .. وانا اللى وحش كاسر وضحكت عليكى !!!

يعنى اى حد يقول كلمتين البنت تسلم نفسها .. وهى وحظها يا اما يطلع حلو يا اما يطلع وحش وكداب ؟

ده كلام ده ؟ !!!

وفين العقل والتفكير والدين !!
مينفعش طبعا !

yasmina · 03-30-2010, 01:44 AM

مش معنى ان البنت كائن ضعيف انها هبله انا أقصد ان البنات بصفه عامه مشاعرها رقيقه يعنى لما بتحب بتحب فعلا انما الشاب ممكن يكون بيحب 2 و3 فى وقت واحد بس احنا للاسف فى زمن ما بيتشافش فيه غير غلط البنات واى مصيبه تحصل يبقى البنت هى اللى مسئوله انما الشاب مش مسئول عشان هو رجل ..
وبعدين يا سام انت بتقول فين العقل والتفكير والدين للبنت برضه ولا المفروض للاتنين

SAM · 03-30-2010, 01:50 AM

اقتباس:

المشاركة الأصلية كتبت بواسطة yasmina

مش معنى ان البنت كائن ضعيف انها هبله انا أقصد ان البنات بصفه عامه مشاعرها رقيقه يعنى لما بتحب بتحب فعلا انما الشاب ممكن يكون بيحب 2 و3 فى وقت واحد بس احنا للاسف فى زمن ما بيتشافش فيه غير غلط البنات واى مصيبه تحصل يبقى البنت هى اللى مسئوله انما الشاب مش مسئول عشان هو رجل ..
وبعدين يا سام انت بتقول فين العقل والتفكير والدين للبنت برضه ولا المفروض للاتنين

مرحبا ياسمين ..

هوضحلك الفرق ,

الراجل اسان وكائن وحش جدا .. ماشى خلينا نقول كدا .

لو حصل وحب اتنين 3, 1000 حتى !

خصران ايه ؟ حسابه اه عند ربنا علشان هو انسان متبعش الدين .. وغلط فى حق بنات الناس وبهدلهم معاه ..

لكن البنت بقا ؟

سمعته . منظر . شكل . ( امور دنيوية ) . ده غير الامور السماوية . والحساب .

البنت هتخصر ضعف الشاب . وده شىء معروف فى مجتمعنا العربى المتخلف .

الراجل لو قالو ده بتاع بنات . ده خطب قبل كدا . وراح يخطب تانى عادى .
البنت لو اتخطبت مره بقا سابك ليه . وعشان ايه . ويا ترى علاقتكو وصلت لفين قبل ما يسيبك .. وا وا وا و الف سؤال يجعلك تكرهين نفسك والدنيا .

لما قلت البنت وجيت عليها اكتر لانها هى الخاسرة ااولى والاخيرة ..

الشباب ربنا هيحاسبه لكن فى الامور الدنيوية عادى جدا . وبيتباها انه له علاقات نسائية كمان . والناس بتسقفله !!

وصلت ؟

yasmina · 03-30-2010, 01:56 AM

وصلت يا سام ده اللى انا مش عارفه اقوله ,,انت فعلا عندك حق ان البنت هى الخسرانه
شكرا ليك على التوضيح

زهرة الجنة · 03-30-2010, 12:45 PM

اشكركم جميعا على تفاعلكم فى الموضوع وان هو جذبكم كدة لابداء ارائكم اللى اسعدتنى
ومن رأيى الحب ممكن يكون فى اى مكان المهم نية الطرفين اية وهل بيحبوا بعض حب حقيقى ولا لا
مثلا ياسمين بتقول ازاى احب واحد مش شوفته ما انتى ممكن تشوفيه طبعا بس المهم يكون شخص موثوق فيه واد كلمة الحب دى مش بيتسلى او بيلعب
وكمان سام وضح لينا نقطة مهمة وان البنت هو اللى بيقع عليها الغلط والرجل عادى ودى نقطة صحيحة وخصوصا فى مجتمعنا الشرقى بس مش مع دة ان الراجل بقى يرتكب اخطاء وماشى مع نفسه كدة ويقول عادى انا راجل اعمل اللى انا عاوزه وبمزاجى محدش هيعملى حاجة وحسابى عند ربنا بقى
ومن رأيى النت زى الجامعة زى اى حاجة ما ممكن واحدة تتعرف على زميلها فى الجامعة وبرضة يخدعها بأسم الحب
المشكلة هى النية ومدى صدقهم مش المشكلة فى النت
وكمان اتمنى اى شاب او بنت تفكر دايما ان فيه ربنا شايف ومطلع على كل شىء وان كما تدين تدان وان الشاب يفكر الف مرة ان ليه اخوات بنات وممكن يحصل فيهم دة فبلاش تلاعب بالمشاعر
اشكركم جميعا
لكم منى اجمل تحية

smartman · 03-30-2010, 04:53 PM

سيدتي الفاضلة الحب عالنت مشكلة كبيرة جدا وماحدش بيعمل كدة الا الانسان الفاضي والمعقد نفسيا أو مريض بمض نفسي يعني يعني انسان ماعندوش هدف في الحياة
وأحييك على موضوع المبهر

زهرة الجنة · 03-31-2010, 09:46 PM

ممكن برضه يا سمارت مان بس برضة المشكلة مش مشكلة انه على النت المشكلة فى مدى صدقه وهل لعب وتسلية ولا جاد

ميدو · 03-31-2010, 09:59 PM

الحب هو اختلاط أو امتزاج أو تلاقي المشاعر والأحاسيس والعواطف وليس تلاقي الأجساد

وبالتالي لايرتبط بالمكان ولا الزمان

مثلا يمكن ان يكون النت بدايه للتعارف وليس التعارف ويكون هناك قبول أو إعجاب من الطرفين وبعدها ستتم خطوات هي التي ستحدد إمكانية تحول هذا الاعجاب أو القبول إلي حب ومن ثم إرتباط او لا

خلاصة الكلاام

النت اصبح وسيله للإرتباط في ظل انفتاح العالم وفي ظل العولمه
وأكيد هناك حب النت الصادق وأيضا هناك التسليه والكدب مثله مثل أي شيء في الحياه فيه الصالح وفيه الطالح

لكن علي البنت أن تتعامل بحذر ولا تعطي الثقه لأي شخص بسهوله