بالصور: تغطية حصرية لحادث المنصورة 
مروة الشامى
 07/28/2010 |  عدد القراء: 22920
4 مليارات جنيه خسائر حوادث الطرق في مصر سنويا ً...31 ألف مركبة تعرضت للتلف بسبب حوادث السيارات على الطريق عام 2009...نحو 89 ألف حالة وفاة ضحية حوادث الطرق في مصر من عام 1990 حتى عام 2006 .... ويستمر حصاد دماء المصريين .... في كل يوم حادث جديد يضاف إلى مسلسل نزيف الأسفلت.
الزمان: العاشرة مساء يوم الثلاثاء الماضي الموافق 27 يوليو الجاري
المكان: كوبري الجامعة بمدينة المنصورة
المشهد الأول: سيارة ملاكي تعبر الطريق للاتجاه المعاكس..سيارة ميكروباص بها 14 راكب وسيارة تاكسي ...تصادم....سيارة التاكسي تسقط من أعلى الكوبري..السيارة الملاكي أعلى الرصيف...دماء وأجساد اختلطت بالحديد.
المشهد الثاني: سيارات الاسعاف وسيارات الشرطه....3 قتلى..12 مصابا...
المشهد الثالث: مستشفى الطوارئ ب المنصورة...أنين الآلام...دموع الفراق...وأصوات تحمد الله على النجاة
يقول جمال محمد عبد الوهاب سائق الميكروباص وهو يرقد بسريره في المستشفى "لقيت عربية ملاكى عدت الجنب التانى وبقت قدامى انا كنت فى طريقى من مصر الى فراسكور والزرقة ومش عارف ايه اللى حصل بعد كدا لانى فوقت لقيت نفسى فى المستشفى وانا مش غلطان واللى كان قاعد جنبى قال كدا "
فيما يقول وليد ابراهيم توفيق أحد ركاب الميكروباص " العربية الملاكى جت فى الاتجاه المعاكس ،3 عربيات دخلوا فى بعض عربية منهم وقعت من على الكوبرى فى البحر وعربية طلعت على الرصيف ومحستش باى حاجة غير وانا هنا"
ويروي شادى احمد امام لحظات الحادث قائلا "أنا كنت راكب جنب السواق وهوه طلع من فوق الكوبرى بتاع شربين لقيت عربية ملاكى جاية قدمنا مخالف طلعت على الرصيف والتاكسى جه من وراها ونزل فى البحر ... ده اللى انا فاكره"
ويقول ابراهيم سيد احمد موظف بشبكة الاتصالات فى القاهرة "كنت عائدا من عملي فى الميكروباص لقيت السواق بيقول بعد المنصورة بشوية مش هامشى من هنا عشان المطبات قال هادخل من الناحية التانية على كوبرى شربين وعدينا الكوبرى بثوانى مشوفتش حاجة بعدها ومش فاكر اى حاجة تانى والسواق كان ماشى عادى مش سريع "
وفيما غادر 6 من المصابين المستشفى بعد إجراء الإسعافات الأولية اللازمة لهم لا زال يرقد حسنى فوزى حسنين وابنه محمد بالعناية المركزة في حالة خطرة.
مشهد النهاية...كلاكيت تاني مرة... 89 ألف حالة وفاة ضحية حوادث الطرق في مصر من عام 1990 حتى عام 2006......من المسئول؟؟؟
 لقي
|
